Á dagtilhaldinum í heiminum við Vágna í Klaksvík vitja pensjónistar dagliga.

Dagtilhaldið, sum er eitt tilboð til heimabúgvandi pensjónistar í norðoyggjum, er opið fýra dagar um vikuna, og har verður bundið, sungið, spælt og etið.

Vit hava verið á vitjan í tilhaldinum og prátað við Ingibjørg Mikkelsen, Óluvu Dalsenni, Hildubjartu Jacobsen, Jytte Thomsen, Richard Johannesen, Rannvá Wolles og Petrinu Hansen.

Hoyr sendingina her:

Magnus Tausen, Gudbjørg á Lofti, Katrina Maria Olsen, Marin Samuelsen, Eyðrit Guttesen Leyni, Tróndur Kragesteen, Ingibjørg, Hildibjarta, Óluva, Rannvá, Petrina og Elin Henriksen

Skálvíkingurin, Sigurd Fjallstein Christiansen, skrivar PhD-ritgerð um smáar saltpartiklar í lofthavinum. 

Í juli fór hann í barnsburðarfarloyvi, og tá kom hugurin at royna at framleiða salt. 

Sjógvurin verður tikin í Skopunarfirði. Lívfiskastøðin tekur nógvan sjógv inn, sum verður uv-viðgjørdur og reinsaður. 

Tann sjógvin tekur Sigurd Fjallstein Christiansen til Skálavíkar, har hann heldur til, meðan hann er í Føroyum.

Eg helt tað vera einfalt at gera salt, men tað er rættiliga nógv, sum kann gerast fyri at fáa penar saltflykrur úr sjógvi, sigur hann.

Hví er umráðandi at hava eitt setanarskriv, og hvør er munurin á eini uppsøgn av starvsmanni og uppsøgn av arbeiðsmanni ella handverkara? 

Starvsfólkarættur var evnið, tá Jógvan Páll Lassen, sakførari, vitjaði í morgunsendingini.

Hóast tey ungu í dag upp á allar mátar liva eitt modernað lív, so er tað ikki torført at fanga teirra uppmerksemi við nøkrum so siðbundnum sum konfirmatión og øllum, ið hartil hoyrir.

Tað heldur Anne Mette Greve Klemensen, sum seinastu átta árini hevur verið prestur og á hvørjum árið konfirmerar hon ung fólk í Fuglfjarðar kirkju.

Oktober er mánaðurin, tá nógv 14 ára gomul kring alt landið verða fermd, tí tað er um hesa tíðina, at sonevndu heystkonfirmatiónirnar eru.

- Um onkur beyð mær at koma á mánan 14. oktober, so hevði eg takkað nei, tí tá gongur mín størsti dreymur út. Tað skrivaði Rakul Dalsgaard á Facebook.

Hon sipaði til konsertina, sum Shania Twain hevði í Royal Arena í Keypmannahavn í gjárkvøldið.

Rakul Dalsgaard fekk sína fyrstu fløgu við Shania Twain í 1997. Síðani hevur hon verið púra vekk í tónleikinum og ikki minst sjálvari kvinnuni.

Hon dugir allar sangirnar, hevur lisið bøkur og sæð dokumentarsendingar um Shania Twain.

Hoyr sendingina her

Luttakarar: Petur Hans Dahl, Anne Mette Greve Klemensen, Claus Olsen, Rakel Helmsdal, Rakul Dalsgarð, Unn Baldursdóttir, Ásla Heinesen, Fía Heinesen og Rókur Heinesen

Í Klaksvík er ein nýggj kreativ verkstova latin upp, sum er arbeiðspláss hjá fýra kreativum fólkum, sum arbeiða við hvør sínum evni.

Tey arbeiða við sniðgeving, seyming, binding, brodering og animatión.

Tey fýra, Unn Baldursdóttir, Fía Heinesen, Ásla Heinesen og Rókur Heinesen, arbeiddu hvør í sínum lagi við hús, inntil tey fingu hugskotið at lata ein verkstað upp saman, har tey kundu hava hvør sítt arbeiðspláss, men kortini vera felags um høli, fíggjarliga partin og eisini tann sosiala partin.

Hoyr sendingina her

Lutakarar: Hanus Kjølbro, Sigrið Rasmussen, Jens Marni Hansen, Ólavur á Váli Olsen, Marjun Dalsgaard og Dennis Holm

Hoyr sendingina her

Luttakarar: Lars Olsen, Atli Gregersen, Hans Holm, Rúna P. Íslfeldt, Urd Johannesen.