Fríggjadagin var síðsti skúladagur á Glasi. Tá fingu vit orðið á tveir næmingar og samskiparan á serbreytini.

- Tá fólk koma á serbreytina, hyggja vit at styrkjum og veikleikum hjá hvørjum næmingi. Síðani leggja vit eina ætlan eftir tí, sigur Katrin Olsen, ið er samskipari á serbreytini.

Undirvísingin leggur dent á samleikamenningina og trivnaðin.

Undirvíst verður í smáum bólkum, bæði í vanligum lærugreinum á hóskandi stigi, í sosialum førleikum, at duga at handfara egið lív, fólkaræði, samstarv, dannilsi, o.s.fr.

Átakið leggur upp til, at metrarnir, sum ein gongur hvønn dag, verða skrásettir á Sona appini. 

Hoyr meira um átakið her.

Hagtølini hjá IRF staðfesta, at vit eru eitt samfelag við stórari nýtslu. Hvør føroyingur legði í miðal 1,4 tons av ruski eftir sær í fjør.

Hoyr Súsonna Berg, umhvørvisleiðara hjá IRF, greiða frá gongdini í samband við, at tað er altjóða ruddingardagur í morgin, leygardag.

Umhvørvisleiðarin kemur millum annað við fýra umhvørvisvinaligum hugskotum, hvussu tú kanst minka um ruskið.

Tænastuvinnan er hart rakt í løtuni. Tí hevur tað ongantíð verið meira viðkomandi og neyðugt enn júst nú at førleikamenn seg innan hesa vinnu og búgva seg til, at hon kemur á føtur aftur. Tað sigur Finn Jensen, dekanur á Glasi, sum vitjaði í morgunsendingini og greiddi frá um nýggju útbúgvingina, tænastubúskap.

Fyri 10 árum síðani landaði Ågot fyrsta plattin av frystum fiski á Kósini.

Frysting var ikki áhugaverd fyri føroyska línuflotan tá, og umstøðurnar at selja fiskin ikki av teimum bestu.

Eyðstein Poulsen, ið var skipari, greiðir frá, at tað var á einum virkisdegi á Fiskivinnuskúlanum í Vestmanna í 2007, at hugskotið veruliga festi seg.

Har vóru fleiri góðar framløgur, ið sannførdu okkum um, at frysting var rætta leiðin at fara. Tann frysti fiskurin tryggjar eina javnt góða vøru.

Vanliga eru verjur av doktararitgerðum í Føroyum ein festligur dagur, har familja, vinir og akademikarar í hópatali savnast at lurta eftir argumentunum hjá tí próvdømda. Men COVID-19 hevur eisini vent tí á ranguna.

Klokkan 13 í dag verður føroya fyrsta talgilda ph.d.-verja á Setrinum. Tað er Sunnvør Klettskarð í Kongsstovu, ið skal verja sína doktararitgerð um arvaeginleikar hjá sild.

Sunnvør hevur í ph.d.-skeiðinum verið í starvi hjá Amplexa Genetics og verið innskrivað á Fróðskaparsetrinum. Hon hevur arbeitt á iNOVA.

Bátafelagið á Toftum skrivar soleiðis í tíðindaskrivi:

Tann 16. mai 1945, vera tað 75 ár síðani, at bretsku hermenninir, sum fyltu so nógv í tí dagliga hjá nógvum føroyingum undir krígsárunum, vendu heimaftur.

Tað var tann 11. apríl 1940, at Winston Churchill boðaði Undirhúsinum í bretska parlamentinum frá, at Bretland júst í somu løtu var farið undir at hertaka Føroyar. Føroyingar, ið hoyrdu BBC, bíðaðu alspentir eftir Operation Valentine, sum hersetingin kallaðist, tí fór at henda, eftir at bretsku hermenninir vóru komnir í land.

Tað grør um gangandi fót í Vestmanna.

Viðarlundin í Vestmanna hevur fingið fleiri fermetrar at ráða yvir. Tað gevur rúmd til fleiri trø at gróðurseta.

Siðvenjan, har skúlabørnini í Vestmanna sleppa at gróðurseta sítt egna træ, kann sostatt halda fram.

Siðvenjan hevur annars ligið still í fimm ár; tí verður plantað við afturvirkandi megi í næstu viku.

– Um tú spyrt fólk á gøtuni, vænti eg, at níggju av tíggju ikki hava fullfíggjað yvirlit yvir síni pensiónsviðurskifti.

Tað sigur Jan Otto S. Holm, sum heldur tað hevði verið eitt gott hugskot, um privatbúskapur var lærugrein í framhaldsskúlanum.

Tá fólk fara av kós fíggjarliga, er tað oftast tí, at tey ikki til fulnar kenna allar sínar útreiðslur.

Hetta er fyrstu ferð, at Símun Gullaksen hevur verið úti fyri, at fuglur hevur lagt á seyð. Hann legði mynd av lombunum á bólkin Seyðaáhuga á Facebook og tað vísti seg, at tað kemur javnan fyri, at bøndur missa lomb av rovfugli.

Sæmbært heimasíðuni hjá Fiskimálaráðnum, so er lov at skjóta eitt nú ravn, kráku og skúgv alt árið. Símun Gullaksen heldur, at tað er í lagið at tynna um stovnin, men ásannar, at tað er trupult at skjóta rovfugl, tí fleiri teirra eru so styggir.