Morgunsendingin mánadagin, 25. mai

Í syðra partinum av Italia er arbeiðsloysið stórt. Koronufarsóttin hevur gjørt støðuna munandi verri.

Hoyr Regin greiða frá.

Fyrr var tað leysar sigarettir. Nú er tað leys rís.

Gamla Kiosk Reto í Havn, har tú kundi keypa sigarettir í leysasølu,  er nú vorðin handil hjá Vistgrøði. Sigarettirnar, Joly-cola-fløskurnar og Kims-pakkarnir eru skiftir út við vistfrøðilig rís, heimagjørdur dadlukúlur og føroyskan tara.

Vistgrøði er í veruleikanum eitt limafelag. Ístaðin fyri at keypa inn hvør sær, so keypir limafelagið stórt inn fyrst, og síðani kunnu limirnir keypa úr handlinum.

AFS er afturvendandi átak, har fleiri túsund ung kring heimin hava møguleika at ganga í skúla og búgva hjá vertsfamiljum í øðrum londum.

Hvørt ár eru eisini fleiri næmingar sum velja at verða skiftisnæmingar í Føroyum. Í tí sambandi er tørvur á familjum at húsa teimum ungu.

AFS Føroyar hevur sera góðar royndir av skiftisnæmingum. Heilt serlig bond verða knýtt, og nógv ung velja at vitja aftur eftir lesnaðin.

Áhugaði kunnu lesa meira á afs.fo ella ringja á tlf. 254747

Tyrludeildin hjá Atlantic Airways hevur eina tyrlu við manning á varðhaldi alt samdøgrið 365 dagar um árið til leiting, bjarging og sjúkraflutning.

Herfyri varð eitt stórt mál rokkið, tá ið allir seks bjargararnir, ið eru knýttir at SAR/HEMS (Search & Rescue / Helicopter Emergency Medical Service), fyri stuttum vórðu góðkendir til at viðgera sjúk og skadd fólk við nýtslu av heilivági.

- Nógv, ið vit gera er listarligt. Hetta er eitt kreativt fak.

Tað sigur Ásla Breyt Danielsen, hárfríðkari.

Ásla hevur gjørt eina spurnarkanning á sosiala miðlinum, Instagram, har hon millum annað spurdi fólk, hvat tey halda um kostaðin at gera hár. Út við túsund persónar tóku lut og 70 prosent svaraðu, at tey hildu tað vera ov dýrt at fara til hárfríðkara.

Hárfríðkanarkvinnan greiðir frá, at endamálið var at lodda dýpið og fáa varpað ljós á starvið og fakið.

Hoyr Áslu Breyt Danielsen greiða frá.

Um tú hevur illgruna um, at alt ikki riggar rætt hjá grannanum, so kanst tú gera viðkomandi eina stóra tænastu, um tú bankar upp á og spyr, um alt er í lagi. Tað sigur Bjørghild Djurhuus, heilsufrøðingur.

Hon viðurkennir, at tað krevur dirvi at gera tað, tí hetta er ógvuliga persónligt.

Tú kanst eisini uppliva, at fólk blíva bæði ill og kedd, men tað hevur ofta víst seg, at tað kann hava nógv gott við sær.

Morgunsendingin týsdagin, 19. mai

Í ítróttarhandlinum Sport 24 í Havn hava tey úr at gera. Økti útlendski áhugin fyri føroyskum fótbólti ger, at tað er stórur eftirspurningur eftir fótbóltstroyggjunum í Betri deildini.

- Vit fáa bíleggingar úr øllum heraðshornum - m.a. Spania, Belgia og Amerika, sigur Petur Sólbjørnsson Thomsen, sum arbeiðir í Sport 24.

Tað er serliga ein ávís troyggja av einum ávísum spælara, sum gongur væl. Talan er um Adrian Justinussen úr HB, við nummar sjey á rygginum.

Morgunsendingin mánadagin, 18. mai.