- Tað er ikki nógv, sum tú sjálv ella sjálvur kanst gera, um tú ert plágað ella plágaður av acne. Men er talan um ein veruligan trupulleika, so er neyðugt at fara til lækna og fáa sterkar salvur at smyrja á. Í teimum ringastu førunum ber til at fáa ávísing til húðlækna, sum so eisini kann seta persónin í

antibiotikaviðgerð.

Soleiðis sigur Amalia Danielsen, sum er kommunulækni.

Í morgunsendingini greiddi hon frá um húðtrupulleikar og serliga acne. Nakað, sum í stóran mun rakar tannáringar.

Í síðstu viku fingu dagstovnar og dagrøktir um alt landið eitt skriv frá Mentamálaráðnum, har heitt verður á tey um at hjálpa børnunum at koma við uppskotum um sangir til Barnasangbók Føroya. 

2018 er skýrt at vera "Ár fyri málmenning hjá børnum", og tí er avgjørt, at nýføðingar skulu fáa eina sangbók við føroyskum sangum í vøggugávu frá landinum. Og tað eru listar við sangum til júst hesa barnasangbók, at stovnar og dagrøktir kring landið hava fingið hesa áheitan.

Christianshavns Brass Band skal luttaka í orkesturstevuni, sum Klaksvíkar Hornorkestur skipar fyri í ár.

Tað sermerkta við Christianshavns Brass Band er, at fleiri føroyingar spæla við í orkestrinum. Umframt at luttaka í stevnuni, hevur Christianshavns Brass Band eisini konsert í høllini á Læraraskúlanum leygardagin klokkan 16.

Fimm spælarar í orkestrinum eru í morgunsendingini.

Les merira um Christianshavns Brass Band her

og á facebook her

Um tað eru fólk, sum hava eitt serligt pláss í føroysku náttúruni sum sigur teimum nakað, har ein serlig søga kann knýtast til, er danska listakvinnan, Gitte Toft áhuga í hesum, so tað kann geva henni íblástur til málningar hon ætlar at mála úr Føroyum.

Gitte hevur fingið serligan tokkað til Føroyar og føroysku náttúruna, tá hon fyri umleið einum hálvum ári síðan vitjaði oyggjarnar.

Til ber at seta seg í samband við Gitte Toft her

Les meira um Gitte Toft her

"Her er tað stuttligt" er heitið á bókini um seinastu 20 árini hjá B36. Ein bók, ið Jákup Mørk hevur skrivað.

Umframt gongdina rúmar bókin eisini umrøðu av fleiri leikarum, sum hava gjørt vart við seg hesi árini. Eisini formenninir, fjeppararnir og onnur fólk kring B36 hava sítt pláss í bókini, sum kemur út sunnudagin.

Morgunsendingin skifti orð við rithøvundan um nýggju bókina og fekk Trónd Vatnhamar at lesa eitt brot, har mongu kiloini á kroppi hansara verða umrødd.

Dýri biðidagur er frídagur hjá flestu føroyingum.

Men hví hava vit dýra biðidag?

Í stuttum kann sigast, at dýri biðidagur bleiv halgi- og høgtíðsdagur í 1600-talinum. Heldur enn at hava fleiri ymiskar halgidagar, blivu hesir lagdir saman til ein dag - dýra biðidag.

Armgarð Arge, gudfrøðingur, greiddi frá serliga degnum í morgunsendigini.

Fyri einum mánaði síðani fingu tey bæði Jakobina Niclasen og Brandur í Dali ein hund.

Men talan er als ikki um ein vanligan hund, tí Dion, sum hundurin eitur, er ein tjekkoslovakiskur úlvahundur, og tann einasti av sínum slagi í Føroyum.

Hundurin, sum er skjótt hálvtannað ára gamal, er hálvur sjefari og hálvur úlvur og kemur uprunaliga úr Slovenia.

- Eg hevði hug til at royna eitt øðrvísið hundaslag og kundi eisini hugsað mær eina avbjóðing. Og tað er tað, tá mann hevur ein tílíkan hund sum hendan, sigur Jakobina Niclasen.

Flaggdagin, tann 25. apríl, er altjóða DNA dagur. DNA er stytting fyri deoxyribonucleic acid, sum vit á føroyskum kalla arvastrongurin. Tað var á hesum degi í 1953, at Watson, Crick, Wilkins og Francis góðu út vísindaliga grein um DNA bygnaðin. Á hesum sama degi, 50 ár seinni, varð tað almannakunngjørt, at arvamassin hjá menniskjum var kortlagdur. Tí er hesin dagur kosin at vera altjóða DNA dagur, og síðani 2013 hava fólk og stovnar runt alla verðina hátíðarhildið henda dagin.

Marmennil er líkur fólki, men er í stóran mun minni í vakstrarlagi, men fingrarnir eru langir. Hann livir á havsins botni og ger útróðrarmonnum mein við at taka agnið av onglunum og seta fast í botn, so at teir mugu slíta snørini.

Søgnin er spennandi um henda lítla kúllin, marmennilin, sum bleiv krøktur og tikin til lands, har bóndin risti kross yvir hann, so hann ikki skuldi fara á sjógvin aftur.

Hvørt ár fáa millum 15 og 30 føroysk pinkubørn staðfest refluks.

Refluks er, tá innihaldið í magasekkinum rennur upp - tað vit vanliga kalla bróstsviði. Børn við refluks kunnu spýggja nógv, sova lítið, gráta og trívast sum heild ikki serliga væl.

Hvønn mánað koma fleiri foreldur á barnadeildina á Landssjúkrahúsinum, har refluks endaliga kann staðfestast, og onkur viðgerð kann byrja.