Týsdagin í síðstu viku fór Jóhana av Vági við kós ímóti St. Kilda í Skotlandi.

Ferðin gekk væl, men nógvur vindur var einu náttina. Tað bleiv heldur ófantaligt eina løtu, sigur skiparin, Hans í Líðini.

- Vit hava vitjað flestu plássini í Skotlandi, sigur skiparin, og nú var stundin komin at vitja St. Kilda.

Søgan er áhugaverd. Fólk, sum búði á staðnum, vórðu tvangsflutt í 1930unum. Tey livdu ov isolerað, og tí var innanøring.

Og eisini er áhugavert, at seyðurin sigst vera tann sami, sum var í Dímun, áðrenn tað var avtikið.

Helgi Fossádal hevur savnað myndir av øllum skipunum, sum hava røkt oyggja-, uttanlands-, og farmasiglingina fram til dagin í dag.

Finnur Koba hevur hugt at framsýningini í Müllers Pakkhúsi.

Framsýningin "Samferðsla í 100 ár", sum er í Müllers Pakkhúsi, er opin til og við sunnudagin 17. juni.

Hon letur upp aftur í dag klokkan tvey fram til kl. 23 í kvøld.

Hvar liggur fyrsti vegurin, sum varð liðugur í 1790?

Hvussu eitur fyrsti koyrivegurin?

Hvar kom fyrsti koyrivegurin millum bygdir?

Hvør var fyrsti tunnilin?

Tað svarið finst í Landsverki, sum letur dyrnar upp fyri almenningin í kvøld í samband við Mentanarnáttina í Havn.

Finnur Koba hevur hugt nærri at framsýningini - og ikki minst køkuni - sum eru gjørd til gestirnar í kvøld.

Sunnudagin verður serligur filmur frumsýndur í Norðurlandahúsinum, sum hevur heitið  "Whale Like Me."

Ein filmur, sum varpar ljós á hval og hvalaveiðu. Leikstjóri er Malcolm Wright úr Suðurafrika.

Ein teirra, aum hevur nógv við henda film at gera,og sum luttekur í filminum er Rúni Nielsen, sum er í útvarpsstovuni og greiðir frá um filmin, "Whale like me"

Í dag er altjóða roykfríur dagur.

Henda dagin heitir Fólkaheilsuráðið á kommunurnar kring landið at hjálpa fólki við at leggja av.

Tað kann gerast við at kynda bál og soleiðis geva roykjarum høvi at blaka sigarettirnar á bálið.

Hetta er ein góður, og ógvuliga ítøkiligur máti, at leggja av, sigur Ólavur Jøkladal, fulltrúi á Fólkaheilsuráðnum.

Ráðið hevur sent bræv til kommunurnar har heitt verður á tær at kynda bál, so fólk fær henda møguleikan, nevniliga at kasta tubbakið á bálið.

Sunnudagin fara yvir 600 rennarar at luttaka í Atlantic Airways Tórshavn Maraton.

Hetta er 16. ferð, at renningin er á skránni, og luttakaratalið hevur øll árini verið støðugt vaksandi.

Og ikki bert føroyingar luttaka í árligu renningini.

- Vit hava rennarar úr umleið 28 ymiskum londum, og tað tykist, sum at áhugin hjá útlendingum at luttaka í maraton í Føroyum gerst bara strri og størri fyri hvørt ár, sigur Herluf Jacobsen frá rennifelagnum Bragdið.

Í løtuni ber til hjá tilsamans 750 rennarum at vera við.

Tað er altavgerandi, at vit goyma matvørur rætt. Ikki alt, sum skal goymast í køliskápi, og ei heldur allar matvørur, sum kunnu liggja saman í køliskápinum.

Goyma vit matvørur rætt, sleppa vit eisini undan matspillu.

- Eitt, sum fólk ofta hava liggjandi í køliskápinum, eru tomatir. Men í roynd og veru er best at hava tær liggjandi á køksborðinum, tí tær halda sær longri og smakka eisini betur tá, sigur Rannvá Lamhauge Beder, sum er kokkur.

Bette Johansen hevði hug at seta á stovn eitt gongufelag, men tordi ikki rættiliga at koma fram við hugskotinum.

Um somu tíð var aðalfundur í felagnum Tórshavn, og har kom fram, at limirnir vildu sleppa fleiri útferðir, og ætlanin var so at brúka Kunningarstovuna, har Ingigerð á Trøðni starvaðist, sum miðstøð fyri túrarnar. Bette og Ingigerð tosaðu saman og so var at fara ígongd.

Bette Johansen og Ingigerð á Trøðni eru í útvarpsstovuni

Seinastu árini hevur Tórshavnar Big Band tikið ymisk evni upp.

Ein táttur er at heiðra stórur jazz-sangarar, og hesa ferð eigur Ella Fitzgerald tørn.

Í ár eru 100 ár liðin, síðani hon var borin í heim, vísir Mortan Zachariassen, limur í Big Bandinum, á.

Edith Dahl Jakobsen telist millum sangararnar, sum skulu syngja sangir, ið Fitzgerald, plagdi at syngja.

- Hetta er ikki nøkur løtt uppgáva, viðgongur hon, tí Ella Fitzgerald hevði sín sermerkta stíl.

Hon hevði frálíka intonatión, og so dugdi hon so sera væl at skatta.

Sáðgóðskan hjá monnum er ikki góð. Góðskan er so vánalig, at støðan er alarmerandi, sigur Niels Skakkebæk, professari við Ríkissjúkrahúsið í Keypmannahavn.

Deildin fyri Arbeiðs- og Almannaheilsu skipar fyri ráðstevnu saman við Syddansk Universitet og Harvard School of Public Health, sum verður hildin í Norðurlandahúsinum, og eitt av evnunum er sáðgóðskan hjá monnum.