Ætla tit at hugna tykkum við at gera søtmeti til jóla, so kunnu tit her hoyra hvussu tað gekk, tá Arina og Poul hjálptu okkum við at gera Rocky Road, Bounty kúlur og ananas í myrkari sjokolátu.

Børnunum dámdu sera væl at gera søtmeti og ikki minst at eta tað aftaná.

Tey hava bæði sungið, gjørt film og framleitt jólaprýði, fyri á henda hátt at savna inn pening til Barnabata og Føroysku Jólahjálpina.

Korona hevði tað við sær, at jólasjónleikurin, sum hesaferð skuldi vera um lítlu gentuna við svávulpinnunum, var avlýstur, so 7. flokkur í skúlanum á Argjahamri mátti finna upp á okkurt annað.

Tey gjørdu ikki mætari enn at fáa sær íblástur í ævintýrinum um gentuna, sum hevur brúk fyri hjálp, og settu sær tí fyri at hjálpa øðrum børnum.

Karl Heri nevnir eisini framsýningina hjá Helga Joesen, sum verður í Gamla Seglhúsinum frá hósdegnum 17. desember kl. 18.

Tú kanst hoyra samrøðuna við Karl Hera Joensen her.

Í morgunsendingini greiddi Jógvan Páll Lassen, advokatur frá um rúsevni, og hvussu rúsevnismál verða revsað.

Harafturat svaraði hann spurningum frá lurtarum um evnið.

Næstu mánaðirnar fer Vivian Sjóklett, sum er millum annað námsfrøðingur og sexologur, út til føroyskar fólkaskúlanæmingar at hava seksualundirvísing.

Talan er um undirvísing fyri forskúlabørnum og upp til 10. flokk.

Í smærru flokkunum snýr seksualundirvísingin seg tó ikki um sex.

- Tá handlar undirvísingin um heiti á kroppinum, um mørk, og hvør eigur kroppin, sigur Vivian Sjóklett, og vísir á týdningin av at tosa við børn um kropp, kenslur og seksualitet.

Gestir hesaferð:

Karlot Hergeirsson

Brynhild Thomsen

Vivian Sjóklett

Jón Hestoy

Jógvan Páll Lassen

Birna í Hjøllum Hentze og Arni Zachariassen eru vertir á Datvarpinum.

Tey arbeiða bæði sum DAT-viðgerðar á ávíkavist DAT-ung og Blákrossheiminum.

DAT er stytting fyri dialektisk atferðarterapi.

Í Datvarpinum verða DAT-førleikar lagdir fram á ein einfaldan og lætt brúkiligan máta, sum bæði tey, ið hava tilknýti til rúsviðgerð hjá Blákrossheiminum og onnur kunnu fáa okkurt burtur úr.

Ta korona byrjaði, lótu hurðarnar aftur soleiðis at ógvuliga fá fólk komu í viðgerð.

– Vit eru komin til ta niðurstøðu, at skilabest er at lata dyrnar aftur jólaaftan og jóladag.

Tað sigur Jógvan Fríðriksson, bispur, nú tað á tíðindafundinum í gjár varð gjørt greitt, at fólk ikki sleppa í kirkju jólaaftan og jóladag. Mælt verður somuleiðis til, at samkomur heldur ikki skipa fyri nøkrum hesar dagarnar, sum savnar nógv fólk.

Sambært bispi er tað serliga ein orsøk, sum fekk leiðsluna í fólkakirkjuni at finna fram til hesa loysnina um høgtíðina.

Gestir hesaferð:

Jógvan Fríðriksson

Arni Zachariassen

Birna í Hjøllum

Páll Vestergaard

Tá føroyingar uttanlands verða spurdir, hvat teir sakna mest, er maturin ofta ovarlaga á listanum.

Mangan verður lagt nógv fyri at fáa ræst kjøt úr Føroyum, men tað kann vera bæði tvørligt og kostnaðarmikið.

Tí er tað ikki løgið, at fleiri útsetar hava roynt at ræsa og turka kjøt. Úrslitini eru tó ikki altíð til vildar.

Páll Vestergaard og konan fluttu til Danmarkar í 2016. Tey ásannaðu skjótt, at saknur var í føroyska matinum.

Tey gjørdu tí ein kassa við fluguneti, viftum og avfuktara.