Tað sigur Ásla Breyt Danielsen, sum mangan hevur hoyrt fyri, at hon og maðurin ikki eiga børn saman. Tað, sum fólk aloftast ikki vita, sum koma við slíkum viðmerkingum er, at pørini í fleiri ár hava roynt at fingið børn, bæði lívfrøðiliga og við viðgerðum.

Tey flestu, sum hava trupult við at fáa børn, tosa ikki hart um trupulleikan, men tað eru tó mong, sum stríðast við barnloysi. Vit hava ikki fingið føroysku tølini fyri gitningarviðgerðir, men sambært donskum tølum, hevur tíggjuna hvørt par trupult við at fáa børn.

Lús, barnaormur og skrubb eru vanligastu parasittsjúkurnar í Føroyum.

Í flestu førum er tað als ikki vandamikið at fáa lús, barnaorm ella skrubb, men ofta kann tað taka tíð og tykjast strævið at viðgera.

Í morgunsendingini greiddi kommunulæknin, Amalia Danielsen, frá parasittsjúkum, sum eru vanligar í Føroyum.

Morgunsendingin, mikudagin 13. januar.

Gestir:

Amalia Danielsen

Ásla Breyt Danielsen

Eyðrit Funn

Á ársins síðsta degi í 2020 læt Magni Husgaard frá sær instrumentala soloútgávuna, Reflections.

Manningin er, umframt Magna Husgaard á klaveri, Petur Hans Niclasen, el-gittar, Eyðun Johannesen, kontrabass og Høgni Klakkstein á trummum.

Tónleikurin er spældur live í studio. Hans Poulsen tók upp. Óli Poulsen hevur tikið sær av miksing og mastring.

Magni Husgaard sigur, at honum dámar væl at reflektera um tilveruna. Hetta sæst aftur á heitunum, sum løgini hava fingið. Eitt nú Daughters, Twenty-Two and a Half Years og We're All Ghosts.

Nú Jákup Hansen verður 70 ár, hevur hann samstundis sína síðstu arbeiðsviku á Strandferðsluni. Har hevur hann verið trúfastur í 46 ár. Tað var Thomas Arabo, sum setti Jákup í starv 1. juli, 1975. 

Hetta tíðarskeiðið hevur Jákup upplivað mangt og hvat. Morgunsendingin vitjaði á Farstøðini í Havn og fekk orðið á Jákup.

Í fjør bóðu 78 hjún um at blíva sundurlisin, 23 fleiri enn í 2019. So stórt sveiggj frá ári til ár kemur vanliga ikki fyri, staðfestir Súsanna Nordendal, løgfrøðingur hjá Familjufyrisitingini.

Hoyr hana greiða frá.

Morgunsendingin, týsdagin 12. januar.

Gestir:

Elmar Andreasen

Súsanna Nordendal

Snorri Patursson

Magni Husgaard

Jákup Hansen

– At flyta av Viðareiði til høvuðsstaðin Manila í Filipsoyggjum er einki minni enn eitt mentanarsjokk.

Soleiðis sigur 30 ára gamli Kristoffur Sørensen, sum síðani 2017 hevur búð í Manila. Kristoffur Sørensen og konan, sum er úr Filipsoyggjum, arbeiða fyri missiónsfelagsskapin Youth With A Mission.

Hóast viðingurin trívist væl í Manila, dylur hann ikki fyri, at gerandisdagurin er munandi annarleiðis enn á Viðareiði.

Gestir hesaferð:

Petur Hans Dahl

Malena Egeberg Jacobsen

Kristoffur Sørensen

Hoyr innslagið her