Ársins ítróttaheiðurslønir 2019 verða latnar leygarkvøldið 28. desember í Müllers Pakkhúsi.

Tað er Ítróttasamband Føroya sum skipar fyri, og við tiltakinum vilja tey heiðra ítrótti og teimum fólkunum, sum geva ítróttinum lív í Føroyum.

Petur Mittún, aðalskrivari í Ítróttasambandið Føroya avdúkaði í útvarpsstovuni í morgun, hvør er í uppskoti til ársins navn.

Tey eru: Høgni Kunoy Dávason, Sverri Sandberg Nielsen og U17 landsliðið hjá dreingjum í hondbólt.

Hetta er triðja árið, at ítróttaheiðurslønir verða latnar. Heiðurslønirnar eru:

670 av teimum 2500 gomlu upptøkunum hjá Fróðskaparsetrinum eru nú alment atkomiligar í bandasavninum hjá Fróðskaparsetrinum, sum kann finnast her.

Fróðskaparsetrið hevur talgildað umleið hevtina av upptøkunum sjálvi, meðan Savnsgull hevur talgildað hina helvtina fyri tey.

Morgunsendingin var ein túr í Savnsgull og kannaði, hvussu arbeiðið at talgilda gongur fyri seg. Jógvan í Toftum Olsen greiðir frá, meðan hann spælir fýra bond inn.

Gestir hesaferð:

Petur Mittún, Tóta Árnadóttir, Sanna Dahl, Jógvan í Toftum Olsen, Aslaug Gisladóttir, Bjørg Dam og Johannes Davidsen.

Seinastu mongu árini hava æðuvíkingar pyntað alla bygdina við jólaljósum. Umframt hendingar úr jólaevangeliinum, eru eisini jólaskip, jóladekoratión og eitt tok millum kenda jólaprýðið.

Í ár er ein spildurnýggj jólagáva eisini løgd afturat rúgvuni. Morgunsendingin hevur verið ein biltúr gjøgnum bygdina saman við Johannes Davidsen, sum er ein av oddamonnunum í jólabýnum í Æðuvík.

Morgunsendingin hevur spurt Harald Símunarson Hammer, gartnara um góð ráð í samband við livandi granntrø á jólum.

Hvørt mansbarn í Føroyum kennir sálm nummar 95 í Sálmabókini, men tá komið verður til annað ørindi, stendst ivi um, hvørt vit skulu syngja "Høgt tó tú á himli býrt" ella "Tó tú høgt á himli býrt". Hetta hóast Fríðrikur Petersen yrkti "Høgt tó tú á himli býrt".

Vit spyrja Jákup Reinert Hansen, lektara í kirkjusøgu um útlitini fyri at fáa tjóðarsemju í lag um vælumtókta sálmin eftir Fríðrik Petersen.

Luttakarar hesaferð: Jákup Reinert Hansen, Hermann Eliasen, Haraldur Símunarson Hammer, Elin Henriksen.

Jólafilmar hoyra desembur mánaði og jólunum til. Hermann Eliasen, miðlafrøðingur, hugleiðir um teir bestu jólafilmarnar, og hvat ger ein jólafilm til ein jólafilm.

Flestu jólafilmarnir snúgva seg um at minnast tað týdningarmikla í lívinum, at vera góð/ur við fólkini rundan um seg og ikki hugsa ov nógv um tað materiella.

Tað eru summir klassiskir jólafilmar, sum verða spældir aftur hvørt ár. Nøkur dømi um klassiskar jólafilmar eru: It's a Wonderful Life, A Christmas Carol og Home Alone.

Luttakarar hesaferð: Elinborg Mortensen, Hanus Johannessen, Tara Falck, Súsanna Ólavsdóttir, Harald Egholm, Helgi Joensen, Tróndur Olsen, Niclas Heri Jákupsson.

Aftur í ár hevur Niclas Heri Jákupsson skrivað og lisið eina jólasøgu til morgunsendingina.

Hetta er sjeynda árið á rað, at Niclas Heri hevur skrivað jólasøgu til útvarpið.