Dopingeftirlitið í Føroyum var munandi hert í fjør.

Føroysk eftirlitsfólk kunnu nú sjálvstøðugt fara út og taka dopingroyndir av íðkarum, sum eru limir í Ítróttarsambandi Føroya.

Nógvir føroyingar hava sína dagligu gongd í mongu venjingarmiðstøðunum, ið eru kring landið.

Hesar eru ikki limir í ÍSF, og tí hevur ikki borið til hjá eftirlitisfólkunum at gjørt royndir har.

Men nú fær Tvørmegi, sum fyrsta venjingarmiðstøð í Føroyum, limaskap í Anti Doping Danmark, og letur tí upp fyri møguleikanum, at ófráboðaðar kanningar verða gjørdar.

- Tey flestu hava eftirhondini hoyrt um avleiðingarnar av ovurhondsstóru mongdunum av burturkasti, sum verða framleiddar hvønn einasta dag.

"Vit og skil" í eina viku er ein roynd at varpa ljós á hetta evnið við at knýta nakrar persónligar søgur at teimum avbjóðingum, sum stinga seg upp, tá ið minkast skal um burturkastið í húsarhaldinum, og tá ið tað skal skiljast og endurnýtast.

Ein av søgunum er tann hjá Jón Aldará, sum kann síggjast her:

Í gjár stóð í grein á in.fo, at ein av journalistunum í Miðlahúsinum hevur verið í Føroya rætti og vitnað, tí viðkomandi hevur følt seg hóttan eftir at hava skrivað um eitt ávíst mál.

Umrøddi journalisturin er Dánjal av Rana.

Hann sigur, at hóttanirnar hava tað við sær, at hann tryggjar sær, at dyrnar við hús eru læstar á kvøldi, og hann leggur merki til skuggar, ið flyta seg uttanfyri.

Tað ringasta er, tá tú hittir fólk í býnum.

Tá kunnu keðiligar støður taka seg upp, sigur Dánjal av Rana.

Hann ætlar sær kortini ikki at gevast í yrkinum.

Fyritøkan Gómagott, sum heldur til í gamla bankabygninginum í Steinatúni í Havn, varð fríggjadagin kosin Ársins Íverkseti 2018.

Tað var Aksel V. Johannessen, løgmaður, sum avdúkaði hetta á Íverksetaradegnum í Østrøm fríggjadagin.

Løgmaður vísti í síni grundgeving á, at Gómagott er ímyndin av íverksetan. Tað var í 2014, at Kirsten Hammer, saman við manni sínum Høgna, fór undir at gera meira burtur úr sínum frítíðarítrivi at gera konfekt.

"Lyra fra Nord" sigur frá søguni um Unn hina hugsunarsomu. Ein lýsing av eini víkinagakvinnu, ið varð fødd í Noregi og seinni gjørdist bóndakona í Íslandi.

Á konsertini verður sagt frá lívinum hjá Unn, sum tað er greina í Laksdøla sagaini. Hon búði eitt tíðarskeið í Gøtu. Seinni flutti Unn til Íslands. Eitt av hennara ommubørnum giftist seinni til Gøtu í Føroyum.

2. jóladag sat Atli Gregesen við telefonini og leitaði á netinum.

Á síðuni hjá Daily Mail sá hann eina samrøðu við Juan Mata um verkætlanina, Common Goal.

Endamálið er at fáa kendar fótbóltsspælarar at lata eitt prosent av síni løn til vælgerandi endamál.

Atli Gregersen hugsaði alt fyri eitt, at hetta var eitt frálíkt átak.

Hann sendi teimum ein meyl, og segði frá, at hann kundi hugsað sær at verið við.

Seinni varð hann ringdur upp, og tað endað við, at hann varð bjóðaður uppí.

Fríggjadagin klokkan 14 verður skipað fyri oyggjatreffi úti á Tinganesi har skipað verður fyri mótmælisgongu út á Tinganes.

Endamálið er at mótmæla tunnilssjón og krevja víðsjón. Í skrivinum, sum fyrireikingarbólkurin hevur sent út, eru nøkur krøv, sum verða handað landsstýrismanninum í samferðslumálum fríggjadagin.

Tað er ikki bara sum at siga tað, at keypa eina dronu og so senda hana í luftina við einum filmstóli hangandi undir sær. - Tú skalt hava serligt loyvið at flúgva eina dronu og tú skalt vera sera varin, hvar tú flýgur við dronuni, sigur Dávid P. Thomsen, sum er ein av teimum 17, sum seinasta vikuskiftið tóku prógv at flúgva við dronu.

Morgunsendingin vitjar David Thomsen.

- Hann er fittur, stuttligur, tvørur, strævin, men einki einki ilt býr í honum. Hann er eitt tað besta menniskja á jørð.

Soleiðis lýsir Elin Vatnhamar Olsen 32 ára gamla beiggja sín, Magnus, sum hevur Down´s syndrom. 

Sum vit sóu í sendingini "Tey serligu børnini" er tað nakað serligt at fáa eitt barn við Down´s, men hvussu er at vera systkin hjá einum, ið hevur Down´s?

Sambært Elini Vatnhamar Olsen hava hon og hini bæði systkini ikki merkt stórvegis til, at beiggin er øðrvísi enn flest onnur.

- Eg kenni meg næstan altíð vælkomnan umborð, men jú, tað kemur fyri, at onkur manning ikki ynskir, at eg skipi fyri einum møti ella leggi kristiligt tilfar eftir mær umborð.

Soleiðis sigur Torleif Johannesen. Í útvið 30 ár hevur hann arbeitt sum sjómanstrúboðari. Eitt starv, sum hann ikki beinleiðis sjálvur hevur valt.

- Eg veit ikki, hvussu nógv eg havi valt hetta arbeiðið, tí eg føli, at eg eri í tí arbeiðinum, sum Gud vil, eg skal vera í, sigur Torleif Johannesen og leggur afturat: