Í fleiri ár hevur Eyðfinn Magnussen, lektari í lívfrøði á Setrinum, fylgt við, nær staraungarnir koma út og verða floygdir.

Í ár vórðu staraungarnir klaktir umleið 22. mai og fóru á flog 17 dagar seinri, tann 7. juni, sigur Eyðfinn Magnussen.

Tað er eitt sindur ymiskt, frá einum ári til annað, nær starin verpur, og nær ungarnir koma út.

Tey 15 árini, hann hevur fylgt við, eru ungarnir komnir út millum 12. og 28. mai. Sostatt eru tvær viku á muni.

Tað er veðrið, sum stýrir hesum.

Tá tað er kalt í veðrinum, verpur starin seinni enn vanligt.

Tað er týdningarmikið at hugsa um parlagið sum eina heild, sigur Bjarta Petersen, parráðgevi.

Partarnir eru eitt toymi, og avgerðir skulu takast í felag. Hetta er ein máti at vísa virðing fyri makanum.

Um tað skuldi hent, at annar parturin er ótrúgvur, nýtist tað ikki at vera endin á sambandinum.

Tað er ein møguleiki at læra nakað og koma sterkari burtur úr tí, heldur Bjarta Petersen.

Heilt ítøkiligt merkir hugtakið 'FOMO', at tú ofta hevur kensluna av, at alt tað stuttliga og hendingaríka hendir á teimum støðum, tú ikki ert á. Tú hevur tað sera ringt við at fara frá einari veitslu, fundi, møti ella arbeiði, tí tú ert bangin fyri, at okkurt spennandi fer at henda, ið tú ikki fert at vera ein partur av. Tað skapar eisini ein tørv, har ein má fylgja við í, hvat onnur gera.

Tað finnast fleiri minnilutar, sum eru fyri órætti í Føroyum.

Nýføroyingar er millum teirra.

Hesin bólkur verður ofta yvirsæddur, heldur Ole Wich, sum eisini vil varpa ljós á hendan trupulleikan, nú fólk eru farin at mótmæla rasismu í Føroyum.

Morgunsendingin fríggjadagin, 5. juni

Morgunsendingin mánadagin, 8. juni

Fyri nøkrum árum síðani fór Jens Mortan Ramussen undir at savna tilfar um sigling í Føroyum. Burtur úr tí er sailing.fo sprotin.

- Søgan er sera einføld - vit hava ein arv, ið skjótt er gloymdur, og hann ætli eg at gera mítt til at varðveita. Hetta er ein arvur, ið vit kunnu brúka til at ríka um okkara sigling runt oyggjarnar. Orðini eigur Jens Mortan á heimasíðuni.

Nú verður farið undir at filma allar innsiglingar í Føroyum og leggja tær út á heimasíðuna.

- Vit koyra vestmannatíð enn, so tit náa at knappa nakrar øl upp og fáa tykkum fríska luft, sigur røddin í Nærvarpinum í Vestmanna hetta fríggjakvøldið nakrar minuttir eftir kl. 21.

Røddina eigur Durita Fagradal Augustinussen, sum er vertur fyri sendingini, ið kallast Gøtuorrustan.

Hetta fríggjakvøldið er hin triðja sendingin av sínum slagi, har vestmenningar dystast um at vita mest.

Kappingin er í veruleikanum pub quiz - bara gjøgnum útvarpið.

Sjódypp er eitt heilárs sjóbaðifelag, sum heldur til í Suðuroynni.

Áhugafelagið hevur verið virkið síðani oktobur 2018 og hevur nú fleiri enn 40 limir.

Tey dyppa fyri tað mesta í Tjaldavík, sum er ímillum Hov og Ørðavík.

Fyri at betra um umstøðurnar, er Sjódypp nú farið á hópfígging.

Tina Grønbeck Tausen, forkvinna í Sjódypp, sigur, at ætlanin er at gera eina oasu, sum skal hóska væl til grøna náttúrliga umhvørvið í Tjaldavík.

Um ein mánað fáa filmsfólk aftur møguleikan at kappast um at gera besta stuttfilmin.

Men orsakað av korona, verður tað eitt sindur øðrvísi í ár. Heitið er eisini broytt til Sprittfisk.

Samstundis verður skipað fyri einari filmsmiðju, sum kann kompensera fyri filmskúlan Nollywood, sum er útsettur orsakað av korona.

Anton Petersen frá Klippfisk og Maria Winther Olsen, fyriskipari, vitjaði morgunsendingina.