Konsertin verður í Høllini á Hálsi í Havn 2. hvítusunnudag, 1. juni.

Eg ætlaði fyrst, at konsertin skuldi vera leygarkvøld, men tað var alt ov kostnaðarmikið. Henda konsertin verður tí eitt gerandiskvøld, sigur fyriskiparin.

Hann fegnast um, at Høllin á Hálsi í Havn nú er útbygd, soleiðis at munandi fleiri fólk rúmast inni.

Tað er dýrt, og tí er hetta ein roynd, sum eg eri spentur upp á.

Riggar tað, so kann tað lata upp fyri fleiri líknandi konsertum, men brennur man seg, verður tað neyvan gjørt aftur, sigur Rúni Djurhuus.

Hoyr sendingina her

Petur Hans Dahl, Marin í Dali, Elsa Anna K. Mohr, Rúna Preeti, Rúni Djurhuus og Uni Leitisstein Hansen

Rúna Preeti er í Beijing í Kina saman við familjuni, manninum Sigmundi Ísfeld og tveimum tannáringabørnum.

Býurin er púra friðarligur. Lítil ferðsla er at síggja, barnagarðar, skúlar og flestu arbeiðspláss eru stongd.

Vit eru fyri tað mesta innandura, men um vit fara út um dyrnar, verður fepurin tikin. Eftirlitið er hert munandi.

Tó leggur hon dent á, at av teimum 20 miljónunum í býnum, eru bara eini 200 smittað.

Sonurin, Rói, gongur á altjóða skúla í Beijing, Tað er ein høvuðsorsøk til, at tey ikki eru farin úr landinum enn.

Í døgunum 3. til 7. februar ferðast tiltakið Vika Sex 2020 til fyrsta árs næmingar á yrkis- og miðnámsskúlum í Føroyum. Tað verður felagið Kyn, sum Marin í Dali, lækni, hevur tikið stig til, sum fer at standa fyri undirvísingini.

Endamálið við tiltakinum er at menna seksualundirvísingina, tí holl vitan um kropp, kenslur, fyribyrging, mørk, rættindi og onnur seksuel evni hava jaliga ávirkan á, hvussu vit trívast.

Spælir tú í einum tónleikabólki, og tykkum vantar eini høli at venja í, so fall ikki í fátt.

Reinsaríið í Havn nú sett tvey høli í stand í Tórsgøtu, har bólkar kunnu leiga seg inn fyri 150 krónur um dagin.

Hergeir Staksberg, sum starvast í Reinsarínum í Havn, vísti herfyri Finni Koba eitt av nýumvældu hølunum í niðaru í hædd í gamla Ostahúsinum.

Góðan morgun Føroyar, fríggjamorgun 30. januar

Humor snýr seg nógv um at finna onkran, sum tú ert á bylgjulongd við, og so kann man hava tað stuttligt saman við, og hetta er gott at hava á arbeiðsplássinum.

- Tað snýr seg um at finna okkurt, sum vit kunnu vera saman um, heldur Rune Green.

Og humor kann eisini nýtast sum eitt amboð í arbeiðsumhvørvi og miðling á arbeiðsplássinum - eisini, tá álvarsamar støður skulu viðgerast og miðlast.

Í annaðkvøld kann Sarah Mahfoud blíva heimsmeistari í boksing.

Kvinnan, sum hevur mammu úr Vestmanna, fer í ringin at dystast ímóti argentiska IBF heimsmeistaranum, Brenda Carabajal.

Mahfoud hevur vant knallhart seinastu vikurnar.

Royndi venjarin, Sherman Williams, hevur lagt lag á.

Vit hava gjørt smávegis broytingar í mínum stíli, sigur hon.

Tað er ávísur munur á, tá tú fert frá amatør- til yrkisboksing.

Sløgini eru færri og harðari, og tú mást verja teg betur, vísir Sarah Mahfoud á.

Skating Parkin letur upp alment leygardagin. Í tí sambandi hava Ólavur Thorsteinsson og Bárður Dal Christiansen funnið saman aftur at listprýða høllina.

Ungdómstingið er einaferð um árið, har fólkaskúlanæmingar sleppa at leggja fram síni egnu uppskot, viðgera tey og atkvøða. Hetta hevur eisini til endamáls at geva næmingum størri innlit í fólkaræðið og hvussu mannagongdir fyri avgerðum eru í einum fólkaræði. Tveir næmingar úr skúlanum á Giljanesi vóru við á ungdómstinginum hesa ferð.

Talan er um Ronju Reginsdóttir Olsen og Beintu Ellefsen. Við sær høvdu tær eitt lógaruppskot við heitinum 'mindre straf, mere hjælp'.