Hoyr alla sendingina her:

Við eru, Petur Hans Dahl, Jóan Pauli Dahl Jakobsen, Runa Preeti Ísfeld, Jóannes Jakobsen, Ingemar V. á Løgmansbø og Leivur Frederiksen.

- Hví skulu vit bara syngja flaggsangin á flaggdegnum?

Soleiðis spyr Jóannes Jakobsen, sum nú hevur gjørt nýtt lag til føroyska flaggsangin Sjá tú blánar.

- Merkið verður brúkt bæði í sorg og gleði og allar tíðir á árinum, so hví bara syngja um tað 25. apríl, heldur Jóannes Jakobsen fyri.

Í morgunsendingini greiddi Jóannes Jakobsen frá nýggja lagnum, sum hann sjálvur hevur gjørt til kenda tekstin.

Rennarar frá Útilív Adventure Festival, fólk úr Nordic Coastal Cleanup og Ringrás ruddaðu Tjørnunesgjógv. Í alt vóru eini 30 fólk, ferlstu útlendingar, við í ruddingini.

Tað blivu nógvir sekkir tilsamans. Meginparturin var boyur og annað frá fiskivinnuni.

- Hesi fólkini síggja tað ikki sum nakað strævið at taka lut í ruddingini, sigur Ingmar Valdermarson á Løgmansbø.

Vit hava havt ein góðan dag, leggur hann aftrat.

Jóan Símun Edmundsson hevur fingið eina flúgvandi byrjan í týskum fótbólti.

Hóast bara fýra dystir eru spældir, hevur hann longu skorað og lagt upp til fleiri mál fyri felag sítt, Arminia Bielefeld.

Jóan Símun Edmundsson sigur, at móttøkan hevur verið sera góð.

Ávísir trúpulleikar vóru við bústaði fyrstu vikurnar, men nú tykist tað at vera komið í rættlag.

Týska málið hevur verið størsta avbjóðingin.

Føroyski spælarin vísir á, at hann er tann einasta á liðnum, sum ikki tosar týskt.

Nú fær hann undirvísing og skilir longu tað mesta.

Hoyr alla sendingina her

Lutakarar í hesari sending eru, Øssur Winthereig, Barbara Samuelsen, Jón Brian Hvidtfeldt, Sofus Johannesen og Jóan Símun Edmundson

Fleiri evni vóru á skránni í Málteiginum hesaferð. Tosað verður um orðið, regla, um at lata seg í og úr og um hvussu høll og vøllur eita í fleirtali.

Eisini eru tummilsreglur á breddanum, og hesaferð umrøða vit, nær sagnorð fáa IR og UR ending í nútíð. Harafturat eru tvey nýggj orð til viðgerðar. Annað er miðmáli, hitt er gávubarn.

Elin Henriksen er í útvarpsstovuni.

Hesa vikuna hava ymsir vinklar upp á bústaðartrotið í Føroyum verið at hoyrt í morgunsendingini.

Vit hava hoyrt frá fólki, sum ikki hava fastan bústað - bæði í Havn og uttan fyri Havnina, og vit hava eisini staðfest, at tað eru fleiri orsøkir til trotið enn bara stóri fólkavøksturin. Aðrar orsøkir eru økta ferðafólkatalið, sentralisering og at vit eru ov sein á sjóvarfallinum.

Hpyr alla sendingina her

Við í sendingini eru: Eyðun Christiansen, Bogi Jacobsen, Elin Hentze, Guðrun Sólja Jacobsen, Sonni Larsen, Maria Winther Olsen og Elin Henriksen

Síðani 2014 er fólkatalið í Føroyum vaksið við 3.000 fólkum, og tað er ein óvanliga høgur fólkavøkstur. Hetta er sjálvandi gott, men tað skapar aðrar avbjóðingar, millum annað bústaðartrot.

Orsøkirnar til bústaðartrotið eru fleiri enn bara sjálvur fólkavøksturin, men vaksandi áhugin fyri at búgva í Føroyum, so longi sum tak ikki er yvir høvdið á øllum, kann fara at verða ein proppur í fólkavøkstrinum, sigur Hans Pauli Strøm, sosiologur á Hagstovuni.

Hans Pauli Strøm og Kári Holm Johannesen, sosiologur, hava hugt nærri at tølunum.

NINA er um eitt ung danskt par, sum flytur til Føroya og búsetir seg í Mikladali.

Meðan unnustin starvast sum lækni á Klaksvíkar Sjúkrahúsi, veksur einsemi hjá ungu Ninu, ið tí endar við at roynsla og revsa sjeik sín fyri at fáa vátta kærleika hansara.

Leikstjórin innleiddi sýningina í Havnar Bio, men áðrenn sjálvur filmurin byrjaði, fór leikstjórin úr salinum.

Eg eri so nervøs nervøs og at sita við bankandi hjarta í 80 minuttir er hart, sigur Maria Winther Olsen.

Hon fegnast um at frætta, at lógvabrestir vóru í salinum, tá sýningin var av.