Loran C-støðin á Eiði var virkin í 56 ár. Alt tíðarskeiðið sendi støðin radiobylgjur, sum fortaldi skipum og flogførum, hvar tey vóru stødd.

Men sum fráleið hevði nýggj tøkni, fylgisveinasignal og GPS, tað við sær, at týdningurin av Loran C minkaði.

Nýggjársaftan í 2015 var støðin sløkt.

Og nú verður høga masturin, sum hoyrdi til Loran C-støðina, tikin niður.

Í heili 50 ár starvaðist Jógvan K. Mørkøre á støðini.

Hoyr allla sendingina her

Luttakarar í sendingini: Herálvur Jacobsen, Hans Pauli Strøm, Kári Holm Jacobsen, Djóni Eidesgaard og Jógvan K. Mørkøre

Í fimm ár hevur Rannvá Rasmussen í Havn ikki havt fastan bústað.

Sjey ferðir hevur hon verið noydd at flyta, tí leigumálið, sum hon búði í, gekk út ella varð uppsagt.

Í dag býr hon hjá vinfólki, meðan hon hvønn dag leitar eftir einum býli at leiga í Havn.

Fólk eru sperd

Elin Hentze, sum er nevndarlimur í áhugafelagnum, Búgva, sigur, at tey merkja væl, hvussu sperd fólk eru.

Í 2017 varð áhugafelagið Búgva sett á stovn. Tað er eitt felag, sum arbeiðir fyri fjølbroyttari bústaðarmøguleikum í Føroyum.

Tey merkja eisini dagliga stóra tørvin á bíligum leigubústøðum í Føroyum, sigur Elin Hentze, ið er nevndarlimur í felagnum og umsitari á facebookbólkinum, Fjølbroyttari bústaðir í Føroyum, sum er kjaksíðan hjá Búgva.

Hvør hevur rætt til arv, og hvussu verður arvur útroknaður?

Hetta var evnið, sum Jógvan Páll Lassen, greiddi frá um í morgunsendingini.

Harafturat svaraði hann spurningum frá lurtarum.

Hoyr sendingina her

Luttakarar eru: Margun Lindholm, Jógvan Páll Lassen, Rannvá Rasmussen og Elin Hentze.

2.300 fólk standa á bíðilista hjá Bústøðum eftir einum leigubústaði, men tað finnast ongi neyv tøl fyri júst hvussu stórur ella bráfeingis tørvurin er.

Men veruligi tørvurin er nógv hægri enn tað, er varhugin hjá stjóranum á Bústøðum, Andrasi Róin. Har merkja tey dagliga, hvussu stór neyðin er millum fólk.

Í Leirvík býr Katrin Madsen saman við unnustanum, Filip Djordevic, og trimum børnum, sum eru 10 og 2 ár og 4 mánaðir.

Leigusáttmálin hjá Katrini og teimum er útgingin, og húsini sett til sølu.

Tey hava fingið loyvi til at verða búgvandi, inntil húsini eru seld, men tá tað hendir, hevur familjan ongastaðni at fara.

2.300 á bíðilista

2.300 fólk standa á bíðilista hjá Bústøðum eftir einum leigubústaði, men tað finnast ongi neyv tøl fyri júst hvussu stórur ella bráfeingis tørvurin er.

Hoyr alla sendiingina her.

Við í sendingini her: Petur Hans Dahl, Katrin Madsen, Andras Róin, Birna Mørkøre, Jógvan Sørin Hansen og Kristianna Mortansdóttir

Við íblástri úr tónleikatiltakinum Húsagongd, er ætlanin at fylla Miðvág við fólki og tónleiki.

Kirkjan, Beitið, skeinkistøð, pitsabarrir og grøni náttarbussurin verða karmur eina røð av konsertum við fólki í og úr Vágum.

Ein av bólkunum, sum fer at spæla, er Hips um Haps. Bólkurin hevur ikki verið virkin í nógv ár, men nú ger hann come back.

Hips um Haps,sum umboðar serstaka vágasoundið, læt í1990 bandið Hálvavegna úr hondum.

Í blaðgein var skrivað um útgávuna: - Tá tú hevur hoyrt helvtina av bandinum hjá Hips um Haps, hevur tú hoyrt alt bandið.