Morgunsendingin, fríggjadagin 22. januar.

Gestir:

Jórun Mørkøre

Dánjal Olsen

Sunneva Háberg Eysturstein

Sonni ÓIi Djurhuus

Teitur Joensen

Í ár ætla væl dámdu sjónvarpsfólkini Anders Agger og Anne Hjernø at gera eina sjónvarpssending í seks pørtum um Norðurlondini. Til tann eina partin skulu upptøkur eisini gerast í Føroyum. Í tí sambandi leita tey eftir føroyingum og dønum í Føroyum at vera við í sendingini. Tey leita serliga eftir teimum, sum búgva óvanlig støð, arbeiða við serligum norðurlendskum rávørum, ella teimum, ið vita eina góða søgu - t.d. um norðurlendskan felagsskap.

Fyri stuttum hittust fimm pápar, Johnny Olsen, Hans Pauli Ziska Jacobsen, Anfinn Hansen, Vilhelm Vilhelmsen og Pætur Gerðalíð, á føðideildini á Landssjúkrahúsinum í Havn. Teir eru allir búsitandi í Norðoyggjum og gjørdu av at stovna ein pápabólk.

Teir hittast javnan, men samskifta eisini nógv saman á einum facebook-bólki, har teir millum annað kunnu seta hvørjum øðrum spurningar og deila góð ráð.

Morgunsendingin vitjaði pápabólkin í Klaksvík.

Gestir hesaferð:

Jóna Pólsdóttir

Silas Olofson

Bjørk J. Tróndheim

Anders Agger

Fyrr í vikuni legði Bjørk Jónheðinsdóttir Tróndheim tvær myndir, sum hon hevur teknað á Photoshop, út á Twitter. Tær vóru tó settar saman og lagdar út sum ein mynd.

Fyrru gjørdi hon, tá hon var 16, og seinnu fyri stuttum, nú hon er 24 ár.

Tá hon fór í song hetta kvøldið, myndin var løgd út, hevði hon fingið nøkur 1000 likes.

Morgunin eftir var tað vaksið til 30.000.

Síðani tók tað veruliga dik á seg. Í dag hava fleiri enn ein millión dámað myndina á Twitter.

Fleiri løg av vaktarringum skulu verja kjarnuna. Serliga er nógv sett inn við uttasta ringin, so tað er longri tíð frá uttasta verjugarði til at flyta Joe Biden burtur, um ein vandi skuldi stungið seg upp.

Tað sigur Brynjer Johannesen, sum hevur royndir við trygd í føroyska og danska politinum og sum fylgir væl við í amerikonskum trygdarviðurskiftum.

Hoyr hann greiða frá.

Børn eru ikki før fyri at vita, hvat er best fyri tey, og tí skulu tey ikki setast í støður, har tey sjálvi skulu taka støðu til ymiskt.

Tað heldur Vígdis Skorheim, familjuráðgevi. Hon er námsfrøðingur og hevur lisið námsfrøðiliga sálarfrøði.

Í morgunsendingini greiddi hon frá um uppaling og uppalingarhættir.

Eitt nú fortaldi hon, hvussu foreldur eiga at gera, tá familjan er til handils, barnið vil hava bomm, og foreldrini siga nei.

Morgunsendingin, mikudagin 20. januar.

Gestir:

Eyðfinn Magnussen

Brynjer Johannesen

Tóri Højgaard

Vígdis Skorheim

9124 skotnar harur eru skrásettar higartil á heimasíðuni haran.fo, men enn vænta tøl frá nøkrum ávísum økjum, sigur Eyðfinnur Magnussen, sum skrásetur og eygleiðir haruveiðuna. 

Harutalið liggur vanliga um 6000 harur í miðal, men í ár er eitt stórt frávik. 3200 fleiri harur eru skotnar hendan veturin samett við árið fyri. Tað er bara eina ferð hent fyrr, síðan tað var byrjað at skráseta haruveiðuna, at fleiri enn 9000 harur eru skotnar. Tað var í 2014.

Hoyr Eyðfinn Magnussen greiða frá.

Føroyska rossið, sum hevur verið í landinum í áleið 1000 ár, hevur eina ikki sørt dramatiska søgu.

Eitt tíðarskeið í 1960unum vóru bara fimm ross eftir. Fýra ryssir og ein greðingur.

Greðingurin, Jaspur, var í Vágum, og djóralæknin var komin á staðið at gelda.

Jaspur var niðurbundin, og læknin stóð við saksinum í hondini. Í síðstu løtu var Jaspur bjargaður, og hann er í dag ættfaðir at øllum føroysku rossunum.

Jóna Ólavsdóttir er forkvinna í felagnum Føroysk Ross.