Tað var 27. desember í fjør, at ein 53 ára gamal maður fekk ein hjartatilburð í bili sínum í Vági.

Jákup Petur Joensen, Allan Jacobsen, Beinta Virgarsdóttir og Linda Kjærbo-Veyhe góvu manninum lívbjargandi fyrstuhjálp, til sjúkrabilur kom á staðið.

Fyri avrikið fingu tey heiðurin ársins fyrstuhjálparar 2019.

Beinta Virgarsdóttir greiðir frá, at hon koyrdi um eitt horn í eini brekku í Vági, tá hon sá ein bil standa mitt á vegnum.

Tá hon hevði bíðað eina løtu, trýsti hon á floytuna.

Tá fór bilurin avstað, men lítla løtu eftir brast hann í ein garð.

Luttakarar: Hilmar Eliasen, Jeanett Blaasvær, Regin Marnersson og Bjørghild Djurhuus.

Hoyr sendingina her.

Pápar í Norðurlondum brúka bara 10-30 prosent av samlaða barslinum. Frágreiðingin 'State of Nordic Fathers' kannar, hví so er, og vísir á møguleikar at økja lutin hjá pápum í ansing og barsli.

Í dag, mikudagin 5. februar, klokkan 14-16, verður seminar í Norðurlandahúsinum, har frágreiðingin verður løgd fram.

Eisini verður pallborð, har embætisfólk úr Norðurlondum fara at umrøða frágreiðingina, og hvussu barsilsskipanirnar eru í sínum landi, og hvørja ávirkan hetta hevur á javnstøðu millum kynini.

Krigsfotografen er ein filmur, sum snýr seg um myndamannin Jan Grarup. Jan Grarup livir í undantaksstøðu - úti í heimi er hann krígsfotografur, har hann er í lívsvanda nærum hvønn dag. Heima í Keypmannahavn er hann pápi at 4 børnum - og knappliga stendur hann einsamallur við foreldraábyrgdini, tá ekskonan gerst álvarsliga sjúk av krabbameini.

Í samband við at filmurin varð sýndur í Føroyum, skipaði Filmsfelagið fyri, at fáa leikstjóran og ein av myndamonnunum handan 'Krigsfotografen' til Føroya.

Boris Bertram er leikstjóri. Hann fylgdi Jan Grarup í seks ár:

Hagtølini vísa, at vøggudeyði er ógvuliga sjáldsamur í dag.

Hóast tað, er hetta eitt evni, sum foreldur at pinkubørnunum hugsa nógv um.

Tað, sum serliga hevur munað, er, at foreldur eru farin frá at leggja børnini at sova á búkinum til at leggja tey á ryggin.

Annað, ið hevur flutt hagtølini rætta vegin, er, at tað ikki verður roykt, har børn eru, og at børnini ikki eru ov heit, tá tey sova.

Tá talan er um vøggudeyða, kann eingin nágreinilig deyðsorsøk ávísast.

Ætlanin er, at økið kring skúlan skal kunna nýtast av øllum næmingunum og leggja upp til rokan og spæl, soleiðis at børnini heilt náttúrligt fáa hug til at røra seg í fríkorterunum, sum fara at vara í hálvan tíma.

Eisini er lagt upp til, at økið skal nýtast meira til undirvísing, tí tað er ikki neyðugt at sita á einum stóli fyri at læra, sigur skúlastjórin Regin Marnersson, sum vísir á, at stórur partur av økinum kring skúlan er ætlaður at vera náttúra, umframt at skúrar verða settir upp, sum kunnu nýtast til undirvísing.

Luttakarar: Bjørk Sørensen, Tórstein Sivertsen, Jákup Justinussen, Árni Jakobsen, Jógvan Fríðriksson, Boris Benjamin Bertram og Henrik B. Ibsen.

Bjørk Sørensen úr 9. flokki í Vágs Skúla og Torstein Sivertsen úr 9.a í Hoyvíkar Skúla geva okkum innlit í nøkur av teimum uppskotum, sum umboð úr framhaldsdeildum kring landið arbeiða við í tinginum í hesum døgum.

Tey halda so avgjørt, at summi av teimum uppskotum, sum tey ungu eru komin við, kunnu geva íblástur til tingarbeiðið hjá vanligu tingmannignini framyvir.

Nú ber til hjá hjá Facebook brúkarum sjálvum at gera av, um Facebook skal sleppa at goyma og selja víðari yvirlit yvir, hvussu og hvar tú ferðast á netinum.

Jákup Justinussen var á gátt og greiddi frá, hvat hetta merkir fyri okkum brúkarar. Hvat vinna vit, og hvørjar avleiðingar kann hetta hava.

Vilt tú vita, júst hvussu tú gert, fyri at strika tína søgu ella forða framtíðar skráseting, so kanst tú lesa meira á heimasíðu Jákups her.

– Fyrr høvdu føroysku ráðgevarnir smáu uppgávurnar, meðan stóru uppgávurnar innan byggivinnuna vóru veittar av landinum til danskar ráðgevarafyritøkur, sigur Árni Jakobsen, sum hevur verið stjóri á ráðgevandi verkfrøðistovuni SMJ síðan 2003.

– Hetta er nú broytt, og av tí sama eru nógv fleiri útbúnir føroyskir verkfrøðingar í Føroyum, leggur hann afturat.

Ársins leiðari innan tað almenna gjørdist Jógvan Fríðriksson, bispur, sum ásannaði, at uppgávan at leiða innan tað almenna og tað privata ikki altíð er hin sama.