Hesa vikuna skrivar Armgarð Arge klummuna, sum Elin á Rógvi lesur

Jákup Veyhe og Sjúrður Skaale eru eldir, men Pipar og Salt svingar framvegis væl. Tað er niðurstøðan hjá Birgir Kruse og Rudolf Joensen, ið ummæla Pipar og Salt show'ið, sum í løtuni gongur í Norðurlandahúsinum.

- Skótin í Bø var ein succé, stríðið ímillum bygdafólk og havnafólk riggar væl og gomlu figurarnar svinga framvegis væl, heldur Rudolf Joensen, ummælari. 

Tó meta teir báðir, Rudolf Joensen og Birgir Kruse, at Kári Cool hevur sæð betri dagar, og at rappið ikki riggaði so væl.

Pipar og Salt byrjaði fyri áleið 20 árum síðani, og undirtøkan fyri tí er framvegis stór.

Pipar og Salt show'ið hevur verið sýnt í Norðurlandahúsinum í ein mána og verður framvegis sýnt. Eykasýning aftaná eykasýning. Mett verður, at áleið 10.000 fólk hava sæð show'ið.

- Vit eru nøgdir, um fólk flenna, siga Sjúrður Skaale og Jákup Veyhe.

Hoyr ummælið av Pipar og Salt her

Allar tilnevningar eru vælkomnar, men ársins íverksetari skal hava víst árræði, dirvi og nýhugsan á onkran hátt, og skal hava vunnið sær pening við sínum arbeiði, sigur Bjartur Nolsøe, stjóri í íverksetarahúsinum.

Tað ber eisini til at senda uppskot inn til ársins innovatión og íløgu. Undanfarnu tvey árini vóru eingin uppskot til ársins íløgu, og tískil fekk eingin tann heiðurin. Bjartur Nolsøe vónar, at tað koma uppskot inn í ár.

Í fyrstu atløgu verða kloakkirnar eystan fyri Havnará spulaðar, og kloakkirnar verða eisini filmaðar og kannaðar.

Endamálið við at filma og kanna kloakkirnar er at síggja, hvørjum standi tær eru í, og hvørjar dagføringar kunnu gerast, sigur Marita Súsanna Hentze, verkfrøðingur á teknisku deild í Tórshavnar Kommunu, sum hevur ábyrgd av kloakkunum.

Heini Eysturoy, býarverkfrøðingur í kommununi greiðir frá, hvussu kloakkskipanin hongur saman, og hvørjar ætlanirnar eru við kloakkreinsan í kommununi.

Jóna Nicolajsen, málverji, sigur, at kvinnurnar eru ónøgdar við úrslitið. Tvey av teimum fimm málunum, sum Ísland fekk, skuldu ikki havt sloppið í gjøgnum. Eitt 3-0 tap hevði verið góðtikið.

Føroyar kláraði seg tó betur hesaferð enn seinast, tá tær spældu móti íslendsku kvinnunum. Tá taptu tær 8-0. Íslendska kvinnulandsliðið telist millum tjúgu tey bestu landsliðini í heiminum, og sambært Jónu Nicolajsen, so merkist tað væl, tá mann spælir móti teimum.

Umleið 50 fólkaskúlalærarar eru í hesum døgum á skeiði, fyri at læra um nýggj amboð, sum næmingar og fólk annars, sum stríðast við orðblindni, kunnu brúka, fyri at lætta um gerandisdagin.

Fridrikka Kjeld, forkvinna í orðblindalærarafelagnum og Christian Bock, ráðgevi, eru í útvarpsstovuni

- Tað stendur í viðtøkunum í Prestafelagnum, at felagið umboðar øll andalig rák í fólkakirkjuni. Og tí skal tað vera pláss fyri ymiskum áskoðanum.

Soleiðis sigur formaðurin í Prestafelagnum, Theodor E. Dam Olsen.

Í sjónvarpssendingini, Gud signi Føroyar, snúði fjórði partur seg um fólkakirkjuna og serliga tað, at prestarnir eru av ymiskum áskoðanum. Onkrir eru konservativir, meðan aðrir vera hildnir at vera meira liberalir.

Men tað er í lagi, at prestar ikki eru á einum máli um ávís viðurskifti, heldur formaðurin í Prestafelagnum:

Orðabøkurnar skulu ikki vera nakað málpoliti, men heldur vísa á stavseting og bendingarform.

Vit kunnu halda, hvat vit vilja um nýggju orðini, sum koma, men tey eru har og verða brúkt, og so ræður um at brúka tey rætt við rættari stavseting og røttum bendingarformi.

Elin Henriksen, málkøn, er í útvarpsstovuni. Elin svarar eisini spurningum, sum lurtarar hava sent inn.

Umleið 10. hvør føroyingur hoyrir ikki serliga væl.

- Fólk hoyra ikki verri í dag enn fyri eini 10 árum síðani, men sum heild eru øll meira tilvitað um hoyrnina, sigur Jutta Helgadóttir.

Hon er audiologistur og eigur og rekur hoyriklinikkina Hoyrnina.

- Tað er als ikki óvanligt, at ung fólk ynskja at fáa oyruni kannað, og tey eru ógvuliga tilvitað um at brúka hoyrivernd, tá eitt nú tónleikatiltøk eru, sigur Jutta Helgadóttir.

Sambært henni er tað ikki altíð, at ein persónur sjálvur leggur merki til, at hoyrnin er niðursett.