Morgunsendingin týsdagin, 05. maj

Morgunsendingin mánadagin, 04. mai

Morgunsendingin fríggjadagin, 01. mai

Í hesum døgum verða hendurnar hjá teimum flestu vaskaðar og sprittaðar oftari enn vanligt. Hetta kann hava við sær turrar hendur og eksem.

Bára Brandsdóttir er sársjúkrarøktarfrøðingur. Hon sigur m.a., at best er at nýta sápu við neutralum pH-viðri.

Tá vit spritta hendur, skulu vit helst nýta spritt við glycerin ella øðrum vætugevandi evnum heldur enn t.d. yvirflatuspritt.

Hoyr samrøðuna omanfyri, har Bára gevur nógv góð ráð til hondrøkt.

Sambært Politikken er sølan av alkoholfríum øli í Danmark fimmfaldað síðani 2014. Kortini eru ikki øll, ið halda nógv um hetta ølið.

Í lesarabrævi skrivar Sámal Matras Kristiansen, at tað verður samanborið við vatn, maltøl ella sodavatn. Alkoholfrítt øl verður snøgt sagt happað og ikki tikið fyri fult.

Onkursvegna er tað inngrógvið millum manna, at øl = alkohol. Sigur tú øl, hugsa fólk alkohol, men gloyma, at øl eisini er nógv annað.

Rakel Helmsdal, rithøvundur, fer í næstum undir at skriva nýggja skaldsøgu. Í tí sambandi vil hon læna dreymar frá fólki.

- Eg leiti eftir dreymum av øllum slagi. Sjálvandi brúki eg mínar egnu, men eg vil fegin hava dreymar av heilt ymiskum sløgum, tí dreymar eru eins fjølbroyttir og vit menniskju, sigur Rakel.

Hvussu tú orðar teg og stavar er ikki so týdningarmikið, hon ætlar ikki at brúka tilfarið orðarætt. Um ein vil, so kann Rakel nevna teg í eftirmælinum á skaldsøguni, men samstundis virðir hon fólk, sum heldur vilja verða dulnevnd.

Hvussu verja vit børn ímóti porno á netinum?

Tann eyma spurningin hevur Steffan Klein Poulsen úr Miðflokkinum sett hol á.

Røða viðvíkjandi at verja børn ímóti porno

Tingmaðurin setti landsstýrismanninum fyrispurningin, sum inniheldur fyri aðrar áhugaverdar prinsippiellar spurningar um moral og persónligt frælsi.

Vit hava boðið Steffan Klein POulsen og Bjarna Kárason Petersen úr Framsókn at skifta orð um evnið.

Jón Hammer hevði ætlanir um at lesa film- og medievidenskab í Keypmannahavn, men valdi heldur at søkja um eitt lærupláss hjá filmsfelagnum Zentropa. Hetta var í 2012.

Lærutíðin í Zentropa tók trý ár og er ógvuliga nógv eftir leistinum 'learning by doing', greiðir Jón frá. Hann byrjaði at starvast í móttøkuni og arbeiddi seg upp til at framleiða filmar saman við Peter Albæk. Serliga lærdi hann nógv av honum. Jón starvaðist hjá Zentropa í nøkur ár, áðrenn hann fór egnar leiðir sum filmsframleiðari.

- Tá eg gjørdi lagið til yrkingina, hoyrdi eg symfoniorkestur og kór fyri mær, sigur Elin Brimheim Heinesen.

Men ein slík verkætlan er kostnaðarmikil, og tí fer ein hópfíggingarverkætlan av bakkastokki.

Málið er at savna í minsta lagi 60.000 kr. Til ber hjá einstaklingum, fyritøkum ella stovnum at stuðla við upphæddum frá 200 kr. upp til 10.000 kr.

Sum sæst á hópfíggingarsíðuni, fæst okkurt afturfyri stuðulin.

Verður málið ikki rokkið innan 40 dagar, fella allir pengarnir aftur til stuðlarnar.

At hava verið í stórum parti av heiminum, men ikki í Mykinesi, tað er eitt sindur løgið.

Hesin tankin kom til Einar Martin Hjalt Jacobsen. Hann setti sær ti fyri at vitja allar bygdir í Føroyum í ár.

Mær dámdi so væl Ninja turtles, tá eg var barn. Tær skjaldbøkurnar vóru allar nevndar eftir kendum listamonnum.

Tí var tað upplagt, at mín skjaldbøka, litfagra húgvan, sum mammn hevur bundið, eisini skuldi nevnast eftir listamanni.

Navnið er Tróndur. Hon og eigarin verða avmyndað saman á hvørjum bygdaskelti, tey kom til.