7., 8. og 9. september verður Útilív Adventure festivalur hildin á fyrsta sinni.

Tá verður eitt nú møguleiki at renna marathon, 42 kilometrar, og ultramarathon, 65 kilometrar, í føroysku fjøllunum.

Áleið 250 útlendingar og 30 føroyingar fara at renna í fjøllunum, tá Útilív Adventure festivalurin verður hildin.

Annika Patursson Nørspang, djóralækni, svaraði í morgun spurningum frá lurtarum

Hvussu var flaggdagsskrúðgongan í Havn í 1950, hvussu sá út á ólavsøku í 1953, og hvussu var grind hildin til við Kongabrúnna sama árið?

Nú kunnu øll, sum hava hug, síggja hópin av stuttum filmum, sum vórðu tiknir upp í Føroyum í 1950unum.

Skotarnir Alf og James Cordiner tóku filmarnar upp á føroyavitjanum í 50árunum. Í alt er talan um góðar 81 minuttir.

Í dag er tað Inga Simonsen, sum eigur filmarnar og saman við soninum, Hera, hevur tryggjað, at øll hava atgongd til upptøkurnar.

Hoyr alla sendingina her. Við í sendingini eru, Petur Hans Dahl, Símun Gulakksen, Jógvan Magnussen, Jenis av Rana, Janus Rasmussen, Anne Mette G. Klemensen, Heri Simonsen og Inga Simonsen.

Blóðtrýstheilivágur er nakað, sum er vanligur partur av gerandisdegnum hjá nógvum føroyingum, tí umleið fjórði hvør føroyingur hevur ov høgt blóðtrýst.

Og er blóðtrýstið ov høgt, økist vandin fyri hjarta- og æðrasjúkum. Og vandin fleirfaldast, um tú eisini roykir, hevur ov høgt kolesteroltal og diabetes.

Men tað ber kanska til at eta soleiðis, at blóðtrýstið blívur normalt og sleppast kann undan at taka heilivág.

Allan Samuelsen, sum er nevndarlimur og er við at fyrireika Country- og Bluesfestivalin sigur, at einastu útlendsku nøvnini eru Carlene Carter úr USA og so Stig Rossen úr Danmark. Annars eru øll luttakandi nøvnini føroyingar. Hetta vísir seg at vera ein røtt avgerð, sigur Allan, tí sjálvdan hava so nógv atgongumerki verið selt í forsølu.

Morgunsendingin er í Sørvági

- Tað eru ikki hóttanirnar, ella keðiligu uppringingarnar, sum hava fingið meg at hugsa um støðuna sum ummælari. Tað hevur verið stuttligt og gevandi, sigur Niels Uni Dam, sum hevur ummælt tónleik í samfull 28 ár. Nú mugu onnur sleppa framat.

Men, leggur Niels Uni afturat, kanska verður okkurt ummæli at síggja í einum bloggi onkutíð.

Ivan Eginsson Eysturland heldur við trimum fótbóltslandsliðum. Tey eru Føroyar, Ísland og Uruguay.

Tey bæði síðst nevndu eru við í HM endaspælinum í Russlandi.

Hann hevur verið fjeppari hjá Uruguay í næstan 30 ár.

Hesaferð hevur liðið møguleika at koma rættiliga langt í kappingini og kanska vinna hana, heldur hann.

Framúr góðir spælarar eru á liðnum, og vinnaramentaliteturin er nakað heilt serstakt.

Ivan Eginsson Eysturland vitjar javnan í Uruguay og fyri fýra árum síðan var hann í sjónvarpslýsingum í Uruguay og gjørdist tá landskendur.

Føroya fyrsta leikasavn letur upp í býarbókasavninum í morgin, fríggjadagin.

Maria Nielsdóttir, sum starvast á umhvørvisdeildini hjá Tórshavnar kommunu, kom við hugskotinum, eftir at hava verið á ferð í Sveits, har tey hava royndir við leikasøvnum.

Morgunsendingin hevur verið og vitjað leikasavnið og tosa við Mariu Nielsdóttir, frá umhvørvisdeildini hjá Tórshavnar kommunu, Maluna Hilmarsdóttir, bókavørð og Turið Horn forkvinna í Náttúru- og Umhvørvisdeildini hjá Tórshavnar kommunu.

Magni Laksafoss, Thormann Kruse og Torkil Zachariassen hava seinastu tíðina brúkt nógva frítíð at skráseta holur og gjáir í Føroyum. 621 holur eru higartil skrásettar, men umleið 200 eru eftir, sigur Magni Laksafoss við morgunsendingina.

Klæmintsgjógv, saman við Húsagjógv og Trongugjógv við sínum 348.000 rúmmetrunum og Munkastovan við sínum 260.000 rúmmetrunum eru størri, enn í dag skrásetta heimsins størsta gjógv, Rikoriko, sum liggur í Nýsælandi, við sínum 220.000 rúmmetrunum.

Magni Laksafoss greiðir frá.

Mynd: Norðlýsið