Poula Patursson og Randi Olsen, ávikavist forkvinna og næstforkvinna í nevndini í Kvinnuhúsinum, siga, at tær ynskja eina vakra, sigandi og sterka plakat, sum lýsir okkara virðir og boðskap.

Eina grafiska og litríka mynd, har kvinnan er í fokus.

Tær leita eftir einum sniðgeva, listafólki ella grafikara, ið megnar at loysa uppgávuna.

Kvinnuhúsið veitir ráðgeving og gisting til harðskapsraktar kvinnur og børn teirra,

Abeitt verður fyri at styrkja kvinnur, sum hava verið fyri harðskapi og bjóða umstøður og karmar til eina nýggja byrjan.

Hesar spurningar og fleiri aðrar leggur Solveig Hanusardóttir Olsen, savnsvørður, upp til, at tú finnur svarini til í Listaskálanum leygardagin millum kl 16 og 18, tá ljósið verður sløkt og lummalyktin tendrað.

– Upplivingin av einum listaverki, tá tú bert sært teir brotpartar, sum lummalyktin lýsir á, er ein heilt onnur, enn tá tá tú sært alt listaverkið í sínari heild, sigur Solveig víðari.

Góðan morgun Føroyar mikumorgunin 29. januar

Sørvingurin, Høgni Nielsen, sigur, at tað var eitt øgiligt buldur, tá toran gekk tíðliga mánamorgunin.

Hann hevur tosað við fólk, sum siga, at húsini skulvu.

Tilkomin fólk vilja vera við, at so ógvuslig tora ikki hevur gingið fyrr har um leiðir.

Páll Vesturbú, stjóri á Net, ásannar, at skaðar av toruni vóru bæði í Miðvági og Sørvági.

Í báðum støðum sóu tey stór hol í vøllinum, har toran slerdi niður.

Radiostøðin í Sørvági var rakt av snarljósi og fekk stóran skaða. Talvan var illa farin. Hon var brend og svart var runt um hana.

Marie Brixtofte er dóttir navnframa Peter Brixtofte, sum var karismatiskur borgarstjóri í Farum kommunu.

Peter Brixtofte var millum annað kendur fyri at verða dømdur fyri heimildarsvik og at hava misnýtt umboðanarkontoina hjá Farum kommunu. Peter Brixtofte doyði í 2016 av alkoholmisnýtslu.

'Kun når det regner' er heitið á bókini, sum Marie Brixtofte hevur skrivað um at vaksa upp við einum alkoholiseraðum pápa. Bókin snýr seg um svik, skomm, vón og kærleika.

Vágs kommuna hevur gjørt eitt nýtt endurnýtsluøki sum frá 1. mars fer at taka ímóti lívrunnun burturkasti frá húsarhaldunum í bygdini.

Morgunsendingin týsmorgunin, 28. januar.

Vit hava evnarík filmsfólk, ið vinna virðislønir. Vit hava stovnað filmshús, og áhugin fyri Føroyum sum filmsland økist í hvørjum. Tina í Dali Wagner er leiðari í filmshúsinum. Hon sigur, at tað koma sera nógvir fyrispurningar í løtuni um at gera film í Føroyum.

Andrias Høgenni vann um vikuskifti eina Robert virðisløn fyri besta stuttfilm. Hann sigur, at vit eru komin til eitt vegamót, har vit fara frá stuttfilmum til spælifilmar í fullari longd. Sjálvur er hann í holt við verkætlan um spælifilm.

Seinasta dagføringin á heimasíðuni haran.fo, vísir, at 5.878 harur eru skrásettar at vera skotnar á 809 túrum kring landið.

Hetta er góðar 700 harur, ella 14 prosent, fleiri enn í 2018, tá samlaða talið var 5.136 harur.

Tey átta árini, Eyðfinn Magnussen, lívfrøðingur á Fróðskaparsetrinum, hevur skrásett haruveiðuna, hevur veiðan verið millum 9.000 og 3.000 árliga.

Í miðal hevur veiðan verið 5.700 harur.

Úrslitið er higartil skrásett frá 302 høgum, men enn mangla tøl frá nøkrum høgum.

Leygarkvøldið skipar Visit Tórshavn fyri Vetrarljósi sjeynda árið á rað.

Beinta Joensen, samskipari, greiddi frá tiltakinum.