Fyrrverandi elektrikarin legði handverksarbeiði á hillina fyri fleiri enn tjúgu árum síðan, og hevur síðani givið eina langa røð av vælfagnaðum útgávum út.

Tónleikurin er nútímans fólkatónleikur, og sjálvur sigur Matt seg skriva um hendingar, ið hann ella hansara næstu hava upplivað.

Í kvøld, fríggjakvøldið, verður verður dupultkonsert í Reinsarínum við Matt the Electrician og føroyska útisetanum, Mariu Guttesen.

Í annaðkvøld, leygarkvøldið, spælir Matt the Electrician á Maggies í Nólsoy.

Tað var í 2015, at NRK fór undir at senda ungdómsrøðina Skam, sum lýsti gerandisdagin hjá nøkrum ungum í Oslo.

Røðin bleiv sera vælumtókt í fleiri londum.

Nú ger NRK eina nýggja røð eftir nøkunlunda sama leisti.

Blank eitur hon hesa ferð og eins og við Skam fer Kringvarpið eisini at senda hesa røðina.

Róar Mørkøre Hansen og Rannvá Dahl Hanusson starvast á ungdómsportalinum hjá Kringvarpinum, Røddini.

Tey lata væl at fyrstu pørtunum.

Rannvá væntar, at Blank fer at fanga tey ungu, tí røðin lýsir rættiliga væl lívið eftir student.

- Vit eru sera spentir uppá "legendskvøldið," sum verður hildið í badmintonhøllini í Klaksvík nú leygarkvøldið, sigur annar av stigtakarunum, Jógvan Andrias Joensen.

Ein av bólkunum, sum luttekur hetta kvøldið er Atlantis, sum virkaði sum húsaorkestur í biografsalinum Atlantis í Klaksvík. Hesir vóru teir fyrstu sum settu streym til popptónleikin í Klaksvík.

Eftir Atlantis kom so bólkurin Birds.

Morgunsendingin er í Klaksvík og tosar við limir í Atlantis og Birds og eisini við Jógvan Andrias Joensen, sum er við at fyrireika konsertina leygarkvøldið.

Fyri 40 árum síðan fekk Hansina bjóðað arbeiðið í Keypsamtøkuni í Fuglafirði. Ikki hugsaði hon tá, at hetta fór at verða hennara lívsstarv.

Nógv er broytt seinastu 40 árini, sigur Hansina. Eitt nú var bert ein frystiskur, har allur matur, sum skuldi kølast, fór í. Í dag eru einar 14 boksir í hanslinum.

Keypsamtøkan í Fuglafirði, sum er við Karvatoftir, er fjórða keypsamtøkan, sum hevur verið í Fuglafirði.

Morgunsendingin hevur vitjað Hansinu Abrahamsen í Fuglafirði

Í vikuni verður filmurin Utøya 22. juli eftir Erik Poppe frumsýndur í Føroyum.

Filmurin er um hendingina í 2011, sum vit ongantíð gloyma, men hava ilt við at skilja.

Hann er vorðin til í tøttum samstarvi við fólk, sum vóru á oynni lagnudagin - og er bygdur á fakta og vitnisfrágreiðingar.

Fyri at virða tey, ið lótu lív og avvarðandi teirra, eru tey ungu a oynni í filminum hugskapt. Drápsmaðurin verður oingantíð nevndur við navbi.

Eins og í øðrum londum fer Reyði Krossur Føroya nú eisini at sóknast eftir fólki, ið ynskja at luttaka í hjálpararbeiði hjá Reyða Krossi úti í heimi.

Øll við viðkomandi útbúgving og drúgvum starvsroyndum á einum øki, ið Reyði Krossur virkar fyri, eru vælkomin at senda umsókn til [email protected]. Eitt krav er eisini, at unsøkjarin skal vera stinnur í enska málinum.

Les meira um hesar starvsmøguleikar á heimasíðuni hjá Reyða Krossi Føroya Deild

Tað vóru nøkur foreldur, ættað úr Dali, sum hildu, at tað hevði verið stuttligt, um børn, við tilknýti til bygdina, kundu verið saman í eina viku við bygdini sum snúningsdepli.

18 næmingar vóru á summarskúlanum í Dali í fjør.

- Umframt undirvísingina, so er endamálið at savna børn saman, ið eru ættað úr bygdini og á tann hátt skapa eitt sosialt samband og góð vinarbond teirra millum, sigur Jónleif Johannesen, stigtakarari og lærari.

Skúlin er fullteknaður.

20 næmingar fara í summarskúla í Dali 27., 28. og 29. juni.

Hjá nógvum krevur arbeiði, at tey sita á einum kontórstóli í áleið 8 tímar um dagin.

Mette Aadahl, granskari, segði í TV2, at kontórstólar eru sera slítandi fyri okkara rygg - nokk nógv meira enn vit geva okkum far um.

Men hvussu skulu vit sita, um vit vilja verja okkara rygg, og er nakað alternativ til vanliga kontórstólin?

Elin í Stórustovu hitti Sigruna Danielsen, fysioterapeut, og setti henni hesar spurningar.

Hundar, sum gera burtur av sær. Bilar, ið koyra ófantaligt. Og fólk, sum ikki virða friðin, sum eigur at vera á einum kirkjugarði.

Hetta er nakað av tí, sum hevur ført við sær, at Tórshavnar Býráð nú arbeiðir við eini reglugerð, sum sigur, hvat tú kanst og hvat tú ikki kanst á kirkjugarðinum við Velbastaðvegin í Havn.

Á býráðsfundinum í farnu viku bleiv uppskotið um reglugerðina fyri kirkjugarðin umrøtt.

Tað eru góð trý ár liðini, síðani farið var undir verkætlanina at gera víkingaskip í Føroyum.

Jana Jensen, nevndarlimur í felagnum Víkingaskipið, sigur, at áðrenn farast kann undir veruliga skipið, skal eitt modell byggjast.

Modellið verður í hálvari stødd, einar níggju metrar til longdar.

Forprojektið kostar áleið 700.000 kónur at gera, og higartil hevur felagið útvegað 300.000 krónur.