Góðan morgun Føroyar hevur vitjað nýggja Lugarið við bátaylin. Samrøður eru við Kristian Joensen, Edvin Joensen og Janus Ryggshamar, havnaumsjónarmann

Hoyr sendingina her

Luttakarar: Asfinn Sigvardsen, Janus Ryggshamar, Edvin Joensen, Kristian Joensen, Rasmus Magnussen, Guttormur Sørensen, Carla Martha Josenius Mikkelsen og Gunnvá Mohr

Rasmus Magnussen var ferðaleiðari hjá einum ferðalagi, sum skuldi úr Føroyum til Danmarkar at hyggja at dystinum í Parkini millum Danmark og Føroyar.

Flogfarið var seinkað, og tað reið um snarið, um tey náddu til dystin.

Trýst var á síðstu løtuna, og tí var Rasmus Magnussen við check in og veitti eina hjálpandi hond.

Hann var seinastur aftur í flogfarið.

Meðan hann sat og bíðaði eftir, at flogarið skuldi fara, legði hann til merkis, at øll atgongumerkini til dystin vóru gloymd eftir við check in.

Hetta var 73. ferðin, at ST skipar fyri aðalfundi, og millum evnini hesaferð vóru heimsfriður, veðurlagsbroytingar og heimsmálini.

Hoyr sendingina her

Luttakarar, Páll Brim Joensen, Karl Leonson, Helena Dam á Neystabø og Amalia Danielsen.

22 ára gamli Hans Berg Hansen úr Klaksvík bjargaði lívinum hjá einum týskum pari, tá hann og unnusta hansara, Sólrun Larsen, hildu summarfrí í La Marina í Alacante í Spania.

Parið, 54 ára gamla Elena Minich og 67 ára gamli Paul Minich, hava sett seg í samband við Norðlýsið, sum hevur skrivað um tilburðin.

Týska parið kom illa fyri í hørðum botnstreymi við strondina í La Marina, og lukku tíð var Hans Berg Hansen tilstaðar, tí annars hevði tað kunnað endað galið.

Hans Berg Hansen greiðir frá tilburðinum í hesum innslagnum.

Ó hevur, í samstarvi við Fólkaheilsuráðið, spurt føroysk lesandi um venjing og steroidir.

Fleiri enn 700 fólk svaraðu spurnarkanningini.

Av teimum spurdu halda 11 prosent, at steroidir er ein trupulleiki millum ung í Føroyum.

Teirra millum er bara ein, ið sjálvur ella sjálv hevur tikið steroidir, men seks prosent meta kortini, at tað er lætt at fáa fatur á steroidum í Føroyum.

Hoyr sendingina her:

Petur Hans Dahl, Sámal Samuelsen, Hans Berg Hansen, Finnbjørn Vang, Hans Samró, Brynjálvur Nattestad og Leivur Nattestad

Ein familjulega ætla fólki við tilflytarabakgrund verður hildin í Nesvík um vikuskiftið. Hetta er fyrsta legan av sínum slagið í landinum, og tað eru Reyði Krossur Føroya og Útlendingastovan, sum skipa fyri.

Legan er ætlað pørum og familjum, har ein ella fleiri hava tilflytarabakgrund, og endamálið er at byggja brúgv millum føroyingar og tilflytarar.

- Endamálið er eisini at skapa eitt afturvendandi tilboð til hendan málbólkin, siga Bárður Atlason Ísheim, dagligur leiðari í Reyða Krossi Føroya, og Jóhan Jacobsen, fulltrúi í Útlendingastovuni.

Fyrr í ár fór Lena Anderssen til Los Angeles at taka upp sína næstu útgávu.

Sangurin To Be With You Again var í bruttohópinum, men onkursvegna riggaði hann ikki inn í heildina á útgávuni og var tí lagdur til síðis fyribils.

Men To Be With You Again sat framvegis í kroppinum.

Tí tók Lena eina viku úr kalendaranum í summar og tók sangin upp saman við Niclasi Johannesen.

Og í dag kemur sangurin út.