Etur tú færri enn 20 matvørur og hevur trupulleikar við kropsligu menningini, so kann man siga, at tú ert so mikið kræsin, at tað er ein stórur trupulleiki.

Tað heldur Poula Patursson, sum er kliniskur diætistur.

Sambært henni eru ymiskar orsøkir til, at summi fólk eru kræsin. Men tað er ongantíð ov seint at venja seg av við kræsni.

– Tað snýr seg um spakuliga at fáa nýggju matin inn í máltíðina og at royna matin í fleiri umførum - upp í eini 15 ferðir, sigur Poula Patursson.

Gestir hesaferð:

Katrin á Neystabø

Ólavur í Geil

Poula Patursson

Lene Terp

Kristian Blak

Marianna Nagata

Rigmor Dam, fyrrverandi landsstýriskvinna var ein teirra, sum fanst at, at tað bara vóru menn í politiska kjakinum í Degi & Viku friggjakvøldið.

Tað er tó ikki altíð so lætt at fáa kvinnur at vera við. Nógvar kvinnur himprast við at siga sína hugsan og standa fram í miðlunum. Kvinnur skulu aloftast hava umhugsunartíð, áðrenn tær játta. Oftani er tíðin knøpp í miðlunum og tí ber ikki altíð til at bíða eftir svari.

Tað sigur Hansa Hansen, miðlafólk, millum annað, sum mangan hevur upplivað, at tað er truplari at fáa eina samrøðu við eina kvinnu samett við ein mann.

Ein barnaváttan er ein víðkað revsiváttan, har upplýst verður, um viðkomandi persónur er dømdur fyri at hava gjørt seg kynsliga inn á børn.

Hetta er ikki fyrstu ferð at uppskot um barnaváttan hevur verið fyri Løgtingið. Í 2012 varð eitt uppskot samtykt, um at heimila fólki at biðja um barnaváttan.

Summi brúka heimildina

Heimildin verður brúkt av summum, men Djóni Nolsøe Joensen, tinglimur fyri Javnaðarflokkin, mælir til, at tað skal verða lógarkravt at krevja inn barnaváttan frá øllum, sum arbeiða við børnum undir 15 ár.

Morgunsendingin, týsdagin 26. januar

Gestir:

Magnus Pauli Vest

Djóni Nolsøe Joensen

Bárður Atlason Ísheim

Rigmor Dam

Hansa Hansen

Í sambandi við innsetingina av Joe Biden í farnu viku fegnaðist presturin, Theodor E. D. Olsen, um, at hóast Joe Biden altíð hevur havt avbjóðingar við staming, so heldur tað honum ikki aftur í at seta seg í forsetastólin.

Og júst staming er nakað, Theodor E. D. Olsen sjálvur kennir til.

- Eg havi ongantíð hugsað so nógv um tað, og eg havi á ongan hátt følt meg útihýstan, av tí at eg stami, sigur Theodor E. D. Olsen.

Hann dylur tó ikki fyri, at tað kann vera avbjóðandi viðhvørt.

Gestir hesaferð:

Petur Hans Dahl

Theodor Eli Dam Olsen

Malan Ludvig

Fyri einum lítlum ári síðani, í mars í fjør, fór Malan Ludvig undir ein blogg og vanga á instagram. Sjóneykan verður sett á gerandislívið sum ikki altíð, um nakrantíð, er ljósareytt.

Endamálið er at vísa gerandisdagin, sum hann er, sigur Malan Ludvig, ið er mamma at fýra.

- Eg helt ikki sjálv, at nakað var fyri meg, og valdi tí sjálv at gera ein. Áhugin er avgjørt har, so eg havi rakt eitthvørt.

Fólk skriva at tað er befríandi at síggja veruleikan sum hann er, vísir Malan Ludvig á.

Í Skúlanum við Streymin hava tey - sum tann einasti skúlin í landinum - brúsuklivar heldur enn eitt rúm við brúsum. Hugskotið kom fyri nøkrum árum síðani, tá nýggi skúlin skuldi prosjekterast.

– Vit høvdu eina avbjóðing serliga við hádeildini, tí tey møttu ikki upp til ítrótt, millum annað tí tey ikki vildu í brúsu saman við flokksfeløgunum, fortelur Sonni Djurhuus, skúlastjóri og heldur fram:

Uppvaskimaskina, útvarp, apur og papageykar. Mong vóru ljóðini, ið skuldu gerast.

Hoyr hvussu tað hilnaðist hjá teimum, sum tóku lut í kappingini.