Føroyskar vinkonur, sum kennast frá fimleiki, eru í løtuni í New York og ferðast.

Fyri stuttum fóru tær at vitja eyðkendu trappuna hjá Carrie Bradshaw, sum fólk, ið hava fylt við sjónvarpsrøðini Sex and the City, kenna.

Og meðan tær sita har, kemur Sarah Jessica Parker, sum spælir Carrie Bradshaw í Sex and the City, spákandi.

Vit stóðu bara og gapaðu, sigur Elin Michelsen, sum tó undirstrikar, at tær ikki vóru farnar á ein Sex and the City-túr.

Vit vóru bara har í grannalagnum.

Hoyr sendingina her

Víð í sendingini eru, Elin Michelsen, Mick Box, Sigvald Zachariassen og Napoleon Magnussen

Í apríl næsta ár fara føroysk vinnulívsfólk eftir ætlan til Tanzania og upp á hægsta fjallið í Afrika, Kilimanjaro.

- Hetta er eitt skeið, sum er ætlað teimum vinnulívsfólkunum, ið ynskja sær eina persónliga avbjóðing.

Soleiðis sigur Arne Vatnhamar, ið skipar fyri hesum heldur øðrvísi leiðaraskeiðnum. Sjálvur hevur hann sum fyrsti og einasti føroyingurin verið á heimsins hægsta fjallið, sum er Mount Everest.

- Fólk, ið bera okkurt brek, ella hava eina øðrvísi útsjónd enn tey flestu, eru ógvuliga hugtakandi, og tey eru so sanniliga vøkur. Tað er tað, eg vil avmynda.

Orðini eigur kendi myndamaðurin Rick Guidotti, sum í hesum døgum er í Føroyum. Tað er Megd, felagsskapurin fyri tey, ið bera brek, sum hevur fingið myndamannin til Føroya.

Seinastu 20 árini hevur Rick Guidotti einans avmynda fólk, sum á ein ella annan hátt hava eina sermerkta útsjónd. Áðrenn tað tók hann myndir av fleiri av teimum heilt stóru fotomodellunum so sum Cindy Crawford og Claudia Schiffer.

Í kvøld og í annaðkvøld fara tónleikarar at heiðra Chuck Berry við konsert og frásøgn í ávíkavist Spaniastovu í Klaksvík og á Reinsarínum í Havn.

Meinhard Jensen fer at siga frá um Rock and Roll undangongumannin, og sangir hansara verða tulkaðir av Janusi Petersen, gittar, Jens Paula Joensen, trummur, Jógvan Fróða Baldvinsson, bas, og Rana Nolsøe, gittar.

Janus Petersen og Rani Nolsøe vitja morgunsendingina og hugleiða um mannin, sum broytti tónleikin í 1950unum.

Hoyr alla sendingina her

Lutakarar eru: Marnar á Skúr, Martin Mouritsen, Jóhan Viderø Gunnarsson, Tóra við Keldu og Rick Guidotti, Rani Nolsøe og Janus Petersen

Hann var við til at seta Uriah Heep á stovn í 1969, og hóast tað skjótt eru 50 ár síðani, hevur gittaristurin als ongar ætlanir um at gevast. - Eg kenni meg sera hepnan, sigur hann.

Mick Box hevur frætt, at atgongumerkini til kunngjørdu konsertina í Føroyum vórðu útseld, og at konsertin tí er flutt í Stórhøllina á Hálsi.

- Tað fegnast vit um, og vit eru spentir at koma aftur til Føroya at spæla allar teir kendu sangirnar.

Mick Box minnist væl konsertina í Føroyum í 1990, tá hann lænti víðagitnu topphúgvuna hjá Jens Martin Knudsen.

Hoyr alla sendingina her

Við í sendingini eru Leivur Frederiksen, Marjun Ziskason, Gunvá Magnussen, Sólvit Nolsøe, Árni Andreasen, Nomi Káradóttir Rasmussen, Gunnar Nolsøe og Ingi Rasmussen

Tann triðja desember verður nýskrivaði, føroyski jólakalendarin, Flytifuglar, at hoyra í Barnaútvarpinum.

Men børnini sleppa eisini at arbeiða víðari við jólakalendaranum, tá tey fara í skúla.

Barnaútvarpið og Nám hava samstarvað um undirvísingartilfarið, sum tekur støði í tí, ið fer fram í jólakalendaranum. Tilfarið er serliga ætlað miðdeildini.

Hoyr alla sendingina her

Lutakarar í hesari sending eru, Øssur Winthereig, Barbara Samuelsen, Jón Brian Hvidtfeldt, Sofus Johannesen og Jóan Símun Edmundson