Góðan morgun Føroyar

Blái Krossur vil gjarna røkka Suðuroynni eisini, og fyri einum ári síðani heittu suðringar á Bláa Kross um at lata upp sølubúð har.

- Tað er lættari at fara í gongd við virksemið har suðuri, tá lokalu styrkirnar ynskja tað, sigur Petur Jákup Petersen, aðalstjóri í Bláa Krossi.

Ætlanin er eisini at hava bólkaarbeiði millum børn og ung eftir summarfrítíðina. Hetta fyribyrgingararbeiðið er fyri børn og ung, sum vaksa upp í heimum við rúsdrekka.

Leygardagin verður nýggja ítrottar- og bygdarhúsið í Hólmanum á Eiði tikið í nýtslu. Í húsinum er eitt nýtt, stórt venjingarhøli til øll at brúka og ein stór samkomuhøll, sum tekur umleið 300 fólk.

Morgunsendingin tosaði við Jógvan í Skorini, og samrøðan er eitt dømi um, at tá ið tað er beinleiðis útvarp, so gongur ikki altíð sum ætlað.

Upprunaliga er Betri Vinir verkætlanin avstralsk og kallast Better Buddies. Danmark hevur nýtt verkætlanina á stovnum í eini tíggju ár, og úrslitini eru góð.

Betri vinir er ein fyribyrgjandi verkætlan í móti happing. Tilfarið er ætlað til 3-6 ára gomul børn, fakfólk og foreldur.

Í Degi & Viku týskvøldið var innslag um, at tað nú ber til at greiða atkvøðu til russiska forsetavalið í Føroyum.

Tað var tó ikki evnið í innslagnum, sum bleiv mest umrøtt.

Hinvegin var tað jakkin hjá journalistinum, sum fekk fólk at skriva á Facebook. Talan var um ein jakka, ella anorakk, í kamouflage-litum. Fleiri vístu á, at plaggið minti um ein hernaðarbúna og fekk tankarnar at leita til kríggj og stríð.

eSportur er kapping í teldu spølum, t.d. dota og counter strike. Heitið eSport stendur fyri "elektroniskur sportur", tí kappast verður elektroniskt.

eSport Føroyar hevur sett tvey fólk í starv fyri at økja um dygdina á kappingum, stroyming og øðrum, nú áhugin fyri eSporti í Føroyum er øktur. Arnar Lognberg er settur sum sokallaður Game-Admin og sum tiltaksleiðari hjá esport.fo. Hitt starvið hevur Jógvan Martin Joensen fingið, og hann er settur sum samskiftisfólk.

Forkvinna í grunninum er Sigga Vang.

Sjálv hevur hon ikki fingist nógv við kappróður, men hon er kortini spent at fara undir hesa uppgávuna.

Í grein 3 í viðtøkunum stendur - Rætt til studning úr grunninum hava øll føroysk róðrarfeløg við teirri ætlan at gera nýggjan róðrarbát, róðrarhús og róðrarhyl. Haraftrat stendur í viðtøkunum, at studningur eisini kann latast til skúlaróður og til útgávu av einari føroyskari róðrarsøgu.

Sambært viðtøkunum skulu seks limir stjórna Róðrargrunni Føroya.

Norðoyar Kunningarstova og Íverksetarahúsið í Klaksvík skipa fyri evniskvøldi í Íverksetarahúsinum í kvøld.

Býrt tú í Norðoyggjunum og hevur eitt gott ferðavinnuhugskot til í summar, men ikki veitst hvussu tú skalt byrja, so skipar Norðoya Kunningarstova, saman við íverksetarahusinum fyri evniskvøldi í kvøld.

Nú skal formansskapurin í Føroya Løgtingi gera eina reglugerð, hvussu tingfólk skulu vera ílatin, men í formannsskapinum eru bert menn, og eg kundi hugsa mær at kvinnur eisini vóru við at skipa tílíkar reglugerðir, sigur Tingformaðurin, Páll á Reynatúgvu

Umstøðurnar eru sera góðar hjá teimum eldru í Havn, um tey velja at brúka tilboðini sum Tihaldið hevur at bjóða. Og tey, sum møta í Tilhaldinum eru frá gott 60 ára gomul til oman fyri 90, sigur Eydna Berg, dagligur leiðari á Tilhaldinum í Tórsgøtu í Havn.

Í samband við stovningardagin, verður hátíðarhald í dag, týsdagin, og tað verður í høllini í Finsen og byrjar nú klokkan 10 fyrrapartin.

Les meira um Tilhaldið her

Svanbjørg Manai, filatelistjóri á Posta, vónar, at serstaka savnið endar í Føroyum.

Geoffrey Noer úr Kalifornia, sum eitt skifti búði í Føroyum og gjørdist føroyavinur, hevur savnað tilfarið.

Savnið er mett til at hava eitt virði á 5 mió. kr. og verður selt á uppboðssølu í Wiesbaden í Týsklandi.

Teir ymisku lutirnir í savninum verða bjóðaðir út hvør sær.

Við í savninum hjá Noer er elsta bræv sent úr Føroyum, elsta bræv sent innanoyggja í Føroyum og elsta bræv sent til Føroya.