Í kvøld kl. 19 spæla føroysku hondbóltskvinnurnar EM-dyst móti Serbia í Ítróttarhøllini á Hálsi í Havn. Í "Góðan morgun Føroyum" var samrøða við ein av leikarunum, Bjartu Johansen, og annan av landsliðsvenjarunum, Sofus Dahl Christiansen.

Sofus sigur, at liðið hoyrir heima í hesari kappingini og ikki í kappingum fyri smærri tjóðir.

Lurta eftir samrøðuni her.

Læran um føroyska málið í okkara skúlaverki er ikki nóg góð.

Tað heldur Elin Henriksen, lærari og málkøn.

Í morgunsendingini greiddi Elin Henriksen frá føroyska málinum og okkara málbrúki. Harafturat svaraði hon spurningum frá lurtarum.

- Ein góður ferðaleiðari gevur ferðafólki meir enn bara faktuellar upplýsingar. Tað skal vera undirhaldandi at lurta, og ferafólkini skulu tíma at lurta eftir tær.

Tað siga tey bæði Rannvá Mortansdóttir og James Olsen, nú tey hava nomið sær útbúgving sum ferðaleiðarar á miðnámsskúlanum í Vestmanna.

Tey eru millum tey 20 fólkini, sum í september mánaði í fjør byrjaðu hesa útbúgvingina, og sum mikudagin fáa ferðaleiðaraprógv.

Sambært teimum kann tað vera avbjóðandi at vera ferðaleiðari í Føroyum.

Antines Iversen og Jógvan Frýdal eru landmálsteknikarar hjá Umhvørvisstovuni.

Morgunsendingin hittir teir Innan Glyvur, har teir í løtuni seta mørk.

- Viðhvørt eru fólk ósamd um útskiftigina, og tá kann tað vera nokkso tíðarkrevjandi at koma á mál, sigur Jógvan Frýdal.

Ofta er kortini nóg mikið at tosa við partarnar, leggur hann aftrat.

Á heimasíðuni hjá Umhvørvisstovuni stendur soleiðis um útskifting:

Í 1926 varð viðtikin ein útskiftingarlóg, eftir at Landbokommissionen hevði sett fram uppskot um eina tílíka longu í 1911.

Karlstadmodellið er ein háttur at geva fólki, sum hava trupulleikar við málinum, hjálp, so tey kunnu klára seg milllum onnur, reint málsliga.

Tað er ikki neyðugt at hava nakra serliga diagnosu fyri at brúka Karlstadháttin, sigur Magna Jógvansdóttir, sum er forkvinna í nýstovnaða felagsskapinum, IAKM.FO, sum er ein greiin av altjóða felagsskapinum, IAKM.ORG.

Ber tað til við einum tóli, ið kannar røddina, at finna útav, um ein kvinna sum hevur átt, hevur tunglyndi?

Hetta er nakað, sum Sanne Storm í løtuni granskar í.

Hon er musikkterapeutur og PhD.

- Tað er altavgerandi so tíðliga sum gjørligt at finna útav, um ein mamma hevur tunglyndi í sambandi við barnsburð. Sum nú er, eru tað ikki allar kvinnur, sum hava tunglyndi, ið verða loftaðar nóg tíðliga, siugr Sanne Storm.

Seinastu árini hevur hon granskað, um eitt tól, ið kallast VOIAS, kann staðfesta barnsburðartunglyndi við at lurta eftir røddini hjá kvinnuni.

Tað verður gjørt klárt til djóradagarnar, sum verða leygardagin 26. mai og sunnudagin 27. mai á økinum hjá Føroya Ríðingarfelag í Havnardali í Havn.

Brandur í Dali, sum er nevndarlimur í Ríðingarfelagnum sigur, at hetta eru spennandi dagar hjá felagnum og ikki minni spennandi hjá fólki, sum hava áhuga í djórum.

Á djóradøgunum vera nógv ymisk djór at síggja. Spurdur hvat djór hevur verið mest spennandi hesi seinastu 20 árini, sigur Brandur, at tað var kálvurin Freddie úr Kirkjubø.

Aksel V. Johannesen er boðin í 50 ára føðingardagsveitslu hjá Fríðriki krúnprinsi.

Løgmaður er spentur at sleppa í veitsluna, men hann harmast kortini um, at hon er um somu tíð, sum Champions League-finalan verður spæld.

Dysturin í Kiew er ímillum Liverpool og Real Madrid, og løgmaður er ágrýtin liverpool-fjeppari.

Hann hevur avtalað við ein vinmann, at hann skal senda sms, tá málini koma.

Eg veit tó ikki, um tað fer at bera til at hyggja í telefonina, meðan eg eri í veitsluni, leggur løgmaður skemtandi aftrat.

- Tað var ein vinkona, sum sendi mær eina mynd av eini ruskspann inni í eini av Bone´s matstovunum. Henda ruskspannin líktist rættiliga nógv okkara sniði.

Soleiðis sigur Heiða G. Nolsøe, sum saman við Marie Berggren eigur og rekur fyritøkuna Drop Bucket, sum ger umhvørvisvinarligar ruskspannir.

Seinastu tvey árini hava Heiða G. Nolsøe og Marie Berggren brúkt nógva orku upp á rættarmálið við Bone´s.

Próvtøkurnar nærkast, og skjótt er alt yvirstaðið, sum næmingarnir hava stríðst fyri í trý long ár. Men hvussu er hetta tíðarskeiðið hjá miðnámsskúla næmingunum?

Súsanna Skaale, sálarfrøðingur, greiður frá.