Í dag fara amerikanarar á miðskeiðisval.

Hetta valið er mitt í embætisskeiðnum hjá sitandi forsetanum, og upp á spæl eru 33 sessir í senatinum og 435 sessir til umboðsmannatingið.

Valluttøkan plagar at vera lág til miðskeiðisval, men hesaferð verður væntandi annarleiðis.

At duga at lesa eina støðu og fyribyrgja rokinum, áðrenn tað tekur tekur seg upp, er millum fremstu dygdir ein duravørður skal hava.

Tað sigur Terji Nielsen, sum í mong ár starvaðist sum duravørður. Flestu árini í Club 20.

Morgunsendingin hittir Terja Nielsen í Klubbagarðinum.

Samrøðan verður gjørd við inngongdina til tað, sum í dag eitur Luux, men sum fyrr hevur havt mong onnur nøvn. Eitt nú Hølið, Tiffany, Berlin Rock Palace, Garðurin, Deep, Eclipse og ikki minst Club 20, sum var navnið í fleiri ár.

Hoyr sendingina her

Luttakarar, Leivur Petersen, Jákup Heri Leonson, Eyð Steinbjørnsdóttir, Tóri Højgaard, Terji Nielsen, Magnus Norðberg og Andras Sólstein

Føroyingar eru ov feitir, røra seg ov lítið og teir eta minni frukt enn teir hava gjørt seinastu árini.

Meir enn helvtin av føroyingum - 56 prosent - eru ov feitir, meðan 42 prosent hava eina normalvekt. Sambært kanningini kunnu 13% bólkast at vera feit.

Tað vísa úrslitini av stóru heilsukanningini, sum Gallup hevur gjørt fyri Fólkaheilsuráðið.

- Einfalda orsøkin til, at nógvir føroyingar eru ov feitir, er, at vit inntaka ov nógva orku, og vit brúka ov lítið av orku, sigur Magnus Norðberg, sum er útbúgvin í ítróttarvísund, mati og stoffskifti.

Irena Jacobsen, sum er virksemisleiðari í endurnýtsluhandlinum hjá Reyða krossi í Stiðjagøtu í Havn, sigur, at klæðini, tey fáa inn, fyri tað allarmesta eru í rættiliga góðum standi.

Bestu klæðini verða seld í endurnýtsluhandlunum.

Børn, ið hava tørv á tí, fáa ein part, og so verða klæðir eisini send av landinum. Tá fær Reyði krossur pening fyri hvørt kilo.

Er okkurt, ið als ikki kann brúkast, endar tað á brennistøðini. Men tað er ein heilt lítil partur, sigur Irena Jacobsen.

Onkuntíð leggja fólk prýðislutir saman við klæðunum. Til dømis ein vakran vasa.

Hoyr sendingina her

Luttakarar, Petur Hans Dahl, Hildur Eyðunsdóttir, Mike Knight, Irena Jacobsen, Knút Jacobsen og Tróndur Djurhuus

Í dag eru júst 100 ár liðin, síðani danska skonnartin, Casper, rak á land í Lítlu Dímun.

Manningin, sum taldi seks mans, var í oynni í heilar 17 dagar.

Í morgun hoyra vit brot úr samrøðum, sum útvarpið hevur gjørt við tveir av manningini.

Eisini eru tríggir abbasynir hjá teimum, sum strandaðu í Lítlu Dímun í útvarpsstovuni og greiða frá, hvønn týdning hendingin hevur havt fyri teir.

Hjalmar Ingebrigtsen er abbasonur mannin við sama navni. Hann búsettist í Føroyum og giftist til Vestmanna.

Tá vit ivast í, hvussu vit skulu orða okkum, kunnu tummilsreglur vera hentar at hava. Í Málteiginum hesaferð verða tummilsreglur til orðini væl og gott, ringt og illa og betur og betri umrøddar.

Elin Henriksen sigur, at ein góður máti at loysa hetta ivamál er at seta øvugta orðið inn ístaðin.

Dømi:

Gott ella væl

Hevur tú hug at siga, at tað smakkar gott, spyr teg sjálvan, um tú hevði sagt, at tað smakkar ringt. Ella hevði tú sagt: Tú dugir ringt? Neyvan, og tí eitur tað tú dugir væl heldur enn tú dugir gott.

- Eg sá á eygunum á eldru beiggjunum, at støðan var álvarslig. Men tað er ikki fyrr enn nú, har eg eri blivin eldri, at eg eri farin at hugsa um, hvussu galið tað kundi gingið.

Orðini eigur John Myllhamar, sum var fyri eini ógvusligari hending á sjónum í 1970.

Nú tað er minningardagur teirra sjólætnu, hyggur hann aftur á fleiri upplivingar á sjónum, sum hava verið alt annað enn vandaleysar. Men serliga hendingin í 1970 stendur føst í minninum.

Tað hendir nógv í Eivør-leguni. Umfatandi konsertferð í USA og Evropa er júst av, og 9. november kemur tónleikurin, sum Eivør og John Lunn hava gjørt til Netflix-røðina, The Last Kingdom á marknaðin.

Eivør greiðir í innslagnum millum annað frá muninum á at gera sangir og tónleik til film og frá drúgvu konsertferðini, sum júst er av.