- Bestu liviumstøðurnar hjá bakterium eru skittur og fuktur, sigur Marita Debess Magnussen, granskari og eigari av kanningarstovuni, Thetis, sum hevur gjørt nakrar royndir av nøkrum lutum, sum fólk vanliga nema nógv við í gerandisdegnum.

Hon hevur kannað handtakið á hurðini inn til eitt vesi, eina fartelefon, eitt knappaborð og ein vektstong. Meðan fartelefonin og knappaborðið eru sera skitin, eru hurðarhandtakið og vektstongin ikki so bakteriufongd.

Hoyr granskaran greiða frá kanningarúrslitunum her.

Hoyr sendingina her

Luttakarar, Petur Hans Dahl, Bent Nyegaard, Malan Mikkelsen, Marita Debes Magnussen, Jóhanna á Tjaldrafløtti

Frá 1994 og til 2002 var Heðin Arge fastur vertur á 15 Teimum Bestu.

Heðin Arge, sum í dag er búsitandi í Danmark, sigur, at atkvøðugreiðslan fyrstu tíðina var skipað soleiðis, at skúlarnir atkvøddu hvør sær og síðani faksaðu úrslitið til Útvarpið.

Tað var fitt av umsiting, og tí lætti tað munandi um, tá tað stutt eftir bleiv gjørligt at greiða atkvøðu á internetinum.

Tað eru nógv ár síðani, at Heiðin Arge gavst í útvarpinum.

Av og á brellast hann at sleppa fram at mikrofonini aftur, sigur maðurin, sum fyri mong er sjálv ímyndin av 15 Teimum Bestu.

Hoyr sendingina her

Luttakarar: Gunn Ellefsen, Sonne Smith, Heðin Arge, Anfinn Brekkstein og Suni Merkistein

Hoyr sendingina her

Luttakarar: Eyðfinn Magnussen, Sjúrður Hoydal, Rósa Samuelsen, Dennis Holm, Signhild Joensen og Jan Fossaberg.

Í dag eru mýs í 6 føroyskum oyggjum: Fugloy, Mykinesi, Nólsoy, Hesti, Sandoy og í Streymoynni. Men hvar hava mýs verið fyrr?

Tað spyr Eyðfinn Magnussen, lektari í lívfrøði á Fróðskaparsetrinum, á Facebook.

Fólk, ið vita um mýs aðrastaðni, eru vælkomin at skriva til lívfrøðingin á: [email protected] ella at ringja á 265831.

- Tað er stórur tørvur á eini skipan, sum hjálpir fólki, ið eru sjúk og hava tørv á sálarligari hjálp, likamligari venjing og sosialari viðgerð. Tað snýr seg um, at tá tú hevur verið sjúkur ella er traktur av langtíðarsjúku, so skalt tú klára teg aftur í gerandisdegnum.

Tað sigur fyrrverandis løgtings- og landsstýriskvinnan, Rósa Samuelsen.

Fyrrapartin í dag skipaði Sambandsflokkurin fyri almennum fundi, ið snúði seg um, hvussu vit í Føroyum kunnu skipa rehabilitering.

Í morgunsendingini greiddi Jan Fossaberg, ferðslupolitistur, frá ferðslu kring skúlarnar í landinum, og harafturat svaraði hann spurningum frá lurtarum.

Hoyr sendingna her

Luttakarar: Otto Imanuel Jacobsen, Leivur Persson, Anna Andresen, Sonni Larsen og Turið Sigurðardóttir

- Vit hava eingi neyv tøl, men tað er einki at ivast í, at harðskapur og hóttanir eru ein regluligur trupulleiki hjá starvsfólkum, sum arbeiða innan heilsu, røkt og umsorgan.

Orðini eigur stjórin á Arbeiðs- og brunaeftirlitinum, Leivur Persson.

Í dag skipar Arbeiðs-og brunaeftirlitið fyri einum evnisdegi um júst harðskap og hóttanir, og hesin evnisdagurin er ætlaður teimum, sum onkursvegna arbeiða innan heilsu, røkt og hóttanir.