Vælumtókta Syngið við sendingin, sum varð spard burtur í 2009, verður aftur at síggja í sjónvarpinum nýggjársaftan í ár.

Sendingin verður tikin upp í bygdarhúsinum í Kollafirði, har umleið 50 fólk verða savnað til at skapa nýggjárshýr í november mánaði.

Syngið við varð á fyrsta sinni sent í 1989 og síðstu ferð nakað var at síggja til tiltakið var í 2009, tá Kringvarpið vegna sparingar tók tiltakið av skránni.

Síðani hevur ofta hevur spurt eftir tí, og í ár hevur leiðslan so gjørt av at seta sendingina aftur á skránna eftir midnátt nýggjársaftan.

Tað er vorðið meira vanligt at siga sjálvur, hóast tað meinast við einsamallur, heldur Elin Henriksen, málkøn.

Í málteiginum í morgunsendingini tekur hon millum annað munin millum hesi bæði orðini upp til viðgerðar. Málteigurin hoyrist her.

Tað ber eisini til at lurta eftir søguni, sum Elin Henriksen hevur skrivað, ella at lesa hana her.

Á heimasíðuni hjá Málráðnum, malrad.fo, er ein listi yvir nýggj orð í føroyskum. Ovast á listanum standa í løtuni sagnorðið, at hassjtagga, og navnorðið, eitt hassjtagg.

Elin Henriksen, málkøn, greiðir frá, hvussu orðið er sett saman og komið verður eisini inn á eitt annað uppskot, sum ljóðar meiri føroyskt.

Tað er orðið, tvíkrossur.

Jákup Súni Berg, stigtakari, fegnast um, at tiltakið hevur nú hevur fingið góðkenning frá IFBB, altjóða sambandinum fyri bodybuilding og fitness.

Tað ger tað hugaligari hjá útlendingum at koma til Føroya at kappast, sigur hann.

Morgunsendingin hittir eisini Tórstein Madsen, sum hevur teknað seg til arm wrestling-kappingina.

Hann hevur ikki nógvar royndir og er tí spentur at royna seg ímóti einum, sum hevur vunnið heiðursmerki.

Burn Showdown byrjar fríggjadagin klokkan 17.

- Tað er eitt privilegium at kunna linna um hjá so álvarsliga sjúkum fólki og at kunna vera ein síðuspælari á leiðini hjá teimum.

Soleiðis lýsir Anna Kristina Joensen, sjúkrarøktarfrøðingur, sína arbeiðsuppgávu á palliativu eindini á B6 deildini. Anna Kristina Joensen er serútbúgvin í krabbameinssjúkrarøkt og hevur arbeitt á deildini í 11 ár.

Hon sigur eisini, at tað tekur tíð at læra seg at heingja kittulin eftir á deildini, tá man fer til hús um dagarnar.

Luttakarar: Jórun Larsen Mørkøre, Helgi Dam Ziska, Mai Simonsen, May-Britt Skoradal, Brandur í Dali, Annika Sølvará og Beinta Haraldsen

Í tíðarskeiðinum 2. november til og við 31. desember er haruskjóting í Føroyum. Og av tí sama hava bæði Visit Tórshavn og Pól Sundskarð, sum eigur heimasíðuna, hiking.fo, sett bann fyri at ganga í fjøllunum hesa tíðina.

- Hetta er ein spurningur um trygd, siga Pól Sundskarð og Sonja Johannesen, samskipari hjá Visit Tórshavn.

Visit Faroe Islands fer ikki so langt sum at bannað gongutúrum í fjøllunum, men tey mæla eisini frá at fara í fjøllini í harutíðini, sigur Jóan Pauli Helgason, menningarleiðari hjá Visit Faroe Islands.

Um vikuskiftið bjóðar Klippfisk øllum, ið hava hug, at taka lut í filmskapping.

Evnið verður kunngjørt fríggjakvøldið, og eftir tað hava fólk 48 tímar at gera filmin lidnan.

Eingi krøv verða sett til førleikar ella útgerð.

Tað ber væl til at gera ein góðan film við eini fartelefon, sigur Beinta Haraldsen, sum er leiðari í Klippfisk.

Besti filmurin vinnur 10.000 krónur og verður eisini

sýndur á Geytakvøldinum í Norðurlandahúsium 23. februar, 2019.

Í fjør vóru ikki færri enn 60 luttakarar, og 19 filmar vórðu gjørdir.

- At byrja við var tað møtumikið, og har var nógv, sum vit máttu seta okkum inní. Vit vistu so lítið um sjúkuna.

Soleiðis sigur Mai Simonsen. Fyri tveimum árum síðani fekk dóttir hennara, sum í dag er 12 ára gomul, staðfest diabetes týpu 1.

Sostatt er hon millum teir umleið 25 føroyingarnar, sum er undir 18 ár og hava diabetes.

Finalan í heimsmeistarakappingini í talvi fer í hesum døgum fram í London millum norska heimsmeistaran, Magnus Carlsen, og amerikanska avbjóðaran, Fabiano Caruana.

Í gjár var fjórða talvið á skránni, og tað endaði eins og hini trý undanfarnu við javnleiki - á talvi kallað remis.

Helgi Dam Ziska, stórmeistari, væntar ein sera javnan dyst millum teir báðar.

- Men um tað verður neyðugt við umdysti við bæði kviktalvi og snartalvi, so vinnur norðmaðurin, tí hann er stinnari í kvik- og snartalvi enn Caruana er, sigur Helgi Dam Ziska.