Góðan morgun Føroyar

Kendi Kingobólkurin úr Tjørnuvík, sum eigur sín stóra lut í, at sangarvurin eftir mæta sálmaskaldið Thomas Kingo verður varðveittur, fer á páskum at hava framførslur í fleiri býum í Danmark.

Jens Jensen sigur, at tiltøkini vanliga eru ógvuliga væl vitjað, og tað er rættiliga vanligt, at fleiri stólar mugu setast upp í kirkjunum.

Byrjað verður seinnapartin pálmasunnudag í Ørslevkloster kirkju. Tiltakið í Ørslevkloster kirkju verður nakað heilt serligt. Í kirkjuni liggur víðakendi føroyingurin, Magnus Heinason, grivin.

Svanna Dam Joensen, Majbritt Gade, Sissal M. Petersen og Ása Dánjalsdóttir ganga í mammubólki samam. Tær hava til felags, at barn teirra hevur downs syndrom.Tað hevur týdning fyri tær, at hittast við øðrum mammum, ið eru í somu støðu,  tí atgongd til hjálp og hvat tær hava rætt til, er ikki altíð løtt at finna.

- At kunna hjálpa øðrum fólkum er nakað, ið liggur mær nær. Og tí valdi eg at blíva samarittur.

Soleiðis sigur Steinbjørn V. Olsen, sum seinastu 11 árini hevur brúkt ein part av frítíðini við at vera samarittur.

Hann og Eyðbjørg Højgaard, eru partur av samaritt-toyminum, sum er til staðar, tá stór tiltøk eru á skráni, har nógv fólk savnast.

- At vera samarittur gevur mær ótrúliga nógv. Tað, at kunna hjálpa øðrum og vera til staðar, tá fólk koma í ymiskar truplar støður og vita, at tú kanst veita teimum hjálp, tað gevur eina góða kenslu, sigur Eyðbjørg Højgaard.

Tú skalt vita eina rúgvu um alskyns viðurskifti, tí tú kanst ongantíð vita, hvat ferðafólk spyrja um, vísir formaðurin í Føroya Ferðaleiðarafelag, Jógvan Thomsen, á.

Eingin dagur er eins, tí mennsikju eru so ymisk, sigur Jógvan Thomsen, sum leggur aftrat, at hetta er eitt ótrúliga gevandi og spennandi starv.

Tørvurin á útbúnum ferðaleiðarum er vaksin nógv seinastu árini, og formaðurin vónar, at fleiri føroyingar fara at fáa sær førleikar at virka í hesi vinnuni.

Fía Selma Nielsen, leiðari í Kundatænastuni í Betri Banka, vísir á, at fleiri feløg, sum leiga bilar út, krevja, at tú hevur eitt kredittkort, og góðtaka ikki, at tú ætlar at gjalda bilin við einum debitkorti sum Visa/Dankort ella MasterCard Debit.

Tað kemur meira enn so fyri, at føroyingar við einum Visa/Dankorti, ikki sleppa at leiga bil.

Tískil er týdningarmikið at kanna, hvat slag av korti tín bilútleigari krevur, í góðari tíð áðrenn ferðina, soleiðis, at tú hevur rætta kortið við á ferðini.

Tað tekur 14 dagar at bíleggja eitt nýtt gjaldskort.

Maria Suma Poulsen, ið varð fermd um vikuskiftið, sigur, at genturnar ganga rættiliga høgt upp í útsjóndina.

Summar fara til Danmarkar at leita eftir kjóla, tí har er úrvalið størri.

Nógv ganga ógvuliga høgt upp í pengar og gávur, sigur hon.

Ann Dahl Hansen, prestur, leggur dent á, at konfirmantarnir vita, hví fermingin er.

At fokusið er tað rætta.

Hon hevur ongantíð ivast í, at konfirmantarnar meina tað, tá teir taka við trúnni á degnum.

Ráðini til konfirmantarnar frá presti eru eitt nú at njóta dagin.

Arnhild Maria Poulsen skrivaði fríggjadagin á Facebook, at um onkur stakur uppihaldari við børnum hevði tørv á bústaði, so lat hon sínar dyr upp ókeypis. Hon vil fegin bjóða onkrum at búgva í stovuni hjá sær, tí hon sær, hvussu trupult nógvar barnafamiljur hava tað, og hvussu nógv fólk sóknast eftir bústaði dagliga. Sjálv hevur hon verið heimleys og búð í einum bili við børnunum.

Nýggi bólkurin, sum Edmund Jacobsen er sangari í, eitur VOLT.

Tað eru brøðurnir Jack og Mike Svendsen, saman við pápanum Kent Svendsen og Edmundi Jacobsen, sum eru limirnir í VOLT.

Hóast aldursmunurin er stórur, so riggar samstarvið sera væl, sigur føroyingurin.

Teir ungu koma við eini entusiasmu og orku, sum teir eldru ikki hava í sama mun.

Teir eru tó samdir um genruna. VOLT spælir harðan rokk.

Í kvøld byrjar ein nýggja barnarøðin Vinus og Vimús í sjónvarpinum. 

Morgunsendingin tosar við Páll Danielsen, sum hevur skriva handritið, og Rasmus Vigant Samuelsen, sum spælir Vinus í nýggju barnarøðini.

Vit vóru í kamarinum hjá Vinusi og heilsaðu uppá Vinus, og Vimús kagaði eisini fram at siga hey.

Í sendingini Vinus og Vimús hitta vit fitta vinin Vinus, sum dugir væl at finna uppá og siga frá. Í eini holu inni hjá Vinusi býr Vimús. Vinus og Vimús er vinir, hóast Vimús er ein mús.

Pauli Magnussen, leiðari í ungdómshúsinum í Vestmanna, sigur frá, hvussu lívið er í bygdini, og um at sjónleikur í næstum fer at vera í Vestmanna.

Harafturat greiða tær báðar, Kristina Sundar Hansen og Durita Sumberg Poulsen, frá um einsmansleikin "Mín fantastiska skilsmissa".