Góðan morgun Føroyar

Herfyri skrivaði Maria Andreasdóttir eina grein á vice.com um tiltakið Miss Faroe Islands, sum varð hildið til tiltakið Burn Showdown í november 2017.

Átta kvinnur luttóku til Miss Faroe Islands, og Maria Andreasdóttir var sjálv ein av teimum. Maria er eisini journalist og hevur aftaná tiltakið skrivað eina grein um upplivingina og fatanina, sum hon fekk av kappingini í Føroyum, og í gjøgnum samrøður við aðrar luttakarar, lýsir hon tað sum eitt stríð at stilla upp til Miss Faroe Islands, tí Føroyar eru stýrdar av siðvenjum og jantelóg.

Janus á Húsagarði er høvuðsmaður í bólkinum The Crowberry Band, sum varð settur á stovn í 2015. Bólkurin hevur spælt hópin av konsertum og hevur givið tvey løg út.

Aktuella lagið hjá bólkinum er "Pub on the Corner", ið snýr seg um Mimir. Til lagið er eisini eitt videolag gjørt.

Á Pub on the Corner spæla: sang - Janus á Húsagarði, kór sang - Brenna McCormick Jacobsen, kór sang - Malan Thomsen, guitar - Uni Debess, trummir - Brandur Jacobsen, piano/rhodes/guitar/kór sang - Finnur Hansen, bass - Johannis av Rógvu Joensen, steel guitar - Jákup Zakariasen.

Tær tríggjar bøkurnar eru: "Madame Bouvery" hjá franska rithøvundanum Gustave Flaubert, "Undtagelsen" hjá danska rithøvundanum Christian Jungersen og "Barnaár" hjá suðurafrikanska rithøvundanum John Maxwell Coetzee.

Seinastu mánaðirnar hava vit hoyrt nógv um, hvussu fólk við sjúkum so sum parkinson og sklerosu kunnu fáa tað betri við eitt nú kannabis.

Men tað ber eisini til at finna linna fyri millum annað áðurnevndu sjúkur við at brúka súrevnisviðgerð undir trýsti.

Janus Joensen hevur kavaraskúla í Klaksvík, og hann hevur ætlanir um at fáa ein trýsttanga á skúlan í summar. Men tangin skal ikki bara brúkast til kavarar.

Í gjár hevði nýggi blaðstjórin á Kvinnu sín fyrsta arbeiðsdag.

- Eg havi glett meg at byrja hetta arbeiðið og ivist ikki í, at eg kann brúka tær royndirnar, eg havi, frá teimum ymsu bløðunum, eg havi arbeitt á í Danmark.

Soleiðis sigur 36 ára gamla Tóra Effersøe Mortensen, sum skal stýra Kvinnu-skútuni næstu árini.

Og nýggi blaðstjórin hevur fleiri ætlanir við blaðnum.

- Eg ynski, at lesarin skal spæla ein nógv størri leiklut, og gerandislívið hjá føroyskum kvinnum skal fylla meir, sigur Tóra E. Mortensen.

Harafturat vil hon eisini provokera.

Um vikuskiftið var kapping í Keymannahavn um at finna besta makeup-artistin í danska ríkinum.

Hildigunn Lamhauge var við í kappingini, og hon er nú tann næstbesta í danska ríkinum at leggja makeup.

- Tað følist, sum eg havi vunnið, hóast talan ikki bleiv um eitt fyrstapláss, tí eg hevði ikki væntað, at tað fór at gangast mær so væl, sigur Hildigunn Lamhauge.

Sir Roger Bannister, sum var fyrsti maður at renna ensku mílina undir 4 minuttir, doyði leygardagin, 88 ára gamal.

Enska mílin er 1609,3 metrar, og tað var mett at vera ógjørligt hjá einum menniskja at renna teinin skjótari enn fýra minuttir.

Men Roger Bannister hevði sett sær fyri at gera júst tað.

Á Olympisku leikunum í Helsinki í 1952 setti Bannister bretskt met á 1500 metrum og fekk eitt fjórða pláss.

Hetta styrkti hann í trúnni um, at fyrsta mílin undir fýra minuttir var ein møguleiki.

Bjørg Elttør verður liðug á musiksúlamiðnámi í maimánaða í ár. Próvtøkan er ein konsert í Norðurlandahúsinum.

Tað hava verið trý spennandi ár og eg vil so staðiliga viðmæla øðrum, sum hava áhuga í tónleiki, at fara á musikskúlamiðnám, sigur Bjørg Elttør, sum vitjar morgunsendingina.

Les meira um musikskúlamiðnám her

Eitt aktuelt dømi er kavi. Hvussu skulu vit kunna lýsa slagið av kava, tá ið vit ikki longur kenna orðini um tey ymsu sløgini av kava.

Tað er tí umráðandi at vit tosa saman og tosa við tey ungu og brúka tey samheitaorð, sum vit duga, so vit ikki gloyma tey.

Elin Henriksen, málkøn, vitjar morgunsendingina

Ljóðar kavin tað sama í Grønlandi sum í Íslandi, ella ljóðar vindurin í Føroyum líka sum í Danmark.

Eva Fock frá earswideopen.dk, er musiketnolog, og hon er komin ti Føroyar fyri at vera við í føroyska partinum av Norðurlendsku musikstafettini.

Norðurlanda musikstafet er eitt listarligt menningarátak fyri skúlanæmingar og lærarar í Grønlandi, Íslandi, Føroyum og Danmark. Næmingarnir kanna ljóðini í teirra býi, teirra nærumhvørvi og gera eina ljóðsamanseting, sum so verður send víðari til Grønlands, Íslands og Danmarkar.