Morgunsendingin, hósdagin 22. oktober

Gestir hesaferð:

Gunnar Dahl-Olsen

Henrik Rindom

Mikael Jakshøj

Jóhan Poulsen

Morgunsendingin, mikudagin 21. oktober

Gestir hesaferð:

Bára Krosslá

Turið Hammer

Djóni Nolsøe Joensen

Jógvan Páll Lassen

Í nógv ár hevur verið ynski um eitt nýtt orgul í Hvannasunds kirkju. Tað gamla orglið fylti ikki nóg nógv í kirkjuni, tá nógv fólk er í kirkju.

Ein av stigtakarinum er Jógvan Josias á Hædd. Hann greiðir frá, at tilgongdin til nýggja orglið byrjaði longu í 2009, tá tey settu seg í samband við Frobenius & Sønner, orgulbyggjarar. Eitt ynski um eitt kirkjuhús kom stutt eftir, og tí var tað ov nógv at hava tvær verkætlanir koyrandi í senn. Tá kirkjuhúsið varð liðugt í 2016, fóru tey undir aftur at fáa eitt nýtt orgul til kirkjuna.

Turið Hammer hevur skrivað og vart eina ph.d-ritgerð um tarmbrunasjúkur í Føroyum. Tað vísir seg, at Føroyar er tað landið í heiminum, ið hevur hægsta títtleika av tarmsjúkum. Mett verður at yvir 1.000 føroyingar hava tarmbrunasjúku. Tað er tríggjar ferðir fleiri tilburðir samanborið við okkara norðurlendsku grannar.

Djóni Nolsøe Joensen, løgtingslimur, er ein teirra, ið livir við tarmbrunasjúku. Ráðini frá Djóna eru at lata seg kanna sum skjótast, um sjúkueyðkenni vísa seg. Fyri hann hava kostvanar og rørsla gjørt, at hann bert noyðist at taka heilivág eftir tørvi.

Í dag eru bara 270 el-akfør á føroysku vegunum, men tað eru mong, sum ætla at keypa ein el-bil, staðfestir kanning, sum Góðan morgun Føroyar hevur fingið gjørt. 500 fólk vórðu spurd í kanningini.

Tá ið hugt verður at aldursbýtinum, so eru tað serliga tey í aldrinum 30 til 44 ár, sum ætla at keypa el-bil.

Gestir hesaferð:

Camilla Cornelius

Martin Andreas Kruse

Tóra við Keldu

Regin Berg

Tróndur Olsen

Í meir enn eina viku hava tey í Danske Spil bíðað eftir, at hepni føroyingurin, sum hevur vunnið 15 milliónir krónur í Lotto, fór at gera vart við seg.

Men nú hava tey funnið eigaran av teimum 15 milliónunum.

- Tað var um vikuskiftið, at viðkomandi vendi sær til okkara. Tað gjørdi persónurin ikki fyrr enn nú, tí viðkomandi var veruliga tikin á bóli, tá viðkomandi fann útav, at milliónirnar vóru hansara.

Soleiðis sigur Camilla Cornelius, sum er fjølmiðlafólk í Danske Spil.

Millumkyn, panseksuellur og viðkyn.

Hetta eru nøkur av orðunum, ið eru at finna í nýggja orðalistanum hjá LGBT Føroyar. Ein orðalisti, sum inniheldur øll tey ymisku heitini, tá tað snýr seg um kyn og kynsliga sannføring. 

- Vit halda, at tørvur hevur verið á einum føroyskum orðalista. Hóast fleiri munnu kenna heitini á enskum og donskum, so er umráðandi, at mann verður umboðaður í sínum egna máli, sigur Siri S. Hansen, umboð fyri LGBT Føroyar.

Gestir hesaferð:

Petur Hans Dahl

Siri S. Hansen

Bogi Jørgensen

Ingi Samuelsen

Gestir hesaferð:

Dan Olsen

Rúni Winther Johnsen