Hoyr sendingina her

Luttakarar: Lena Andersen, Bárður A. Ísheim, Jóhan Jacobsen, Marita Debes Magnussen og Brynhild Thomsen

Tað er nógv uppi í tíðini, at kvinnur skulu vera glaðar fyri tann kroppin, tær nú einaferð hava. Eisini hóast kroppurin ber brá av at kvinnan hevur verið við barn - kanska í fleiri umførum.

Eitt nú eru tað fleiri kvinnur serliga í londunum rundan um okkum men eisini í Føroyum, sum við myndum og teksti á netinum varpa ljós á, hvussu ein natúrligur mammukroppur sær út.

Hóast tað, so valdi 26 ára gamla Eline Hammer úr havn fyri minni enn trimum mánaðum síðani at fáa fleiri skurðviðgerðir, soleiðis at hon fekk tann kroppin aftur, sum hon hevði, áðrenn hon fekk tvey børn.

Ein frágreiðing er komin frá danska heilsustýrinum, sum hevur greinað 32 ymsar kroniskar sjúkur. Í greiningini verður staðfest, at 28 av teimum 32 sjúkunum eiga eisini at verða viðgjørdar við kropsligari venjing, tí tað gevur betri úrslit.

Venjingin kann ikki koma í staðin fyri heilivágin, men afturat.

Lurtari hevur sent ein spurning til Málteigin, har viðkomandi spyr, nær vit eiga at brúka eintal, og nær vit brúka fleirtal.

Lurtarin skrivar soleiðis: Eg hoyri viðhvørt, serliga í samband við ítróttafrásagnir, at fólk siga til dømis HB taptu, HB runnu, HB stóðu og Føroyar vann. Men nær tosa vit um spælarar, og nær tosa vit um felag? Nær brúka vit eintal og fleirtal?

Heilsanin, hav ein góðan dag, er eisini til viðgerðar, og vit tosa eisini um tummilsregluna, sum er galdandi fyri, nær vit siga fyrri og seinni.

Hoyr sendingina her

Luttakarar: Theodor E. D. Olsen, Dagfinn Olsen, Magni Mohr, Guðrun Zachariassen, Elin Reinert Plank, Eline Hammer, Ivan Niclasen og Elin Henriksen.

Á dagstovninum við Landavegin í Havn er ein stova, sum er serliga gjørd til børn við immunverjusjúkum.

Stovan er tann einasta av sínum slagi í landinum, og í løtuni eru trý børn, ið brúka tilboðið. Fýra starvsfólk eru á stovuni, tveir námsfrøðingar, eitt hjálparfólk og ein sjúkrarøktarfrøðingur.

- Hóast stovan bert hevur verið til í ein mánað, hevur tilboðið longu gjørt stóran mun, halda tey bæði Steinbjørn V. Olsen, leiðari á stovninum, og Marta Sigurstein, sjúkrarøktarfrøðingur.

"Herfyri hoyrdu vit klummu í útvarpinum, har viðkomandi nærmast reypaði um, hvussu eldri menn hyggja eftir yngri kvinnum, tí teir biologiskt eru førir fyri at gera tær við barn.

Tað tykist ikki sum, at menn gera sær far um, hvat tær ungu kvinnurnar hugsa um teir. Har ganga teir allir og kenna seg sum ein Sean Connery, meðan tær ungu damurnar hugsa ?gamli stoddari!?.

Tað nyttar í øllum førum lítið at hava lítlar raskar sáðkynkur svimjandi, um hesar als ikki koma nær námind einum eggi, tær kunnu gita!"

Í hesari vikuni verður kappast um føroyska meistaraheitið í súkkling, og kappast verður um trý meistaraheiti.

Bestu súkklararnir í býarkoyring, einkultstarti og landavegsúkkling skulu finnast, og hetta eru somu kappingar, sum kappast verður í á Oyggjaleikum.

Kappast verður í døgunum frá 4. til 6. oktober. Hóskvøldið verður kappast í býarkoyring, og kappast verður í hjartanum av Havnini.

Friggjadagin verður kappast í einkultstarti, har málið er á Sornfelli, og leygarmorgun verður kappast í landavegsúkkling. Her er startur og mál við bilasøluna hjá Wenzel.

23 ára gamli Lukas Sentner, sum býr í Berlin, súkklaði herfyri úr Berlin, har hann býr, og allan vegin til Norðurnorra.

Á ferðini, sum tók 34 dagar, hitti hann fólk og fekk tey at greiða frá sínum dreymum.

Ferðin er partur av átakinum Dreams are borderless hjá Barnagrunni Sameindu Tjóða.

Biðin um at taka saman um drúgva súkklutúrin, sigur Lukas Sentner, at orðið hugni lýsir hann best.

Hann hevur upplivað hjartagóð fólk allastaðni.

Tá hann kemur aftur til Týsklands er ætlanin at geva ferðafrásøgn út í bók.

Hoyr sendinga her

Við í sendingini eru: Bjørg Østerø, Kertin Nysted, Tanja Bogdanovic, Hans Petur Nolsøe, Erling Fles, Ólavur Ellefsen, Haraldur S. Hansen og Hanna Jensen.