Nú verða krøvini um granskingaretikk í umsóknum herd. Granskingarnevndin hevur samtykt at seta krøv um ítøkiliga lýsing av etiskum viðurskiftum í øllum umsóknum um stuðul til gransking.

Og harafturat skulu allar umsóknir bara skrivast á enskum framyvir.

Annika Sølvará, stjóri í Granskingarráðnum, greiðir frá nýggju reglunum.

Um vikuskiftið hevur føroyski bólkurin Danny & the Veetos spælt á Iceland Airwaves.

Á skránni vóru tvær konsertir. Onnur á Ský Bar og hin á Hard Rock Café.

Umframt nakað av eldri tilfari nýtti bólkurin møguleikan at royna nakrar nýggjar sangir.

Og tað var serliga nýggja tilfarið, sum var væl móttikið, sigur Danny Baldursson.

Hansara leiklutur á pallinum er broyttur í nýggju samansetingini.

 Nú eg ikki spæli so nógv gittar, kann eg brúka orkuna til eitt nú at dansa, sigur Danny Baldursson.

Hoyr sendingina her

Luttakarar, Petur Hans Dahl, Danny Baldvinsson, Jógvan Páll Lassen, Hallur Hansen, Teitur Lassen og Bárður Højgaard.

Í morgunsendingini vitjaði Jógvan Páll Lassen, sakførari, morgunsendingina, har hann greiddi frá um revsurammuna fyri eitt nú harðskap, narko og neyðtøku.

Eisini svaraði hann spurningum frá lurtarum.

Løkshøll, sum er partur av Runavíkar skúla, er ein eitt sindur yvirsædd konserthøll. Rættiliga fáir føroyingar vita um Løkshøll ella hava verið til konsert har, hóast talan er um eitt nútímnas konserthøli við plássi fyri 300 áhoyrarum, og sum er bygt eftir øllum listsins reglum.

Men hetta kann skjótt at broytast, tí Løkshøll verður nærmasti granni hjá Eysturoyartunnlinum, sum fer at knýta Runavík sera tætt at høvuðsstaðnum, har ein fjórðingur av føroyingum býr.

Leygarkvøldið spældi Teitur Lassen konsert í Løkshøll.

Hoyr sendingina her

Luttakarar, Armgarð Arge, Rannvá Holm Mortensen, Edvard Fuglø, Vár Berghamar Jacobsen, Tróndur Ravnsfjall og Brynhild Thomsen

Í fornum tíðum rendi eitt útlendskt skip á land á Sandavágssandi.

Staðurin hevur síðani fingið navnið Eyðunsurð, tí hildið verður, at høvuðsmaðurin umborð æt Eyðun.

Viðhvørt, tá streymurin er harður, kemur skipsvrakið undan.

Partar av vrakinum eru í varðveitslu á Tjóðsavninum, meðan aðrar partar hava fólk tikið, ivaleyst stutt eftir, at skipið rendi á land.

Morgunsendingin skiftir orð við Helga Michelsen, forfrøðing, um áhugaverda skipið.

Hoyr sendingina her

Luttakarar, Terje Johannesen, Helgi Michelsen, Philipp Grassel, Kevin Martin, Rógvi Olavson, Elin Súsanna Jacobsen, Guðrið Poulsen, John Martin Olsen og Jan Fossaberg

Hoyr sendingina her

Luttakarar, Julius Vest Joensen, Beinta Løwe, Eyðun Gaard, Hans Martin Andreasen, Jákup Zachariassen og Jógvan Zachariassen

Tað er sonur Zacharias, Jákup Zachariassen, sum saman við brøðrum sínum, hevur tikið stig til fløguna.

25 nýggjar og eldri upptøkur eru á útgávuni. Eldri upptøkur, har Zacharias sjálvur syngur, og nýggjar, sum Jákup hevur tikið upp og lagt tilrættis.

Zacharias Zachariassen andaðist í 2017, 82 ára gamal.