Hoyr sendingina her.

Beint fyri páskir bjóðaði morgunsendingin lurtaranum at senda inn hugleiðingar um, hvussu tey uppliva tíðina, sum vit liva í. Hetta kundi vera ein yrking, ein stuttsøga ella okkurt heilt annað.

Tvær vóru treytirnar: Heitið skuldi vera 'dagurin í dag' og ein hevði í mesta lagi 300 orð at spæla við.

Tað komu nógvar hugleiðingar inn. Vertirnir Elin og Jákup lósu nakrar teirra upp.

Umleið ein triðingur av teimum, sum sleppa inn at lesa eina bachelor útbúgving á setrinum, sleppa inn við kvotu 2, har hugt verður at meira enn bara miðnámspróvnum. 

Rannvá Dávadóttir, lestrarskrivstovuleiðari, sigur frá, hvat er gott at hava við í einari slíkari umsókn, og tað er meira, enn tú kanska gongur og trýrt.

Freistin at søkja kvotu 2 er longd til 1. mai

Morgunsendingin mánadagin, 6. apríl

Morgunsendingin mikudagin, 8. apríl

Morgunsendingin týsdagin, 7. apríl

- Tað var kona mín, Anna Iachino, ið fekk hugskotið, sigur Arnold Ludvig.

Tey bæði búðu í fleiri ár í Keypmannahavn, og har plagdu tey at vitja tílík tiltøk.

Tá tey fluttu til Føroya var avgjørt at royna tað her eisini.

Tað var heldur tvørligt at byrja við, at fáa fólk á pallin, men so við og við bleiv lættari.

Fleiri ungir spírar hava stigið síni fyrstu fet á Open Mic/Open Stage-pallinum, vísir Arnold Ludvig á.

Vit leggja dent á, at tað ikki er so farligt, um tað kiksar. Tað týdningarmesta er, at fólk sleppa at royna seg, sigur hann.

Føroyska ílegufelagið Amplexa Genetics, skal kanna grønlendingar fyri koronasmittuna, COVID-19. Higartil hevur ikki borið til at gjørt kanningar í Grønlandi.

Tiknu royndirnar verða sum nú er sendar til Keypmannahavnar, men frá í næstu viku verður hetta broytt, tá føroyska kanningarstovan letur upp í Nuuk.

Hoyr Hans Atli Dahl, stovnara og partaeigara av Amplexa Genetics greiða frá.

Konsertin var liður í rundferð í Føroyum, Grønlandi og Íslandi.

Fleiri vilja vera við, at hetta var størsta konsert í Føroyum nakrantíð. Blur hevði júst latið úr hondum fløguna Blur, har eitt nú stórhittið Song 2 er á.

Tó vóru bara 900 áhoyrarar á konsertini á Hálsi.

Tað, sum stendur eftir hjá fleiri, er, at sangarin, Damon Albarn, drakk eina føroyska øl á pallinum og síðani segði fjøldini, at hann var alt annað enn imponeraður av smakkinum.

Finnur Koba hevur gjørt útvarpsdokumentar um forkunnugu tónleikavitjanina í 1997.

Sølvá Jansdóttir er vanavegleiðari. Hon hevur tikið útbúgving í føðslu og heilsu, og so er hon eisini persónligur venjari.

Í hesum døgum gera mong nógv burtur úr at halda fast í heilsugóðum vanum, meðan onnur als ikki hava tíð og yvirskot at hugsa um venjing og at eta sunt.

- Vit fella alt ov ofta í 'alt ella einki' hugsan, tá vit hava við heilsu at gera. Antin eru vit all-in ella sløpp. Hetta er størsti trupulleikin og størsta forðingin fyri at tú klárar tað tú ætlar, sigur Sølvá. Hon heldur, at í hesum døgum er tað eisini ókey at gira niður.