Hoyr sendingina her

Undanvalið hjá demokratunum í USA er sera spennandi í ár, tí fleiri hava møguleika at gerast forsetavalevnið.

Tóri Højgaard, løgfrøðingur, fylgir væl við amerikanska valinum. Hann greiðir frá, hvat er í spæl í dag.

Árliga pensionistaskeiðið er ein vika av felags háskúlalív fyri pensionistar, og fevnir um morgunrørslu, ymiskt hondverk, framløgur, føroyskan dans, utferðir og felags hugna.

Súsanna Tórgarð undirvísir á háskúlanum og skipar fyri pensionistaskeiðnum:

- Hetta hevur verið ein sera lívsjáttandi vika. Tey eru livandi, við uppá tað og vita eina rúgvu um alt møguligt.

Tey, ið luttaka koma úr øllum landinum. Seinastu árini hevur skeiðið verið fullteknað.

Morgunsendingin vitjaði tey á háskúlanum.

Nógvir føroyingar hava fingið geisla- og grástarviðgerð uttanlands.

Axel Örn Ársælsson, optikari á Sjónlag í Íslandi, sigur, at hundraðtals, um ikki túsundtals, føroyingar hava verið á teirra klinikk.

Tað eru tó ikki øll, sum kunnu verða viðgjørd.

Tí verður altíð ein forkanning gjørd, ið hevur til endamáls at finna út av, um viðkomandi er kvalifiseraður til viðgerð.

Tøknin er ógvuliga framkomin, men tað er altíð ein vági, viðgongur optikarin.

Óteljandi viðgerðir eru framdar, og hagtølini eru atkomulig.

Hermann Eliassen, miðlafrøðingur, fylgdi við, tá Oscar virðislønirnar vórðu handaðar í nátt.

Stóri vinnarin gjørdist suður-koreanski filmurin 'Parasite', sum vann fýra av teimum stóru heiðurslønunum. Suður-koreanski filmurin vann heiður fyri besta film, bestu leikstjórn, besta handrit og sum besti altjóða filmur.

Hermann sigur, at vinnara-røðurnar høvdu til tíðir ein politiskan undirtóna, og at tað varð varpað ljós á, at ov fáar kvinnur verða heiðraðar í filmsvinnuni.

Hoyr sendingina her

Sigast má, at tveir heimar hittast í kvøld, tá Týr og Føroya Symfoniorkestur fara á pall saman. Annað klassiskt og hitt harður rokkur, men forsangarin og orkesturleiðarin, Sámal Petersen, siga báðir, at upplivingin er heilt sertøk.

Eisini kórleiðarin, Tóra Vestergaard, og ein av royndu sangarunum, Jóna Sigmundardóttir, siga konsertina vera eitt hæddarpunkt á sangleiðini.

– At syngja við mikrofonum, og als ikki hoyra seg sjálvan er nakað heilt annað. Tá ræður um at hava sjálvsálitið í ordan, sigur Tóra.

Miðnám á Kambsdali er við í slóðbrótandi norðurlendskari verkætlan.

Nú kunnu føroyingar søkja um upptøku í ein norðuratlantiskan studentaflokk. Miðnám á Kambsdali hevur saman við trimum øðrum norðurlendskum skúlum fingið loyvi til eina royndarverkætlan, ið skal styrkja norðuratlantiska samstarvið og leggja dent á evni, ið hava serstakan áhuga í økinum.

Norðuratlantiski flokkurin er úrslit av einum slóðbrótandi samstarvi millum Gribskov Gymnasium í Danmark, GUX Sisimiut i Grønland, sum upprunaliga tók stig til verkætlanina, og Verzlunarskóla Íslands.

Hoyr sendingina her

Luttakarar, Vígdis Fjallstein, Femja Poulsen, Angela Djurhuus, Heri Joensen, Sámal Petersen, Jóna Sigmundardóttir og Tóra Vestergaard.

Luttakarar: Rólant Waag Dam, Ingrid Bjarnastein, Jákup Petur Joensen, Beinta Virgarsdóttir og Elin Henriksen.

Hoyr sendingina her.