Fólk haldast aftur við at keypa hús og íbúðir, nú korona ger um seg.

Skyn hevur bara selt tvær ognir seinastu tvær vikurnar. Hetta er ein øðrvísi veruleiki, sum Skyn upplivir í løtuni, sum frammanundan seldi áleið 20 fastognir í miðal um mánaðin.

Hoyr Petur Niclasen greiða frá.

Tað gekk tó ikki long tíð, frá tí at systrarnar gjørdust sjúkar, til Jákup sjálvur eisini fekk skarlaksfepur, og varð sendur til Havnar við Thorshavn á epidemideildina á sjúkrahúsinum, har hann lá á sjúkrastovu saman við systrunum í tvær vikur.

Eftir at hava verið prestur í Sorø í góð 8 ár, hugsaði føroyska Lis Samuelsen at hon kundi hugsað sær at roynt okkurt nýtt, so tá hon sá møguleikan at gerast feltprestur í donsku verjuni, tók hon av.

Men at vera prestur í kirkju og at vera prestur í herinum er ikki tað sama, og at skula á skeið fyri at læra at skjóta við byrsu og við pistóli setti nakrar tankar í gongd. Feltprestar eru partar av herinum, og skulu tí eisini duga tað mest neyðturviliga fyri at verja seg, sjálvt um teir ikki skulu í bardaga eins og hermenn.

Fakfólk eru av tí áskoðan, at nógv foreldur i hesum døgum uppliva tað sera krevjandi at samantvinna tað at hava børnini heima, samstundis sum tey skulu skipa fyri heimaundirvísing og passa sítt egna arbeiði.

Vit skuldu hava vígslu í Eiðis kirkju og stóra veitslu í Eydnuni á Oyrabakka, sigur Dorthea Ellingsgaard.

Eini 300 fólk høvdu teknað seg til veitsluna, men tá kom korona, og broytingar máttu gerast.

Tá avtornaði var vígslan heima í stovuni á Oyri, og bara 10 fólk vóru til staðar.

Grannarnir gjørdu góðan døgurða, sum bleiv borin inn ígjøgnum terassuhurðina. Frástøðan bleiv hildin, sigur brúðurin, sum eisini fylti 50 henda dagin.

Brúðardansurin varð dansaður ímillum sletur og dekk í bilhúsinum.

Óla Jákup Tvørfoss úr Norðagøtu er vanur við at fáa brøv - og eisini heilsanir yvir facebook - frá mammuni, Óluvu Tvørfoss.

Tað byrjaði, tá Óla Jákup flutti til Danmarkar við familjuni í 1992. Tá skrivaði mamman ofta lang brøv til teirra, tí eingin átti teldur. Ofta kundi samvitskan raka, tí Óla Jákup ikki altíð skrivaði aftur, hóast hon áhaldandi sendi brøv.

Seinni í 90'unum fingu tey øll teldur, og samskifti byrjaði yvir alnótina. Tá fann mamman skjótt útav at skriva teldupostar, har hon viðhefti stuttligar myndir, hjørtur o.s.fr.

Leygarkvøldið klokkan 20:30 til 21:30 verður lagt upp til, at fólk sløkkja elektriska ljósið, og antin hugna sær inni við kertuljósum ella fara út at hyggja at stjørnunum, leggur veðrið upp til tað, tí gøtuljósini vera eisini sløkt hendan tíman, so tað er upplagt, sigur Barbara Davidsen, sum er ein av teimum, sum fyriskipar tiltakið, Earth Hour Tórshavn.

Tiltakið hevur verið hildið í tinghúsgarðinum í nøkur ár, men orsakað av at fólk ikki kunnu savnast í fjøldum er tiltakið flutt inn á sosialu miðlarnar, har upphitingin longu er byrjað.

Tað heldur Sjúrður Hammer, umhvørvisgranskari, nú dálkingin minkar í stórum pørtum av heiminum, orsakað av at fólk hava sett ferðina niður og eru meira við hús, heldur enn at ferðast kring knøttin.

– Vit nýta nú meira netbornar miðlar til samskifti, bæði til arbeiði og privata nýtslu, heldur enn at hittast, og tað hevur við sær at vit koyra og flúgva minni, og tað ger umhvørvinum gott.

- Tey fyrstu kunnu vænta at fáa lønarískoyti týsdagin 31. mars.

Tað sigur Magni á Deild Olsen, stjóri í ALS.

Hoyr hann greiða frá, hvussu ein skal bera seg at, fyri at melda seg til serskipanina.

Morgunsendingin, mánamorgun, 23. mars