Morgunsendingin fríggjadagin, 24. apríl

Í fjør vann Eydna Skaale altjóða heiður fyri røðuna hon helt til pisufundin í Viðarlundini í Havn. Røðan hevði heitið '5 lærdómar frá lívinum.'

Røðan, sum vann í ár varð kosin sum tann besta í bólkinum 'eulogy/tribute speech'. Talan er um eina flaggdagsrøðu, sum Eydna skrivaði fyri Honnu Jensen, távarandi landstýriskvinnu, til eitt flaggdagshald, sum varð hildið á føroysku sendistovuni í London í fjør.

Røðan eitur '100 Years With a Flag of Our Own' og heiðrar bæði Merkið og sambandið millum Føroyar og Bretland.

Endamálið við talgildu kanningini, sum er tann fyrsta av sínum slagi millum avvarðandi at persónum við demensi í Føroyum, er at lýsa, hvussu gerandisdagurin í familjum, sum eru raktar av demensi, verður ávirkaður av demenssjúkuni - harundir hvørjar fíggjarligar, sosialar og heilsuligar avleiðingar avvarðandi uppliva sum fylgju av demenssjúku.

Alzheimerfelagið heitir á øll avvarðandi at persónum við demensi um at svara hesum spurnablaði.

Tað vóru tríggir ungir harrar, sum 14. februar í 2005 settu YouTube á stovn - Steve Chen, Chad Hurley og Jawed Karim. Tá starvaðust teir í fyritøkuni PayPal.

23. apríl, 2005 legði ein av stovnaranum, Jawed Karim, fyrsta sjónbandið á YouTube, sum nevnist "Me at the zoo". Nú, 15 ár seinni, verða umleið 500 tímar av sjónbondum løgd inn hvønn einasta minutt.

Morgunsendingin prátaði við Jákup Justinussen, serfrøðing í sosialum miðlum, um hvussu YouTube hevur ávirkað miðlaheimin.

Morgunsendingin hósdagin, 23. apríl

Fyri gott og væl einari viku síðan kom Visit Faroe Islands við teirra nýggjasta átakið 'Remote Tourism'. Í stuttum snýr tað seg um, at ein og hvør kann uppliva Føroyar úr sofuni við at stýra einum føroyingi, sum gongur ymsastaðni í Føroyum. Eins og í telduspølum kann man stýra føroyingunum, hvønn veg hann gongur og fáa frágreiðingar um støðini, man vitjar. Hóast bert ein í senn stýrir virtuella føroyingunum, so kunnu øll onnur fylgja við á túrinum.

Morgunsendingin prátaði við Súsannu Sørensen og Oliviu Døgg Fríðfinsdóttir, sum til dagligt arbeiða á Visit Faroe Islands.

Tá korona tiltøkini vórðu sett í verk, saknaði Jóhannes Miðskarð at ganga til skeið og fyrilestrar í frítíðini, so hann fór sjálvur at skipa fyri júst tí - ókeypis.

Jóhannes er útbúgvin lærari, cand. ped. í námsfrøðiligari sálarfrøði og PhD. Hansara sergrein er leiðsla og organisatión.

Eitt av hansara skeiðum nevnist 'hvussu leiði eg meg sjálva/n til eina betri koronu-periodu?'

Morgunsendingin mikudagin, 22. apríl

Morgunsendingin týsdagin, 21. apríl

Henda avgerðin kom óvart á meg, sigur Svein Rógvi Nielsen Ljósstein.

Hann var sjálvur klárur at taka enn eitt tørn við Orminum langa.

Í gjár gjørdist greitt, at kappróðurin ikki verður í summar.

Tað kann hugsast, at tað ikki verður so lætt at manna bátarnar næstar ár, heldur royndi rógvarin.

Um rógvarar royna aðrar ítróttargreinir, er eingin trygd fyri, at tey koma aftur.

Koronaráðgevingin metir ikki, at tað er møguligt at rógva kapp á tryggan hátt út frá einum heilsufrøðiligum sjónarmiði í koronatíðum.