Samskifti millum pør er ofta hetta, at vit seta okkum við døgurðaborðið og tosa um tað, sum vit hava upplivað til arbeiðis ella í skúla við meira, men nú vit ikki fara út, mangla vit hetta evnið at tosa um. Tað kann vera ein avbjóðing, heldur Margret Mortensen parterapeutur.

Í nátt varð sprongt undir Kirkjubø í sambandi við, at ein pumpubrunnur skal gerast til Sandoyartunnilin.

Eftir eina spronging varnaðust nakrir arbeiðsmenn, at eitt stórt hol var at finna aftanfyri. Tað vísti seg at vera eitt stórt helli.

Teir, sum komu fyrst á staðið, sóu, at ein beinagrind var at hóma. Eisini glitraði ymiskt ímillum grótið, sum bendir á at forngripur liggur jarðaður undir Kirkjubø. 

Myndugleikarnir hava fingið boð, og teir fara nú at kanna nærri, hvat tað er, sum nú er komið undan kavi í Kirkjubø.

Lærarar royna at laga seg til sín nýggja gerandisdag, har tey sjálvi sita við hús og undirvísa børnum, sum eru í skúla heima.

Amboðini, sum nú verða nýtt til undirvísin,g eru í stóran mun nýggj hjá bæði lærarum og næmingum, eins og tøknin spælir ein stóran leiklut, og her er NÁM ein stór hjálp, sigur Jákup Eli Olsen, formaður í Føroya Lærarafelag.

Um tú hevur møguleika at gera ymiskt kreativt við hús, men saknar íblástur, so er kanska ein hjálpandi hond her.

Instagramsíðan, Dreymakøkurnar hjá Ranvá, er fyri tað mesta, sum navnið bendir á, um køkur. Men eisini onnur góð hugskot eru at finna.

Eitt nú verður víst, hvussu tú kanst gera heimagjørt modellervoks og vakurt páskaprýði.

Eisini sigur Ranvá Knudsen, at teir vælumtóktu rómabollarnir eru stuttligir at gera saman.

- Ein persónur, har heimarøktin var á gátt fýra ferðir um dagin, hevur í dag bara tørv á røkt eina ferð um dagin, tí hann klárar tað mesta sjálvur.

Tað sigur Vigdis Nolsøe, ergoterapeatur hjá Bú- og Heimatænastuni í Suðuroy.

Hvussu ávirkar Korona-farsóttin tín gerandisdag? Lýs gjarna, hvussu tú hevur tað, og hvussu tú kennir teg.

Soleiðis ljóðar spurningur nummar 4 í spurnarblaðnum, sum liggur á Facebooksíðuni hjá Landsbókasavninum, og sum tey fegin vilja hava føroyingar at svara.

Orsøkin til hetta spurnarblaðið er, at Landsbókasavnið savnar inn upplýsingar um hesa tíðina, sum møguliga kunnu nýtast til at granska í seinni.

Hvønn mána-, miku- og fríggjamorgun í hesum koronatíðum skipar Sansa við Kirstin Ellingsgaard fyri beinleiðis Qigong venjingum á facebook vanganum hjá Sansa.

Orsøkin er, at vanligu liðvenjingarnar ikki bera til, nú vit ikki sleppa at savnast í bólki, men eisini tí at vit hava brúk fyri at røra okkum, nú vit eru so nógv heima, sigur Kirstin Ellingsgaard.

Vilt tú vita meira um Qigong, so er her eitt innslag frá leygardagssendingini, sum varð sent fyri einum ári síðani

Eins og nógvir aðrir stovnar, so hevur COVID-19 virusið ávirkað virksemið á Blákrossheiminum. Viðgerðarstovnurin ger eftir tilmæli frá myndugleikunum og tekur tí ikki ímóti nýggjum búfólkum undir núverandi umstøðum. Samstundis elvir tíðin við sóttarhaldi, smittuvanda og sjúku sannlíkt til strongd og aðrar kenslur, sum kunnu vera tungar at handfara hjá teimum, sum stríðast við rústrupulleikar. Hetta kann vera ein trupul tíð, bæði fyri tey og teirra avvarðandi.

Heri Simonsen hevur verið virkin á føroyska undirhaldspallinum í nógv ár.

Leingi var tað serliga hermingina, ið fólk settu í samband við hann.

Hann heldur, at tað vóru nógv fleiri originalar fyrr.

Nú skapa fólk originalitet í listini, men sum persónar eru fólk vorðin meira eins.

Tí fæst hann ikki so nógv við at herma eftir nýggjum røddum.

Eg eri blivin rættiliga afturlítandi, viðgongur hann.

Í morgunsendingini fingu vit loyvi at spæla eina frásagnar- og hermiframførslu, sum Heri Simonsen hevði á Reinsarínum í Havn á eldradegnum í fjør.

Her mitt í býnum plagar at vera lív í, men nú er púra friðarligt, sigur hon, Tað er tað, sum ger tað so óhugnaligt.

Myndugleikarnir í Spania hava sett ógvuliga strang tiltøk í verk.

Fólk skulu ikki ganga tvey og tvey. Ert tú úti, skalt tú hava pappír, sum vísa, at tú hevur eina góða grund til tað, og sum útgangsstøði skal bara ein persónur vera í hvørjum bili.

Politiið brúkar bilar, tyrlur og dronur fyri at tryggja sær, at reglurnar verða hildnar.