- Undirtøkan at skriva dagbók hevur verið stór.

Tað sigur Erika Hayfield, granskari, sum í síðstu viku søkti eftir føroyingum, sum høvdu hug at skriva dagbók og harvið taka lut í granskingarverkæltani.

Hoyr hana greiða frá.

Hoyr sendingina her

Luttakarar, Armgarð Arge, Rógvi Dam, Regin Dalsgaard, Morten Koronborg Jacobsen og Victor Carlsen

Morgunsendingin hósdagin, 19. mars

Heibrith Jakobsen hevur seinastu sjey vikurnar luttikið í Nýskapan í ferðavinnuni við sínari verkætlan at selja yoga til ferðafólk í føroysku náttúruni.

Morgunsendingin prátaði við Heibrith um hennara verkætlan.

Í 1987 keypti Justinus Eidesgaard fyrstu niðursetuhúsini á Hellunum. Nøkur ár seinni fekk hann eisini møguleikan at keypa annað niðursetuhúsið á Hellunum - bæði standa undir liðini á hvørjum øðrum.

Nú hevur Justinus endurnýggjað húsini úr rekaviði, sum hann ætlar at reka og brúka til ferðavinnuna.

Hann hevur brúkt omanfyri hálvtannaðhundrað rekar, sum hava havt ein langan og drúgvan túr til Føroya, tí teir flestu er komnir úr Sibiria.

Tað var 29. februar, at Kaj Skipanes fekk staðfest koronasmittuna, og síðani tað hava hann og familjan verið í sóttarhaldi.

18 onnur vórðu sett í sóttarhald, eftir at tað varð staðfest, at Kaj Skipanes varð blivin smittaður.

Tey vórðu øll eisini sett í sóttarhald, og ongin teirra hevur havt sjúkueyðkenni.

– Tað er ein lætti at vita, at eg ikki havi smittað onnur, sigur ein fegin Kaj Skipanes.

Hoyr sendingina her

Luttakarar, Marjun Lómaklett, Kitty May Ellefsen og Sámal Tróndur F. Johansen

Kitty May Ellefsen, ið hevur lisið positiva sálarfrøði, hevur ment eitt spildurnýtt ferðavinnukonsept.

Hetta vendir sær til teirra, ið ynskja minni ferð og ynskja at merkja lívið.

Við ferðafólkunum verður farið út í náttúruna - men talan er eisini um eina ferð í okkum sjálvum.

Nógv verður arbeitt við andadráttinum. Hann er fyritreytin fyri, at vit kunnu liva, men nógv okkara er als ikki tilvitað um, hvønn týdning tað hevur at anda rætt.

Tað blíva nógv fleiri pastoralar uppgávur, ásannar Marjun Lómaklett.

Tú merkir væl, at fleiri kenna seg ótrygg og nøkur eru óttafull og hava tørv á at koma á tal við prest.

Marjun Lómaklett sigur, at tað kennist heldur løgið, tá tú hevur fyrireikað teg til stóra familjugudstænastu, at saðla um og gera tað heilt øðrvísi.

Eisini jarðarferðir verða ávirkaðar av støðuni.

Í tí sambandi var ljóðstroymt frá jarðarferð í Christianskirkjuni, og tað vóru fólk ógvuliga fegin um.

Í 2019 setti danska stjórnin gott 1 mió. kr. av til at talgilda føroysk skjøl á danska Ríkisskjalasavninum. Skannaða tilfarið er sera rúgvismikið og skipað á ein serligan hátt, og tí er ikki altíð er so lætt at finna runt hjá óroyndum brúkarum. Men nú er okkurt gjørt við ta avbjóðingina, so tað verður lættari.