Morgunsendingin fríggjadagin, 14. februar

Michael Anthony Charles Johannesen, tónleikastjóri á G!, kunngjørdi í morgunsendingini, at Robert Plant, sum bleiv heimskendur við bólkinum Led Zeppelin, kemur til Føroya í summar.

71 ára gamli sangarin, ið verður mettur millum teir størstu í rokksøguni, vitjar oyggjarnar við síni nýggju tónleikaverkætlan, Saving Grace.

Saving Grace byrjaði at framføra í 2019 og leggur nú leiðina til G! Festival í juli.

Bólkurin tulkar eldri løg úr ymsum sjangrum, t.d. folk, bluegrass, blues og roots.

Morgunsendingin hósmorgunin 13. februar

Morgunsendingin mikudagin 12. februar

Í døgunum 1. til 10. februar vóru føroyskir fótbóltsvenjarar á ferð Í Rio de Janeiro, har teir vitjaðu ymisk fótbóltsfeløg, umframt at teir hava sæð heilt fitt av fótbóltsdystum.

Millum tey ferðandi vóru teir tríggir, Eli Hentze, Jens Erik Rasmussen og Alex Silva.

Serliga var tað eldhugurin fyri fótbólti, sum hugtók teir. 

- Líkamikið hvar vit hava verið, so síggjast børn, ung og vaksin við bólti. Hjartaslátturin er fótbóltsspælið!

- Eru vit fleiri, sum liva í parlagi, har vit eiga tíni, míni og kanska eisini okkara børn, sum kundu hugsað okkum, at fingið ráðgeving til tær avbjóðingar, sum av og á kunnu stinga seg upp hesum viðvíkjandi?

Soleiðis spyr Brynhild Bláhamar á sínum facebook-vanga.

At liva í samanfluttari familju er ikki óvanligt í dag.

Tað eru nógv atlit at taka, tá fleiri nýggj fólk koma í familjuna, og ofta kann tað vera trupult at fóta sær, heldur Brynhild Bláhamar.

Í tí sambandi ætlar hon at fáa sálarfrøðing til Føroya at hjálpa pørum, ið eru í slíkum støðum.

Fríggjadagin 13. februar kom plátan Black Sabbath út.

Tá misti heimurin ein part av sínum sakloysi.

Heavy Metal var borið í heim.

Høgni Djurhuus, journalistur og metal-elskari, heldur, at plátan enn er tann besta Heavy Metal-plátan, ið nakrantíð er útgivin.

- Teir lagaðu ein varða, og tann varðin stendur enn, og hann verður bara størri og størri.

Mijðan apríl endurtekur Visit Faroe Islands átakið "Closed for Maintenance", har útlendingar koma til Føroya at hjálpa at fríðka um - náttúruni og ferðavinnuni at gagni.

Áhugin er øgiligur. Túsundtals útlendingar standa á bíðilista; men einans 100 sleppa framat - hóast teir sjálvir skulu rinda fyri ferðina og fáa onga løn fyri arbeiði - annað enn kost og logi.

Men sum nakað nýtt, so er ætlanin at 40 føroyingar eisini skulu vera við í arbeiðsfylginum.

Lýsingar skulu frámerkjast. Eisini á sosialu miðlunum.

Tað sigur Rannvá Ragnarsdóttir, brúkaraumboð, sum hevur varnast, at alsamt fleiri fjaldar lýsingar ferðast á soialu miðlunum.

Hon hevur tí skrivað vegleiðing um evnið.

Við sínum tónleiki og mongu konsertferðum kring knøttin, hevur Týr fingið hópin av fjepparum, men Catharina van Daalen er ivaleyst tann størsti fjepparin, teir hava.

Hon kom til Føroya bara fyri at hoyra Týr um vikuskiftið. Frammanundan hevði hon keypt eitt atgongumerki, men komin til Føroya fór hon beint í Norðurlandahúsið og keypti eitt atgongumerki aftrat til útseldu konsertina, tí tey høvdu fingið eitt avboð í Norðurlandahúsinum. Og tá teir í Týr frættu hetta, bjóðaðu teir Catharinu til triðju konsertina, soleiðis at hon hoyrdi alt, sum hon kundi hoyra, meðan hon var her.