Hoyr sendingina her

Luttakarar, Eivør Pálsdóttir, Armgarð Arge, John Myllhamar, Jens L. Thomsen, Rólant Lenvig av Reyni, Tróndur Vatnhamar og Elin Henriksen

Tónleikurin hjá Hús er ein samanrenning av tungum pulserandi rútmum og hypnotiskum guitarriffum.

Onkur hevur lýst tónaheimin um ljóðbandið til ein dreymasekvens í einum Sophia Coppola filmi, meðan tónleikurin samstundis hevur eina myrkari síðu, ið er litað av London, har meginparturin av Nevember varð skrivaður.

Tað er plátufelagið Kervið, hjá Jens L. Thomsen, sum gevur plátuna út.

Tað hendir nógv í Eivør-leguni. Umfatandi konsertferð í USA og Evropa er júst av, og 9. november kemur tónleikurin, sum Eivør og John Lunn hava gjørt til Netflix-røðina, The Last Kingdom á marknaðin.

Eivør greiðir í innslagnum millum annað frá muninum á at gera sangir og tónleik til film og frá drúgvu konsertferðini, sum júst er av.

Nú ávarað verður um, at ein møgulig rentuhækking kann raka summar føroyingar meint, var Kári Petersen, búskaparfrøðingur, gestur í morgunsendingini og umrøddi bankalán og rentur.

Hann greiðir millum annað frá muninum á realkredittláni og vanligum bankaláni, og muninum á fastari og skiftandi rentu, eins og komið verður inn á fyrimunir og vansar við ymsu tilboðunum.

Í einum gráum húsum á Klaksvíksvegi 57 í Klaksvík hittast eini 20 fólk fýra dagar um vikuna.

Hesi fólkini hava sálarligar og sosialar avbjóðingar, og á virknis- og tilhaldsstaðnum, sum eitur Gloym meg ei, kunnu tey hittast og takast við ymisk ítriv.

Virksemið hevur áður verið í Gøtubrá ó Norðragøtu, men í farna mánaði kundu brúkararnir fara í nýggju hølini á Klaksvíksvegi.

- Endamálið er at hjálpa og stuðla hesum fólkunum, soleiðis at tey kunnu koma út í lívið aftur og fáa ein gerandisdag sum tú og eg, sigur Snorri Brend sum er eitt av starvsfólkunum.

Hoyr sendingina her

Luttakarar, Johann Fagraklett, Djóni Ejdesgaard, Sasho Bjartsson, Heðin Zachariassen, Tummas Olsen og Kala Rajani Hansen

Fyri júst 45 árum síðani var stórt hátíðarhald í Sundalagnum, tá brúgvin um Streymin varð tikin í nýtslu.

Tummas Olsen, sum tá var júst útbúgvin byggiverkfrøðingur, fekk uppgávuna at standa fyri arbeiðinum at prosjektera brúnna, sum er 220 metrar til longdar og 17 metrar høg.

- Eg var útlærdur í januar í 1971 og fekk í boði at arbeiða hjá Landsbyggifelagnum beint aftaná, og í tí sambandi spurdu teir, um eg var áhugaður í at koma at arbeiða við brúgvaprosjektinum. Tað va røgiliga spennani og áhugavert fyri meg, sigur Tummas Olsen.

Hagtøl vísa, at áleið tíggju prosent av øllum ungum stríðast við angist. Hetta eru tó ikki tøl, sim síggjast aftur í føroysku skúlunum, sigur Kala Rajani Hansen. Ein grund kann vera, at børn, sum líða av angist, mangan eru rættiliga friðarlig. Tað hevur tó týdning at staðfesta angist, tí tað ávirkar í stóran mun bæði læring og trivnað hjá barninum, leggur Kala Rajani Hansen dent á.

Tá tað kemur til reinføri, kunnu bæði køkur og baðirúm til dømis vera sannar bakteriubumbur, hóast tey at síggja til eru rein og nosslig.

- Handreinførið er tað týdningarmesta, sigur Malan Mikkelsen frá Heilsufrøðiligu Starvsstovuni, sum eisini tosar um duldar bakteriur í lappum, klútum, skeribrettum og líknandi.

Á Húsarhaldsskúla Føroya verður stórur dentur lagdur á at undirvísa næmingunum í reinføri í sambandi við matgerð.

- Sum útgangsstøði vita næmingarnir ikki nógv um reinførið, tá skúlaskeiðið byrjar, og tí er reinførið á tímatalvuni fyrstu tvær vikurnar, sigur Jóhanna á Tjaldrafløtti, stjóri á Húsarhaldsskúla Føroya.

Trý høvuðspunkt

Tað eru trý punkt, sum tey serliga leggja seg eftir í undirvísingini og matgerðini á Húsarhaldsskúla Føroya.

1. Minka um møguleikan fyri spjaðing

2. Hita matin rætt upp

3. Køla matin rætt niðuraftur.