Mong vilja vera við, at tá føroyingar eiga summarhús uttanlands, kunnu útlendingar eisini eiga summarhús í Føroyum, ímeðan onnur óttast, at áhugin frá útlendingum at keypa hús og lendi í Føroyum, kann skapa óhepnar fylgjur.

Í Kvívík hevur ein týskari keypt trý hús, sum standa síð um síð. Heri Múller, borgarstjóri í Kvívík heldur, at tað er munur á at loyva summarhúsum í bústaðarøkjum og nakað uttanfyri bústaðarøkið. Hann fílist á, at kommunurnar ikki kunnu seta krøv. 

Hoyr borgarstjóran greiða frá.

Allan juni mánað heitir MEGD á fólk um at vísa teimum á atkomuligar matstovur í Føroyum. Ein bólkur er settur, sum saman við starvsnevndini hjá MEGD, metir um innkomnu uppskotini. 1. juli verða atkomuligu matstovurnar kunngjørdar, og tá fáa tær eina viðurkenning fyri góða atkomu og eitt merki á høvðusdyrnar, sum vísir, at hjá teimum er atkomuligt, og at øll eru vælkomin.

Allan juni mánað 2020 eru øll vælkomin at vísa MEGD á atkomuligar matstovur í Føroyum. Við hesum ynskir MEGD at vísa á týdningin í atkomu fyri øll.

Tey fýra atlitini, ið tikin verða, eru:

Eingin lóg er, sum tryggjar, at tað ikki verður gjørdur munur á kynunum. Tryggingarfelagið LÍV hevur tó av sínum eintingum valt at broyta skipanina. Hetta merkir, at nógv umrødda lívrentan, har kvinnur fáa minni útgoldið enn menn tey seinnu árini av lívinum, tí kvinnur í miðal liva longri enn menn, ikki verður galdandi meir. Nú skal lívrentan roknast eftir somu fortreytum fyri bæði kynini.

Hoyr Jan Jakobsen, stjóra í LÍV, greiða frá.

Seinasta árið hevur verið hendingaríkt fyri ADHD-felagið. Millum annað hevur felagið fingið nýggja heimasíðu; tey hava fingið samstarv við ADHD feløgini í norðanlondum; nýggj ADHD klinikk verður sett á stovn; í desember fingu tey stóra adventsgávu og fleiri ung fólk eru vald í nýggju nevndina.

Eisini eru tey í holt við landsumfatandi átak, ið ber heitið 'viðurkenning'. Endamálið er at gera ADHD/ADD meira kent millum foreldur, fólk, politikarar og fakfólk, soleiðis at lættari er at tosa um tað, so tey við ADHD fáa ta neyðugu hjálpina.

Í dag gevur KFS út bókina 'Hvar er Gud í einum heimi við koronavirusi?' eftir John Lennox.

Í bókini setur Lennox koronavirusið í fleiri høpi: søguligt, har hann vísir at áðrar farsóttir gjøgnum tíðina; vísindaligt, har hann greiðir frá, hvat virus veruliga er fyri nakað; gudfrøðiligt, har hann tosar um, hvussu tað ber til at sameina alla hesa líðingina.

Tað var leygarkvøldið, at rakettin SpaceX, Falcon 9 var send upp úr Kennedy Space Center í Florida í USA.

Summi halda, at ov nógv hevur verið gjørt burtur úr hesi hendingini í miðlunum, men tí er Johan Mortensen, íverkseti, ikki samdur í.

Hetta er framtíðin, potentialið er risastórt, og Føroyar eiga at vera partur av hesum.

Í Unst í Hetlandi er ein rúmdarmiðstøð gjørd.

Har fara tey at senda rakettir við fylgisveinum upp. Hvør sending kostar áleið 70 milliónir krónur.

Vit kundu saktans havt eina tílíka støð í Føroyum, heldur Johan Mortensen.

Í síðstu viku var Martin Drangberg í morgunsendingini og greiddi frá sínum sjónarmiðum í sambandi við foreldramyndugleika. Hann hevur í fleiri ár arbeitt fram ímóti at broyta hesi viðurskifti.

Eftir samrøðuna fekk sendingin eitt teldubræv frá Landsfelagnum Børn og samvera.

Har var víst á, at felagið er av tí fatan, at faktuellir skeivleikar og nakrar heldur óhepnar orðingar, sum ikki eru til barnsins besta, vórðu bornar fram í samrøðuni.

Morgunsendingin fríggjadagin, 29. mai

Ert tú svangur í Nólsoy, so skalt tú ikki longur fara inn í Kunningarstovuna í Nólsoy at leita eftir mati.

Leygardagin letur kunningarstovan í Nólsoy upp aftur í nýggjum hølum - í kjallaranum hjá Anju Wardum.

Hølini eru einans góðar 20 fermetrar, og har er eingin køkur.

Men har er hugni, og har verður kaffi og góð tænasta, lovar Anja Wardum.

14.300 fólk hava tikið lut í kanningini frá 45 ymsum londum.

Úrslitini vísa, at bæði kynini leggja í størri mun dent á, at hin persónurin er fittur, gløggur og hevur góða heilsu. Men tað eru tvey øki, ið skilja menn og kvinnur. Fyri kvinnur er tað, at maðurin hevur fíggjarliga góð útlit, ímeðan tað fyri menn er, at kvinnan er vøkur á at líta.

Tað undrunarverda er, at líknandi kanning varð gjørd fyri 30 árum síðan við 10.000 luttakandi frá 37 londum, og úrslitið var tað sama.

Hoyr Bjørk Lind, sálarfrøðing greiða frá, hví so er.