Formaðurin í boksisambandinum heldur ikki, at tað er so vandamikið at boksa, sum gransking staðfestir.

- Tað skuldi verði gjørd ein strika í sandin og byrjað av nýggjum við granskingini við heilaskaðum, tí boksing er ikki tað sama í dag sum fyrr, sigur hann. 

Tað er tó ein sannroynd, at ein fær nógv sløg í høvdið sum boksari, sigur Bjartur Nielsen, ið er elituboksari. 

Hoyr teir báðar greiða frá.

Áhaldandi stoytir í høvdið, sum mangan koma fyri í ávísum ítróttagreinum, kunnu elva til heilaskaða og sjúkur sum Parkinson, verður staðfest í fleiri granskingum.

Jú fleiri stoytir ein fær í høvdið, jú størri eru sannlíkindini fyri, at heilaskaði er farin fram. Tað sigur Bjarke á Rógvi Hansen, neurologur.

Hoyr heilalæknan greiða frá.

Tari hevur í Norðurlondum í stóran mun verið mett sum djóraføði, ella í ússaligasta føri, sum matur fyri fólk í svárastu neyð. Sagt verður at 'tey doyðu við tarablaði í munni', tá tey ikki átti fyri matartugguna.

Men nú er áhugin fyri vinnuligari taraaling vaksandi í Evropa og í USA, og hesin áhugi er grundaður á ein øktan eftirspurning eftir heilsugóðum mati og týdningarmiklum evnum í taranum, ið m.a. verða nýtt í fóðri, kosmetikki og heilivági. Harumframt kann taraaling verða við til at avmarka CO2 útlát.

WHO hevur valt 2020 at vera altjóða ár sjúkrarøktarfrøðingina. Hetta er eisini árið, tá móður sjúkrarøktinnar, Florence Nightingale, varð borin í heim fyri 200 árum síðan. Felagið føroyskir sjúkrarøktarfrøðingar hava valt at hátíðarhalda árið við einum búmerki.

Búmerkið tekur støði í loganum í eyðkendu lampuni hjá Florence Nightingale.

WHO varpar eisini ljós á ein heimsumfatandi tørv á sjúkrarøktarfrøðingum. Í 2030 metir WHO, at tað verður tørvur á 9 milliónum sjúkrarøktarfrøðingum fyri at nøkta teimum avbjóðingum, sum heilsuverkið tá fer at hava.

Í ár eru 125 ár liðin síðan flogbóltur sum ítróttargrein var uppfunnin Í USA.

Hetta verður markerað í Føroyum við tveimum frímerkjum við flogbóltsmotivi.

Millum annað tað er orsøkin til, at evropeiski flogbóltsforsetin, Aleksandar Boricic, vitjar í Føroyum.

Flogbóltssambandið skrivar í tíðindaskrivi, at tað í heimshøpi verður roknað við, at ímillum 800 og 900 milliónir fólk spæla flogbólt, og tað ger ítróttargreinina til eina av teimum fimm størstu í heimshøpi.

Í barna- og tannárunum gjørdi sjúkan ógvuliga nógv um seg, sigur Bogi Lydersen.

Tá hann bleiv tannáringur, mátti hann gevast við ítrótti, tí kroppurin toldi tað ikki.

- Eg havi tað gott í dag, sigur Bogi Lydersen, men sjúkan fyllir framvegis nógv.

Ein tími verður brúktur á morgni og aftur ein tími á kvøldi. Sostatt tveir tímar hvønn dag.

Sjálvur heldur hann, at tað er eitt undur, at hann er so væl fyri.

26. apríl verður YouRun 2020 í Keypmannahavn. Bogi Lydersen hevur teknað seg til renningina.

Talan er um olympiskan ítrótt, har lyft verður í greinunum 'snatch' (trekk) og 'clean and jerk' (vend og stoyt). Kvinnur og menn luttaka.

Tað verður kappast eftir IWF mannagongdum/reglum.

Í hesari kapping verður sokallaði Sinclair 1-2-3 mátistokkurin nýttur fyri ávikavist kvinnur og menn. Tey, sum lyfta mest í mun til kropsvektina, standa seg best. Ein lættur maður kann vinna á einum tyngri manni, hóast tann tyngri lyftir meira.

Tað verður møguligt at seta almenn føroysk met í ymsu vektklassunum hjá IWF (International Weightlifting Federation).

Hvørt ár verður skipað fyri altjóða kvinnubønardegi um allan heim, eisini her í Føroyum. Dagurin verður hildin í umleið 170 londum, har fólk luttaka aktivt í øllum hesum londum, og bønarfaldarin verður týddur til meira enn 1.000 mál.

Bønardagurin byrjar, tá sólin rísur í Vestursamoa í Kyrrahavinum, og heldur so fram, heilt til sólin setur í Amerikanskum Samoa, sum liggur beint við síðuna av Vestursamoa.

Bergur Danielsen, nevndarformaður hjá náttarravnunum í Havn, ásannar, at tey eru vorðin ov fá.

Tá náttarravnarnir fara í býin, ganga tey altíð trý saman og helst bæði kyn.

Støðan í dag er tó tann, at tað næstan bara eru kvinnur, ið eru í felagnum.

Formaðurin vónar, at tað fer at eydnast felagnum at fáa fleiri limir.

Tey flestu, sum eru við í dag, hava gjørt tað í nógv ár.

At vera millum tey ungu, fáa eitt gott prát og fríska luft er tað, sum ger, at fólk hava hug til hetta, heldur formaðurin.

Luttakarar: Todi Jónsson, Áki Vang Poulsen, Snorri Patursson og Lissi Hansen.

Hoyr sendingina her.