- Eg var á netinum og kundi taka eina Mensa-roynd til stuttleika. Tað gekk ordiliga væl, og so sá eg tilvildarliga á heimasíðuni hjá Mensa, at tey høvdu eina roynd í Havn, so eg hugsaði, at eg skuldi royna at vita, hvat hetta var fyri nakað.

Soleiðis sigur 23 ára gamli Sámal Kristiansson úr Hoyvík.

Tann 3.mai var hann til upptøkuroynd hjá Mensa-felagsskapinum. Ein felagsskapur ætlaður fólkum við høgum intelligensi.

Sámal Kristiansson var tann einasti til hesa upptøkuroyndina, sum fór fram í Føroyum, og hann stóð royndina.

Hetta er liður í trygdarviðurskiftunum á arbeiðsplássunum hjá byggifelagnum Articon, siga Evelyn Gaard, HTU leiðari hjá Articon og Sunnvard Andreasen, verkætlanarleiðari.

Tað er á arbeiðsplássinum hjá Articon uppi á Sundi at talvan telur og er komin uppá 420, men dagar verða eisini taldir á hinum arbeiðsplássunum hjá Articon.

270 fólk eru í starvi hjá Articon.

Í sambandi við serritgerðina hjá Barbaru Hilduberg á Kunstakademiets Designskole í Keypmannahavn, hevur hon seinastu mánaðirnar arbeitt við hugtakinum Side by Side.

Ritgerðin er gjørd í samstarv við Føroya Barnaheim, og snýr seg í høvuðsheitum um at byggja brýr og skapa betri tilknýti ímillum Barnaheimið og lokala umhvørvið.

Í dag er 12. juni, og ST hevur valt henda dagin at vera altjóða dag móti barnaarbeiði.

Sambært lógini kunnu børn yngri enn 15 ár, ikki vera sett í arbeiði. Tó kunnu børn, sum eru fylt 13 ár, hava lættari arbeiði innan fyri nærri avmarkað sløg av arbeiði og eftir nærri ásettum treytum.

Í morgunsendingini prátaðu Jensina Olsen, Óli Rubeksen og Bjørghild Djurhuus um børn og arbeiði.

- Hetta hevur verið mega gott. Eg havi upplivað jarðarferð, brúdleyp, konfirmatión, barnadóp og nógv afturat.

Soleiðis sigur Merle Rupprecht úr Týsklandi, sum í skjótt eitt ár hevur verið skiftisnæmingur í Føroyum.

Hetta seinasta árið hava fimm ung fólk úr Týsklandi, Polen, Spania og Frankaríki búð sum skiftisnæmingar í Føroyum.

Um fáar vikur er hetta árið í Føroyum hjá eini føroyskari familju komið at enda. Eitt ár við eini rúgvu av upplivingum.

Tað var maestro í føroyskum kórsangi, Ólavur Hátún, sum tók stig til forvitnisligu konsertina í múrinum, sum er reistur umleið ár 1300. Kórini Sólarmagn av Velbastað, Havnarkórið og Tarira vóru við á konsertini og tey sungu eisini í einum felagskóri saman við einum samansettum symfoniorkestri. Kórleiðararnir vóru Ólavur Hátún, Leif Hansen, Jóhannes Andreasen og Ólavur Jøkladal.

Eftir konsertina legði Ólavur Hátún fram eitt uppskot saman við Arberti Isfeld arkitekti um, hvussu múrurin kann gerast eitt mentanarhús. Uppskotið ber í sær, at ein glastekja verður løgd oman á múrin.

Leygvarkvøldið skal Fróði Vitalis Hansen luttaka á stórari MMA stevnu, ið verður í Brøndy Hallen.

MMA er ein kampítrótt - Mixed Martial Arts.

Hetta er størsta MMA stevnan í Danmark nakrantíð, og fyrireikarnir hava gjørt nógv burtur úr tiltakinum.

Mótstøðumaðurin, ið Fróði skal berjast ímóti, eitur Per Franklin og er úr Svøríki.

Heðin Arge hitti Fróða til venjing í gjár, har hann legði seinastu hond á fyrireikingarnar til stóra dystin.

Í apríl mánaði heitti Mentamálaráðið á allar dagstovnar og dagrøktir um at koma við uppskotum til Barnasangbók Føroya. Ein sangbók, sum allir nýføðingar fáa latið í vøggugávu frá landinum.

Nógv sanguppskot komu inn, men nú sleppur almenningurin eisini upp í part.

- Fyri at fáa eina so fjøltáttaða og spennandi bók sum gjørligt vilja vit nú lata almenningin sleppa at siga okkum, hvørjir barnasangir eru vælumtóktir heima, sigur Eydna Skaale, sum er samskipari av sangbókini.

Fyrst skuldi filmurin, "Fågelfångarens Son," takast upp í ymiskum londum í Evropa, men trupult var at fáa alla fíggingina uppá pláss. Tí varð avgjørt, at gera flest allar upptøkurnar í Føroyum, sigur føroyski filsframleiðarin í verkætlanini, Jan Berg Jørgensen.

Hetta hevur verið ein spennandi tilgongd, og arbeiði í Bø, Gásadali, Koltri og síðan í gomlu komu- og fráfariingarhølunum á flogvøllinum í Vágum, hevur havt fleiri avbjóðingar við sær. Men samanumtikið hevur gingið sera væl við upptøkunum, sigur Jan Berg Jørgensen við morgunsendingina.

Tað gerst alsamt meira vanligt, at alt samskifti millum borgarar og stovnar ella fyritøkur fer fram á netinum.

Tað vil siga, at heldur enn at fáa eitt vanligt bræv í postkassan við einum boðum frá onkrum stovni, so verða boðini send á netinum eitt nú í einum telduposti.

Og júst tað, at ein so stórur partur av slíkum samskifti í dag fer fram á netinum, tað er ein avbjóðing fyri pensjónistarnar í Føroyum.

Tað sigur Beate L. Samuelsen, sum er forkvinna í Landsfelag pensjónista.