Hanus Johannessen, stigtakari vithjaði morgusendingina saman við trimum av teimum ungu sjónleikarunum, sum spæla við í Jólaroki og Vættrahjálp.

Tey trý eru Tara Falck, Súsanna Ólavsdóttir og Harald Egholm.

Jólini eru ársins stóra høgtíð, har øll gleðast og minnast Jesu føðing.

Hetta verður gjørt við at familjan savnast og siður er, at geva hvørjum øðrum gávur.

Tó, nøkur eru, sum av ymiskum orsøkum, ikki halda jól. Ofta er tað teirra trúarlív, sum ger, at tey ikki halda jól, og nøkur teirra er trúarbólkurin Jehova Vitni.

Í útvarpsstovuni eru Otniel Nygaard og sonur Otniel, Julian Nygaard, sum báðir greiða frá hvussu tað er at vera Jehova Vitni í hesum jóladøgum

Vit hava hitt Håkan Ericson til eitt prát um fótbólt, persónligheit og íblástrarkeldur.

Morgunsendingin hevur verið á vitjan í Turkihúsinum á Strondum, har fornminnisfelagið heldur til.

Malena Thomsen, stovnari og forkvinna í felagnum vísti runt og greiddi frá.

Marita Thomsen er útbúgvin simultantulkur og týðari, og hon tulkar sum oftast bæði úr enskum ella til enskt og úr sponskum ella til spanskt.

Harafturat tulkar hon úr føroyskum, donskum, norskum, svenskum og fronskum.

Hetta er krevjandi arbeiði, sum fer fram í Brússel, Strassburg, Geneve og Luksemburg.

Simultantulkar til enskt og spanskt

Í innslagnum hoyra vit tvey dømi, har Marita simultantulkar brot, sum vit hava funnið fram til hennara.

Luttakarar hesaferð: Håkan Ericson, Malena Thomsen, Otniel Nygaard, Julian Nygaard, Marita Thomsen, Kári Bæk, Joanna Johansen.

Uttan iva eru tað fleiri, sum hava tikið føroysku klæðini fram og eru við at gera tey klár til høgtíðsdagarnar fyri framman.

Ein, sum hevur fingist við føroyska búnan alt árið, serliga kvinnubúnan, er Livar Nysted úr Hvannasundi, sum hevur málað óteljandi málningar av kvinnum í føroyskum búna.

Eyð Matras hevur verið norðuri í Hvannasundi og vitja Livar, fyri at kanna henda seráhuga fyri kvinnuni í føroyskum búna.

Myndin hjá Livar Nysted eitur 'Skipsboð'

Eirikur Lindenskov, blaðstjóri vitjar í morgunsendingini, har hann greiðir frá, hví tátturin at heiðra ársins føroying er tikin upp aftur. Tað stendur lesarunum frítt at senda uppskot inn og grundgeva fyri, hvør ársins føroyingur eigur at vera. Freistin at senda uppskot inn er hósdagin 19. desember.

Fjórða árið á rað, velur Morgunsendingin ársins orð. Í 2016 var ársins orð hjúnabandslóg, 2017 var tað fiskivinnunýskipan og 2019 ræstkjøtaburgari.

At hjálpa morgunsendingini at velja ársins orð, hava vit fingið Sólvu Jónsdóttir, forkvinnu í Málráðnum, Jón Brian Hvidtfeldt, sum er formaður í Felagnum fyri Føroysk Miðlafólk og Annu Sofíu Lava frá felagnum Samfelag, sum er felagið fyri føroyskar samfelagsfrøðingar.

Luttakarar hesaferð: Petur Hans Dahl, Eirikur Lindenskov, Sólvá Jónsdóttir, Jón Brian Hvidtfeldt, Anna Sofía Lava, Livar Nysted.