Gestir:

Turid Lakså

Kvartettin í Betesda:

Steinbjørn O. Jacobsen

Gerhard Tróndheim

Oddmar Marsten

Sámal Johanessen

Ann Hermansdóttir

Kvartettin í Betesda varð stovnað til eina nýggjársveitslu í Betesda í 1968. Teir sum mannaðu kvartettina tá vóru Árni Jacobsen, Ólavur Jøkladal, Gerhard Tróndheim og Jóannes á Váli.

Tá ið Ólavur og Jóannes fluttu úr Klaksvík, komu Oddmar Marsten og Steinbjørn O. Jacobsen í teirra stað. Seinni kom Sámal Johannesen eisini upp í. Gerhard, Oddmar, Steinbjørn og Sámal syngja enn saman, og hóast miðalaldurin á teimum nú er 77 ár, so hava teir ongar ætlanir um at gevast.

Tað snýr seg um at halda fokus, hava tamarhald á andradráttinum og loysa uppgávuna, tú hevur fingið.

Hetta er í stuttum tað, sum mental venjing snýr seg um.

"Tann mentali parturin hevur eisini nógv at siga." Hetta hoyra vit eftirhondini javnan, tá tosað verður um ítróttaavrik. Eitt nú bleiv mental venjing fleiri ferðir nevnd í sambandi við dystirnar hjá føroyska hondbóltslandsliðnum hjá monnum í Berlin.

Men hvat er mental venjing í grundini?

Gestir hesaferð:

Símun Christian Olsen

Turid Laksá

Jens á Skipagøtu

Petur Mittún

Magni Mohr

Vit kunnu ikki taka fyri givið, at heimini læra børnini allar siðvenjur og mannagongdir. Hetta sigur Bergur Samuelsen, nevndarlimur í Føroya Lærarafelag.

Í flestu førum er eingin trupulleiki, men tá heilt nógvir næmingar eru saman, kemur tað fyri, at onkur ikki virðir skipanina.

Eitt nú tá skúlanæmingar fara í kirkju á jólum. Tað er altíð ein hátíðardámur undir jólagudstænastuni, og kirkjan er stúgvandi full av børnum og ungdómum.

Tá eru ikki allir næmingar, sum kenna mannagongdirnar í kirkjuni.

Gestir í sendingini hesaferð eru:

Hanus Kjølbro

Bergur Samuelsen

Hendrik Egholm

Jóhannis Joensen

- Munurin er ómetaliga stórur.

Soleiðis sigur Leif Abrahamsen, stjóri á Gjaldstovuni, um munin at vera stjóri í dag og fyri 30 árum síðani.

Á Leiðaradegnum í fjør gjørdist Leif Abrahamsen ársins leiðari í almenna geiranum.

- Tá eg byrjaði í stjórasessinum sum 32 ára gamal vildu starvsfólkini siga tygum við meg, men tað dámdi mær als ikki. Harafturat komu øll til mín við alskyns spurningum. Í dag er tíbetur øðrvísi, og mær dámar tað væl, sigur Leif Abrahamsen.

Gestir hesaferð:

Hanus Kjølbro

Brian Joensen

Hermann Eliassen

Leif Abrahamsen

Johnny í Grótinum

Meira bioetanol í bensinið er eitt stig á burðardyggu kósini. E10 sipar til, at tað eru 10% av etanoli í bensinum.

Fyri flestu bileigarar, sum hava bensin drivnar bilar, fer hetta ikki at hava nakra ávirkan. Tó tola akfør 25 ár ella eldri ikki so væl hetta nýggja slagið av bensini. Oljufeløgini arbeiða við einari loysn, so eldri akfør eisini kunnu fáa hóskandi bensin.

Broytingin kemur í gildi í komandi vikum um alt landið.

Morgunsendingin fekk samrøðu við Brian Joensen, rakstrarleiðari hjá Magn, um skiftið.

Tveir til fimm minuttir í ísakøldum vatni.

Soleiðis byrja flestu morgnarnir hjá Gvøðny Miriam Gunnarsson.

Alt árið stendur ein wiskey-tunna við ísakøldum vatni á altanuni í Leynum, har Gvøðny Miriam Gunnarsson og maðurin, Janus Gunnarsson, búgva.

- Eg føli, at minuttirnir í kalda vatninum eru góðir fyri meg, serliga sálarliga, sigur Gvøðny Miriam Gunnarsson, sum hevur havt tunglyndi. Í royndini at broyta ymiskar vanar fyri at fáa tað betri byrjaði hon at sita nakrar minuttir í køldum vatni. Og tað ger ein mun.