Hoyr sendingina her.

Myndin av føðingini, sum ikki er sensurerað á nakran hátt, vísir løtuna, tá høvdið kemur út.

Laila Neshamar, sum á Instagram eitur Krákumamma, sigur, at hon hevur fingið rættiliga nógvar viðmerkingar.

Nógv tær flestu hava verið positivar, men so hevur eisini verið onkur konstruktivur kritikkur.

Hon sær tó á sínum vanga, at myndin er deild ógvuliga ofta, og hon hevur frætt, at fólk hava nógvar meiningar um hana á Jodel, har tað ber til at skriva dulnevnt.

- Tað tími eg ikki at lesa, sigur hon.

Battarí, ljósperur, klárir plastposar og matleivdir er bara nakað av tí, sum IRF heitir á fólk um at skilja í gerandisliga burturkastinum.

IRF hevur nú gjørt merkir við ymsum myndateknum á, sum skal gera tað lættari at skilja burturkastið.

Hoyr Sissal Evudóttir Lervig frá IRF greiða frá.

Morgunsendingin mánamorgunin 9. mars

Síðan 2016 hevur Bogi Krossteig miðvíst arbeitt fram ímóti at gera eitt kavarasentur í Havn, so hann kann taka fólk við út at uppliva goymdu føroysku náttúruna undir vatnskorpuni. Hann sær eisini stórar møguleikar í øktu ferðavinnuni.

Sjálvur hevur Bogi kavað nógv runt í heiminum - millum annað í holum í Mexico, Florida og suður Franklandi, niður á ein kavbát frá seinna heimsbardaga út fyri Malta og koral rev í Reyða havinum.

- Ongastaðni er tað líka vakurt, líka serstakt og óspilt, sum tað er her í Føroyum, sigur Bogi.

Norðlýsið, sum er teknað og bygt í Føroyum, verður 75 ár, tann 5. mai.

Skipið var handað eigarunum á sjálvum degnum, tá Seinni heimsbardagi endaði í 1945.

Í hesum døgum er skipið á beding.

Viðlíkahald, umvælingar og ábøtur skulu fremjast, áðrenn skonnartin aftur fer undir sítt virksemi.

Frank Djurhus Jakobsen er stjóri í felagnum, sum rekur Norðlýsið.

Skipið verður nútímansgjørt, men vit leggja okkum eftir at varðveita so nógv av tí gamla, sum gjørligt, sigur stjórin, tí Norðlýsið hevur stórt kensluvirðið.

Tað er ikki bara tann vanligi fótbólturin, sum vit kenna hann, ið møguleiki verður at íðka í 07 Vesturi. Sum nakað nýtt fer fótbóltsfelagið nú undir at bjóða út e-ítrótt.

Jens Erik Rasmussen frá 07 Vesturi sær nógvar møguleikar í tí. Hoyr hann greiða frá.

Hetta er fjórða árið á rað, at tey skipa fyri tiltakið 8. mars í Fuglafirði.

Í ár fara tey at viðgera spurningar, sum hava týdning fyri menn og kvinnur, familjur og arbeiðsmarknað, skúlar og stovnar - spurningar um uppaling, ábyrgd og ávirkan.

Kvøldið byrjar við, at Ivonna Johansen, granskari, hyggur eftir námsfrøðini handan normar og kyn og greinar hesar fyri okkum og setur í perspektiv, hvussu vit verða ávirkaði samfelagsliga.

Hoyr sendingina her.

Hoyr Beintu Joensen, farmaceut í apotekinum í SMS greiða frá.