Samfelagið ger alt ov lítið fyri at hjálpa teimum, sum viga ov nógv. Ovurfiti er í veruleikanum ein kronisk sjúka, og møguleikarnir at sleppa í viðgerð eru als ikki nøktandi, sigur danski yvirlæknin, Jens-Christian Holm.

Hjá børnum er ein røð av fylgisjúkum, ið vit fyrr settu í samband við vaksin fólk, ið kunnu standast av ovurfiti. Høgt blóðtrýst, høgt kolesterol og diabetes 2 teljast millum hesar.

Á føroyaferðini hevur Jens-Christian Holm hann hildið skeið fyri vaksnum, ið viga ov nógv.

Hoyr sendingina her

Lutakarar: Tóri Restorff Jacobsen, Susan Philbrow, Rannvá Andreassen, Durita Hummeland, Oddbjørn Joensen og Annika P. Nørrespang.

- Tey sakna Føroyar, føroyskan mat og ullint klæðir úr Føroyum. Og eg havi lovað, at eg skal royna at skaffa teimum mat og klæðir úr Føroyum.

Soleiðis sigur Tummas Olsen, sum seinastu níggju árini hevur arbeitt á Mændenes Hjem, ið er eitt tilboð til heimleys í Keypmannahavn.

Sambært honum er ikki óvanligt, at hann hittir heimleysar føroyingar í danska høvuðsstaðnum:

- Tað er meira vanligt, enn mann kundi ímyndað sær. Gjøgnum hesi árini havi eg hitt nógvar føroyingar - summir eru á Mændenes Hjem í stutta tíð, meðan aðrir eru har í fleiri ár, sigur Tummas Olsen.

Hoyr sendingina her:

Lutakarar: Petur Hans Dahl, Fríðurn B. Mortensen, Ingi á Smið, Tummas Olsen, Eirikur í Jákupsstovu og Jógvan Fríðriksson.

Hoyr sendingina her

Luttakarar: Jákup Veyhe, Øssur Winthereig, Søren Djurhuus, Erik Bæk, Sigrun Danielsen, Jón Brian Hvidtfeldt og Andras Jákupsson.

Í fjørsummar var ein druknivanlukka úti í Bug í Leirvík. Boðini, sum komu inn til 1-1-2, ljóðaðu, at maður var druknaður í bátahylinum í Leirvík. Úti í Bug plagdi at vera bátahylur, men er tað ikki longur. Harafturímóti, so er nýggjur bátahylur longri norðuri í Leirvík. Hetta hevði við sær, at longri gekk at finna vanlukkustaðið, tí leitað varð í nýggja bátahylinum.

- Tað er heilt ótrúligt, sum gløggskygni og radarin hjá konufólki sær væl, tá vit menn hava gjørt okkurt skeivt, ella hava okkurt at fjala. Men radarin svíkir púrasta, tá tit skula bakka inn í garasjuna, tí tað krevur eina neyva meting av frástøðuni ímillum veggin í garasjuni og kúfangaran, meðan tú koyrir. Og tey evnini eru staðsett fremst í høgraheilanum, har sum sansirnir fyri rúmi er, og tann sansurin er ikki serliga fullmentur hjá konufólki.

Hoyr Knarrið, sum verður lisið av Jákupi Dahl.

Í Málteiginum hesaferð verða dømi um, nær tað er rætt at brúka orðini, sín, hansara, hennara og teirra. Reglan er, at sín altíð vísir aftur til grundliðin, meðan hansara vísir til onkran annan.

Men tað er ikki altíð so einfalt, vísa dømini, sum komin verða inná: 

Pól koyrir í sínum bili. Her er ongin ivi, Pól eigur bilin.

Pól koyrir í hansara bili. Her er tað onkur annar, sum eigur bilin.

Pól bað Sáru koyra við sínum bili. Er tað nú Pól ella hon, sum eigur bilin?

- Influensa er vandamikil og kostar lív á hvørjum ári.

Tað sigur Djóni Joensen, sum er kommunulækni í viðtaluni í Kollafirði.

Hetta er tíðin, tá influensa byrjar at gera um seg, og sambært Djóna Joensen eiga fólk at taka influensu í álvara.

- Eftirsjúka er tað, sum ger, at ein influensa kann verða vandamikil, tí tað er júst eftirsjúka, sum kostar mannalív, sigur Djóni Joensen og heldur fram:

- Eftirsjúka kann ofta vera lungnabruni, sum blívur til ein bakteriellan lungnabruna, og tá er tað vandamikið, sigur Djóni Joensen.

Í vesturbýnum í Havn býr 95 ára gamla Katrina Maria Olsen. Hon fær vitjan eina ferð um vikuna, tá Guðbjørg á Lofti, sum er vitjanarvinur hjá Reyða Krossi, støkkur inn á gólvið.

Tær práta og hugna sær saman, og tað er gevandi fyri báðar. Katrina fær gestir, og Guðbjørg fær innlit í lívið hjá Katrinu, sum dugir væl at siga frá.

Reyði Krossur hevur havt vitjanartænastu í fleiri ár, og tænastan er ment nógv øll árini og fevnir nú um næstan alt landið, siga Eyrith Guttesen Leyni og Marin Samuelsen frá Reyða Krossi.