Óluva Hermansen hevur í nógv ár livað við tarmsjúku. Fyrstu sjúkueyðkennini vóru, at hon hevði ilt í búkinum og skuldi á vesi í heilum.

Hon var ofta á sjúkrahúsinum til kanningar, men tað gekk ógvuliga striltið at fáa at vita, hvat var áfatt.

Seinni bleiv hon kannað av nýggjum lækna, og tá bleiv staðfest, at talan var um tarmsjúku.

Tað er strævið at liva við tarmsjúku, ásannar hon. - Tá tú fert út, mást tú altíð vita, hvar tað ber til at sleppa á vesi.

Eftir fleiri ár fekk Óluva Hermanasen stomi. Tað gjørdi gerandisdagin nógv lættari, sigur hon.

Ung í arbeiði seta vit sum oftast í samband við at ungdómar í tvær vikur hvørja summarferiu fríðka um kommununa. Teir gera smáar umvælingar, lúka, sópa gøtur, mála, rudda og annað.

Í Klaksvík hava tey víðka hetta átakið til at fevna um kommunala og privata arbeiðsmarknaðin. Tað merkir at ungdómur alt árið kann søkja sær frítíðarstarv, sum passar til teirra áhuga og styrkir.

Nýggi starvsportalurin, www.uia.fo, er nýggja síðan, har ung í aldrinum 15-16 ár kunnu venda sær, um tey ynskja eitt frítíðarstarv.

Tá eitt fólk fær hjartasteðg, kann hvørt sekund vera avgerandi.

Nýggj app, sum nevnist Renn fyri lívið, skal tryggja, at tað í framtíðin ikki verður tilvildin, ið fer at ráða fyri, um ein hjartastartari kemur fram ella ikki.

Ragnar Jacobsen og Jákup Haraldsen hava drígvar royndir í tilbúgvingini, og teir eru spentir, til nýggja appin fer at virka.

Skipanin hevur verið nýtt í Danmark, og úrslitini hava verið góð, siga teir báðir.

Tjóðarítróttur føroyinga rør í vandasjógvi og okkurt má gerast, fyri at eggja fleiri rógvarum til.

Tað halda í øllum førum Ludvík við Stein og Heini Hátún.

Hoyr teir báðar viðmerkjararnar í kappróðri siga sína hugsan um evnið.

Tað er ein áhugabólkur, sum ger fyrireikandi arbeiðið.

Vinjard Magnussen, limur í áhugabólkinum, sigur, at fyrireikingarnar ganga væl.

Fleiri hava søkt um upptøku, men enn mangla nakrir næmingar, fyri at røkka tað talið, sum krevst, fyri at skúlin kann byrja at virka.

Freistin at søkja er hálvan apríl, og tey, ið varða av, hava góðar vónir um, at tað fer at eydnast.

Vinjard Magnussen vísir á, at skúlin leggur seg eftir at geva komandi ættarliðum eitt kristið holistiskt lívsgrundarlag.

Hjartastoytarar kunnu bjarga mannalívum, men fortreytin er, at teir virka, og tað gjørdi hjartastoytarin á Tórsbreyt ikki, tá brúk var fyri honum sunnumorgunin.

Tá stigini á hitamátaranum fara niður móti kuldamarkinum, riggar ein hjartastoytari ikki, ið stendur úti, um hann ikki er í skápi við hita. 

Heini Østerø, sløkkiliðsleiðari hjá Tórshavnar Kommunu, ið hevur eftirlit við hjartastoytarunum í høvuðsstaðarkommununi og Joan Mouritsen og Herluf Jakobsen, sum vóru á staðnum, vitjaðu í morgunsendingini í morgun.

Hoyr tey greiða frá.

Visit Faroe Islands stovnaði Ambassadørnetverkið í mars 2016 og nú eru umleið 120 ambassadørar í netverkinum. Hetta eru fólk, sum sita í altjóða nevndum og feløgum, og sum á beinleiðis ella óbeinleiðis hátt hava møguleikan at fáa fundir og ráðstevnur til Føroyar.

Síðst í 1980unum og fyrst í 1990unum fekk bólkurin, Skid Row, fleirfaldað platin fyri sjálvnevndu útgávuna og plátuna Slave To the Grind.

Ein av upprunalimunum er Dave Sabo.

Hann sigur við morgunsendingina, at tíðin, tá bólkurin fekk sítt stóra frambrot, var nakað heilt serstakt.

Blaðungu menninir vóru á konsertferð kring allan heim í 17 mánaðir.

Tá lærdu vit, at tónleikur er besta samskiftisamboðið. Fólk, sum ikki dugdu enskt, dugdu kortini allar sangirnar.

Onkrar broytingar hava verið í manningini síðani, men Skid Row spælir framvegis.

Eydis í Dali er úr Havn. Hon hevur búð í Keypmannahavn síðani 1996.

Í 2014 varð hon stalkað (tráelt) av einum manni, hon hevði fjasast við í tríggjar mánaðir. Tráeltingin fór fram í 18 mánaðir. Hann ringdi til hennara óteljandi ferðir, sendi nógv SMS-boð hvønn dag - eina blanding av hóttandi- og kærleiksboðum. Hann svav í hennara uppgongd, forfylgdi henni allastaðni, har hon fór, sendi blómur til hennara starvspláss og mangt annað. Eydis var skelkað og óvis á øll rundan um hana og eisini seg sjálva. Hon mátti flyta, misti sítt starv og fleiri relatiónir.

Morgunsendingin mikudagin, 26. februar