Nógv vóru skaðað av tí, sum hendi á Capitol Hill í Washington í USA fyrranáttina, tá mótmælisfólk brutu seg inn.

Í Føroyum hava vit ikki upplivað hending sum hesa, men onkur var kortini, sum bleiv mintur á ein tilburð, sum var fyri góðum 50 árum síðani, hóskvøldið, 26. februar, í 1970.

28. februar tað árið skrivaði 14. september í yvirskrift: Rok á havnargøtu, garnmamenn herja á.

Morgunsendingin, fríggjadagin 8. januar.

Gestir:

Marius Rein

Hans Petur í Brekkunum

Flestu føroyingar munnu kenna Cadbury sjokulátuna. Men møguliga eru ikki so mong sum vita av, at Cadbury familjan var við til at broyta Ongland við gerðum sínum.

Carsten Fonsdal Mikkelsen hevur skrivað grein um John Cadbury og hansara familju. Millum annað skrivar hann:

Áðrenn undirvísingin hjá 9.b í Eysturskúlanum byrjar um morgunin, skulu allir næmingarnir leggja sína fartelefon í ein kassa. Kassin fer síðan inn í eitt skáp, sum verður læst, og ikki fyrr enn skúladagurin er liðugur fáa næmingarnir fartelefonina aftur.

Flokslærarin í 9.b, Miriam Nolsøe Johannesen, sigur, at hon er sannførd um, at tað økir um bæði sosialu og fakligu førleikarnar, at tey ikki hava sína fartelefon í skúlatíðini.

Gestir hesaferð:

Sjúrður Skaale

Mirjam Nolsøe Johannesen

Annika Kunoy Im

Carsten Fonsdal Mikkelsen

Tað eru nakrir mánaðir síðan, at vit fóru undir at arbeiða við nýggja vikuskiftisblaðnum, sigur Annika Kunoy Im, redaktørur á blaðnum, Vikuskifti.

Hetta gevur møguleika at hava tíðindatilfarið fyri seg í Sosialinum, meðan vikuskiftistilfarið, sum er heldur lættari, verður fyri seg.

Tað eru longu gingin fleiri ár síðani, at fólk av álvara fóru at tosa um blaðdeyðan. Sambært summum skuldi hann longu verið veruleiki í dag. Tó hevur hann ikki fingið fastatøkur í Føroyum enn.

Fleiri vilja framvegis hava pappírsblaðið, ásannar redaktørurin.

- Hetta er ordiliga spennandi.

Soleiðis sigur 22 ára gamla Elisabet Vang úr Havn, sum júst er sett sum fysiskur venjari í KÍ.

Hon er útbúgvin persónligur venjari, hevur luttikið í og vunnið fleiri fitnesskappingar, og so hevur hon eisini verið á besta kvinnuliðnum hjá B36 og á landsliðnum.

- Mín uppgáva er at syrgja fyri, at leikararnir eru í sínum besta formi. Tá hugsi eg bæði um styrki og skjótleika. Og harafturat er umráðandi at arbeiða við skaðafyribyrging, tí leikararnir skulu vera klárir alt árið, sigur Elisabet Vang.

Í januar eru fleri, ið hava fíggjarligar timburmenn. Ofta verður meira brúkt á jólum enn ætlað, og tað kann koma aftur um brekku í nýggja árinum.

Eitt lyklaorð, til tess at fáa fáa skil á sínum peningaviðurskiftum, er dissiplin.

Fá tær eitt greitt yvirlit yvir tínar útreiðslur og inntøkur, so tú veitst, hvat tú hevur at arbeiða við.

Skilagott er at hava eina konto til mat, tí júst hetta kann blíva ein stór upphædd, tá hugt verður at einum heilum ári.

Slepp tær undan dýrum skundlánum og keyp bara tað, tú hevur brúk fyri.

Gestir hesaferð:

Dánjal Rein

Elisabet Vang

Ári Rouch

Jónas Djurhuus

Jan Otto Holm

Bitcoin er eitt cryptogjaldoyra, sum sá dagsins ljós í 2009. Tá var tað lítið og einki vert, og fólk góvu tí ikki stóran ans. Prísurin fyri eina bitcoin tá var bert nøkur fá oyru. Í dag liggur prísurin á umleið 180.000 krónur fyri eina bitcoin.

Hans Blaasvær vitjaði morgunsendingina, har hann greiddi frá um bitcoin og cryptogjaldoyra.